Marianela Núñez ballet dantzari argentinarraren eskutik dator 2024ko Dantzaren Nazioarteko Eguneko mezua

Oroitzapen batek ez du historia egiteko balio. Eta antzoki baten historia, bakoitzarena bezala, besteen historia ere bada; dantza bezalako arte batek migratu zuen eta hainbat latitudetan hazi zen gisan.

Royal Balleteko hormek bidaiaren argazkiak gordetzen dituzte; historiak protagonistak eskatzen ditu eta Argentinako dantzak izen horietako bakoitzarekin distira egiten du.

Sarritan, erakundeak anonimotasun isilean murgiltzen dira, aurpegirik eta abizenik gabe, iraganaren oihartzunari aurre egitea saihestuz.

ITI-UNESCOk bultzatu eta babestutako hainbat erakundeek ahanzturari aurre egiten diote, esaterako, Argentinako Dantzaren Kontseiluak. Dantzaren mundua aberastu duten eta datozen belaunaldiek entzutea merezi duten maisu, artista eta koreografoen historia berreskuratzeko eta biziberritzeko konpromisoarekin bat egiten dut haiekin batera. Denok jakin dezagun ez garela ikusleak, artez, duintasunez eta sakrifizioz eratutako tradizio baten oinordekoak baizik, eta gure bidea edertasunarekiko bokazioz eta maitasunez elikatzen dugu. Etorkizunak eta orainak gure arreta bereganatzen badute ere, iraganaren oinarri sendorik gabe, gure lurraren emankortasunik gabe, dantzaren zuhaitza ezin da loratu. Sustraiak tradizioa dira eta, aldi berean, elikagai.

Marianela Núñez