Dokumentuaren akzioak

tradizionala etiketa duten bideoak

Tolosa: Gipuzkoa 1000 urte Agintarien soka-dantza

Gipuzkoako Diputatu Nagusia aurresku dela eta Tolosako alkatea atzeskua, Batzar Nagusietako presidentea eta Gipuzkoako 60 alkatetik gora eskuz esku sokan lotuta dantzatu da Tolosan Agintarien soka-dantza. "Gipuzkoarrok dantzaren bidez ospatzen dugu gure izana eta izena. Dantzak gogorarazten digu elkarri loturik gaudela, elkarrekin osatzen dugula komunitatea”, adierazi du Eider Mendoza Gipuzkoako Diputatu Nagusiak; eta hala erakutsi dute Gipuzkoako agintariek elkarri eskuak emanda sokan elkartuta dantzan plazaratu direnean. Gipuzkoa edo “Ipuskoa” izenaren lehen erreferentzia idatziaren 1000. urteurrena soka-dantzan ospatu da Tolosan. Mendoza buru dela atera da Gipuzkoako agintarien aurreskua Tolosako Euskal Herria plazara; Diputatu Nagusiarekin batera, Xabier Ezeizabarrena Batzar Nagusietako presidentea, eta Gipuzkoako herrietako alkateak dantzatu dira sokan. Mendoza aritu da aurresku eta Andu Martinez Tolosako alkatea atzesku, eta haiei laguntzen Udaberri dantza taldeko Miren Nazabal eta Xanti Nazabal dantzariak, guztiak Tolosako udal txistularien doinura, Ikerfolk elkarteko Juan Antonio Urbeltz-ek aldarrikatutako protokolo koreografikoa plazaratuz. Plazako itzuliaren eta lehenengo zubiaren ondoren, desafioa dantzatu dute dantzariek eta jarraian axeri-dantza edo abarketak dantzatu dituzte agintariek. Plazako itzulia eta bigarren zubiarekin amaitu dute aurreskua. Irudiak: Gipuzkoako Aldundia. Agintarien soka-dantza, Gipuzkoa 1000 urte, Tolosa, 2025-07-05.