Dokumentuaren akzioak
Albisteak
Verdini dantza taldea, Andoaingo Bastero Antzokian
Osteguna honetan, Andoaingo Bastero Antzokian, arratsaldeko 19:30 etan Verdini Dantza Taldearen "Argira" ikuskizuna izango da, Dantza Garaikidearen IV. Zirkuitoan.
Dantza ikastaroak Bilboko EHUren Artea eta Kultura ikastaroetan
Dantza garaikidean, baletean eta dantza tradizionalean, sortze prozesuak izango dira aztergai ikastaro horietan. Idoia Zabaleta, Laura Etxebarria, Jon Maya eta Filgi Claveriek koordinatutako ikastaroetan Isabel de Naberan, Martin Sonderkamp, Kepa Artetxe, Larraitz Artetxe, Sabin Bikandi, Juan Antonio Urbeltz eta Philippe Cohen izango dira irakasle lanetan.
Gerardo Viana eta Mentxu Medel, Logroñoko Dantzaren Etxeko ohorezko lagun
Logroñoko "Angel Corella" Dantzaren Etxeak Gerardo Viana (Nocedal, Bizkaia, 1926) eta Mentxu Medel (Donostia, 1954) izendatu ditu 2008ko Ohorezko Lagunak.
Edu Muruamendiaraz-i elkarrizketa ETB2ko Forum-en
ETB2ko Forum programak datorren asteartean, apirilaren 29an, Dantzaren Nazioarteko Egunean, 9:00etan eskainiko du David Barbero kazetariak Edu Muruamendiara dantzari, koreografo eta Aukeran Dantza Taldearen sortzaileari egindako elkarrizketa.
Dantzaren Nazioarteko Egunaren gala Donostian
Dantzaren Nazioarteko Eguna datorren apirilaren 29an dela eta, Donostia Kultura eta Gipuzkoako Dantza Profesionalen Elkarteak, gala bat ospatuko dute apirilaren 27an Victoria Eugenia Antzokian.
Dantzaren Eguna eta Gladys Faith-en mezua
Badator apirilaren 29an, Dantzaren Nazioarteko Eguna, eta ohi bezala han eta hemen dantza ekitaldiak ugaritzen ari dira. Asteburuan izango dira ospakizun nagusiak. Urtero dantzaren alorreko pertsona ezagun batek prestatzen du Dantzaren Nazioarteko Egunaren mezua. Aurten Gladys Faith Aghulas, koreografa hegoafrikarrak prestatu du. Hona hemen:
Beti Jai Alaik 40. urteurrena ospatuko du asteburuan
Bilboko dantza taldea sortu zela 40 urte betetzen dira eta hori ospatzeko hainbat ekitaldi prestatu dituzte. Asteburu honetan bertan, larunbatean, lehengo eta oraingo dantzariak bilduko dituen jaia egingo dute. Ekainean Arriaga antzokian emanaldi berezia eskainiko du Beti Jai Alaik.
Verdini dantza taldea, Donostiako Giza Eskubideen VI. Zinemaldian
Igande honetan, Victoria Eugenia Antzokian, arratsaldeko 17:00etan Verdini Dantza Taldearen Argira ikuskizuna izango da, Giza Eskubideen VI. Zinemaldian. Ikuskizun honetan Isabel Verdinik planteatzen du minusbaliotasunak dituzten pertsonak gizarte honetan ez ote ditugun gehiegi babesten.
Txakolin(a): Mozkortien dantza?
Garai batean zapore latz eta elaborazio handirik gabekoa zen txakolin(a); gaur, bilakaera txalogarriari esker, hemengo gastronomian ohiko kontsumoko osagai nabarmenetako bat da. Gauzak horrela, azken urteotan jatorrizko izendapena duen eskualde bakoitzak (Arabako Txakolina, Bizkaiko Txakolina eta Getariako Txakolina) denboraldiko uztaren eta emaitzaren aurkezpena egiten du, eta leku horietan izan ohi da, Bakion, Zarautzen… non, azken urteotan eta behin baino gehiagotan dantzatu den, izen bera daraman dantza: "Txakolin(a)".
Urduña Hiria Aurresku Txapelketa
Maiatzaren 10ean Urduña Hiria Aurresku txapelketa izango da. Antolatzailea Fita Fik euskal soinutresna elkartea da.
Dokumentuaren akzioak
