Elizondo: Baztandarren Biltzarra dantzan 2024

Baztandarren Biltzarrean Euskal Herriko probintzia guztietako dantzariek hartu dute parte, baita Errioxakoek ere. Pasa den igandean, uztailaren 21ean, Baztango herritarrek orgen desfilea egin dute. Baztango karrozen segidan honako dantza taldeak ere aritu dira Elizondoko kaleetan dantzan: Errioxako Cerverako dantza taldea (Espainia), Itsas Alde (Bakio), Pagolako dantzariak, Algara (Gasteiz), Astigar (Astigarraga), Akelarre (Hendaia), Arrola (Baigorri) eta Ortzadar (Iruñea). Kalejiraren ondoren udaletxe aurreko plazan mutil-dantzak dantzatu dituzte baztandarrek eta inguruetatik gerturatutako hainbat dantzazalek. Irudiak: Amaiur Aristi. Baztandarren Biltzarra dantzan, Elizondo, 2024-07-21.