Komunitatearen ekarpen guztiak

Asteburu honetan ospatuko da Portugaleteko Folklore Azoka , maiatzaren 10 eta 11an. Egitarau zabala prestatu dute bizkaitarrek asteburu guztirako eta musika eta dantza izango da protagonista. Azoka, Portugaleteko udaletxe ondoan dago, eta inguru hori ( planoa ) izango da azokaren baitan antolatuta...

Heldu den maiatzaren 17an Mixel Etxekoparrek idatzi eta Nicole Lougarot-ek zuzentzen duen Ederlezi pastorala ikusteko aukera izanen dugu Iruñean. Pastoral honek Euskal Herriko ijitoen gora-beherak kontatzen ditu historian zehar. Pastoralaren testuingurua hobe ulertzeko, "Ijitoak Euskal Herrian" izeneko hitzaldi sorta ere antolatu dugu, Iruñeko euskara elkarteekin batera (Zaldiko Maldiko, Euskaldunon Biltoki eta Karrikiri), maiatzaren 16 eta 17rako.

Mandiola eta Gorosta aldeko baserritar gazteek Santa Kurutzeko jaien ardura bere gain hartzeaz gain biziberritu egin dituzte azkeon urteotan. Giro ederra izaten da Eibarko ermita politenaren bueltan eta igandean han dantzatzen da soka-dantza, baserritarrak eurak sokan direla, aurresku, atzesku eta zerbitzari lanetan Kezkako dantzariak, eta musikari Usartza txistulari taldekoak aritzen direla.

"Lajkonik mundua, zaldikoaren mundua" erakusketa inauguratu zen 2014ko martxoaren 31an Krakoviako Historia Museoan. Erakusketaren inaugurazio ekitaldian Krakovia bertako Lajkonik-en, Zywiec herriko maskaradako Konik (zaldiko) eta Zuberoako zamaltzaina, horien segizioak eta dantzen agerraldia burutu...

Krakovian, Polonian izan gara martxoko azken egunetan. Zuberoako Zamaltzaina eta Krakoviako Lajkonika elkartu eta elkar ezagutu duten ekitaldian parte hartzeko aukera izan dugu. Krakoviako Historia Museoak Lajkonik izeneko hiriko zaldiko ezagunari buruz erakusketa antolatu du, eta Europan eta mundu zabalean dauden antzeko zaldikoak erakutsi nahi izan ditu. Horien artean aipamen berezia egin diote antolatzaileek zamaltzainari, eta hain zuzen, zamaltzaina gorpuztu eta bere dantzak bertan erakustera gonbidatu gaituzte Krakoviara.

Antzerkilariak eta dantzariak ameslariak gara ofizioz; irudimena ohiko lantresna dugu. Behin, sabaia eta lurra besterik ez zituen tailer itxurako orube sakon eta ilun bat erakutsi ziguten, eta guk oso erraz irudikatu genuen bertan aspaldian desio genuen eskola. Burdin erdoildu eta porlan belztuz betetako bazterrera seinalatuz “hemen ikasgelak izango dira eta han entsegu-gelak” esan ziguten. Guk zoko ilunera begiratu eta ikusi egin genituen ikasgelak, entsegu-gelak, eta haietan ikasleak ikusi genituen: aktore, teknikari eta dantzari izan nahi zuten gazte eta ez-hain gazteak ziren, beren buruak prestatzen, trebatzen ari ziren han bertan, gure begien aurrean.

Iruñeako Xut talde historiko / berriak dantzarako musika ederra egiten du. Herrixa Dantzan saioetan sarri erabili izan ditugu Xut-en doinuak, grabatuta. Oraingoan, zuzenean izango ditugu geurean. Agarrauan, soltean, jauziak, kontradantzak, bolant dantza, Baztango zortzikoa... Aparteko aukera izan...

Europako ezpata-dantzekin liluratuta, 1907tik aurrera hauek aztertzen ibili zen Frantisek Pospisil etnografoa. Horretarako argazkiak eta filmazioak egin zituen Txekiako, Ingalaterrako edo Euskal Herriko ezpata-dantzak ezagutu eta zabaltzeko. Bere grabazioak 80 urtez ezkutuan egon ondoren orain gutxi agertu dira, Juan Antonio Urbeltzi esker eskuratu eta denon eskura jartzen ari da dantzan.com. Euskal Herrian egindako grabazioak ere daude tartean, eta laster sareratuko dira horiek ere. Sarrera honetan Frantisek Pospisil nor zen eta bere lana apur bat gehiago ezagutzeko ahalegina egin dugu.

Martxoaren 28tik apirilaren 1era Polonian, Krakovian izango gara, bertako Historia Museoak Europako hobby-horse edo zaldikoaren inguruan antolatu duen erakusketan dantzatuko dugu.

Bilbon izan naiz gaur, Eusko Jaurlaritzaren Kultura sailak egin duen Kultura Auzolanean planaren aurkezpenean. Kulturaren Euskal Planaren oinordeko izateko asmoz abiatu duten egitasmo honen nondik norakoak azaldu dituzte Kultura saileko arduradunek, eta horren inguruan lehen inpresio trukea izan dugu.