Villabonako Oinkari dantza taldeak eta Korrontzi folk musika taldeak "Infernuko Hauspoa" izeneko DVDa argitaratu dute. Bertan, bi talde hauek azken urteotan landutako ikuskizuneko musika eta irudiak jaso dituzte.

Kataluniako dantza profesionalen elkarteak dantzari buruzko 10 informazio gida prestatu ditu. Dantzaren alorrean lan egiteko aukerak, dantza lesioei inguruko argibideak, proiektu bat errealitate bihurtzeko jarraibideak edo aurrekontu bat egiteko irizpideak aztertzen dira besteak beste gida horietan.

Datorren abenduaren 18an Dantzazaleen eguna ospatuko da Durangon, Plateruena Kafe Antzokian Aiko taldeak antolatuta. Bertan, "Fasioren Mendea" liburu-CD-DVDaren aurkezpena egingo da. Bonifazio Arandia Fasioren soinulariaren inguruko lan hau Durangoko azokan Hala Dzipo-ren stand edo txokoan salgai izango da.

Pasa den azaroaren 19an, Italian, San MIchele all'Adigen, Carnival King of Europe izeneko egitasmoaren bigarren ekinaldiaren aurkezpena egin da. Europako inauterien ikerketa zabal bat da, Europako diru-laguntzekin burutzen ari dena. San Michelen izan ziren nazioarteko hainbat ordezkari, besteak beste, Bilboko Euskal Museoko ordezkariak ere.

Hamalauzanko elkarteak eszena eremuan soinuaren erabilera nork bere gorputzetik abiatuta lantzeko ikastaroa antolatu du. Itziar Madariagak emango du ikastaroa datorren abenduaren 11an.

Dantza taldeetan elkar ezagutu eta familia sortutakoak asko dira. Lizarrako Francisco Beruete dantzari ohien elkarteak gai horren inguruan jardunaldiak antolatu ditu. Erakusketa, hitzaldiak eta mahai-inguruak izango dira.

Datorren azaroaren 27an, larunbatean, arratsaldeko 19:00etan jokatuko da Pasaian "Euskadiko XXX. Gipuzkoar Aurresku Txapelketa", Pasaiako Udala, Gipuzkoako EDBk eta Alkarkide elkarteak antolatuta.

Urrian ospatu ziren Ortzadarren Folklore Jardunaldietan, Manuel Delgado antropologoak ezin izan zuen bere hitzaldia eskaini. Datorren azaroaren 19an izango da Iruñean, atzeratutako aurkezpena egiteko. Hiri-koreografiak izango ditu hizpide.

Ama, Aita eta alaba. Familia dira etxean Victoria, Gustavo eta Luna eta familia bat irudikatzen dute eszenatokian. Botereaz, gehiegikeriaz eta beldurraz gogoeta egin nahi izan du Gorosito-Mujica familiak, eta "Raices" ikuskizuna da kezka horren emaitza. Azaroaren 4an aurkeztu zen Bilbon.

Larraineko Errege txopitak taldeko dantzariak Txinan izan dira, dantza jaialdia batean. Naning hirian ospatu da jaialdia eta Larraineko Errege txopitak taldeko sei kide izan dira jaialdian Zuberoako dantzak eskaintzen.