Edukira salto egin | Salto egin nabigazioara

Tresna pertsonalak
Hemen zaude: Hasiera Bideoak Tradizionala Nafarroa

Dokumentuaren akzioak

Nafarroa

Otsagabia 2019 ingurutxoa

Otsagabian ingurutxoa dantzatu dute. Pasa den abuztuaren 31n Orhipean jaialdia ospatu dute Otsagabiko herritarrek. Jai honetan ehun urte atzera egin eta XX. mende hasierako lanbide edota ohiturak irudikatzen dituzte. Otsagabiko herritarrak orduko bizimoduan murgiltzen dira egun osoan zehar. Goizean ofizio zaharrak, eskolako unea edota ezkila jotzea antzeztu dituzte eta arratsaldean festari eta dantzari egin diote tartea. Blankoa plazan, irudietan duzuen ingurutxoa aurkeztu dute. Hamabi bikote atera dira plazara dantzara. Otsagabiko ttun-ttunean oinarrituta osatu dute dantza Patxi Villanuevaren musikarekin. Ingurutxoaren estreinaldiaren ondoren Otsagabiko eta Atharratzeko dantzariek makila-dantzak eman dituzte eta azkenik, dantzaldiarekin agurtu dute aurtengo Orhipean jaialdia. Irudiak: Itziar Otamendi. Ingurutxoa, Otsagabia, 2019-08-31.

Dokumentuaren akzioak