Donibane Lohizune: Kaskarotak 2026

Martxoaren 1ean Donibane Lohizuneko kaleak hartu dituzte Begiraleak dantza taldeko kaskarotek. 2020an piztu zuten ateraldi hori. Gogoeta batetik abiatu ziren; ikusten zuten Betti Beteluk ikaragarrizko lana egin zuela Lapurdiko dantzen berreskuratzean eta beraien taldeak ezker eta eskuin ematen zituztela dantza horiek, bai beraien ikuskizunetan eta bai kanpora begira, baina ez zuten herrian beraien dantza guztiak ematen zituzten egunik. Irudiak: Begiraleak. Kaskarotak, Donibane Lohizune, 2026-03-01.