Dokumentuaren akzioak
Albisteak
Max sari bana eskuratu dute Damian Muñoz eta Kukai-Tanttakak
Arte eszenikoen Max sariak banatu dira Las Palmas de Gran Canariako Cuyas antzokian eta dantzarien eskutik bi sari eskuratu dituzte artista euskaldunek. Damian Muñoz-ek dantzari interprete onenaren saria eskuratu du eta Kukai-Tanttakak errebelazioa saria.
Aurrez aurre CD berria aurkeztu dute Aiko eta Maritzulik
Aiko eta Maritzuli taldeetako kideek, 'Aurrez aurre' euskal dantza tradizionalen CD berria aurkeztu dute. CD hau, Claude Iruretagoiena koreografoak zuzentzen duen Maritzuli dantza konpainiarentzako konposatutako doinuek osatzen dute. Datorren larunbatean, hilaren 4an, 20:30ean, Durangoko plateruena Kafe Antzokian eskainiko da Aurrez aurre.
Cobalto: dantza sorkuntza urratsez-urrats
"Cobalto" du izena Espainiako dantza konpainiaren ikuskizun berriak. Martxoaren 20an estreinatu zuten Madrilgo Zarzuelaren antzokian. Baina estrainaldiaren aurreko lan guztia erakutsi nahian, bideo bloga antolatu du Nacho Duatok zuzentzen duen konpainiak Youtuben, sorkuntza prozesu osoa urratsez-urrats azalduz.
Atarrabian ospatuko da 2009ko Euskal Herriko Dantzari Eguna
Mikelats taldearen 15. urteurrenaren ospakizunekin bat eginez irailaren 12an Atarrabian ospatuko da EDBk antolatzen duen Euskal Herriko Dantzari Eguna.
Asparrenen esnatu dira inauteriak berriz
Denbora luzez lozorroan eman ondoren, 2007an esnatu zituzten berriz Arabako Asparren bailarako inauteriak. Ahozko tradizioaren lekukotasunetan oinarrituz, pertsonaiak berpiztu eta urtero atera dituzte karrikara ordutik. Denbora gutxian ospakizun berritu honek balioa eta onarpena berreskuratu ditu eta egun indarberrituta dagoela esan genezake.
Kukai-Tanttakaren 'Hnuy Illa' bi Max sari eskuratzeko aukerarekin
Kukai eta Tanttaka konpainien Hnuy Illa ikuskizuna bi Max sari eskuratzeko aukera du. Arte Eszenikoen sari hauek astelehenean banatuko dira LaS Palmasen, eta Hnuy Illak bi hautagaitza eskuratu ditu: Errebelazio Saria eta Euskarazko Autore Onenaren Saria.
Zalaparta politikoa piztu da Ribaforadako paloteadorekin
Dantza eta antzezpena nahasten dituzten herri antzerki hauen ezaugarrietako bat da satira eta kritika soziala, urtean zehar herrian gertatu diren pasadizo bitxiak gogoratzeko orduan erabiltzen dena. Iaz Ribaforadako dance-an botatako bertsoetako zenbaitzuk ez dira politikarien gustukoak izan eta aurtengo paloteadoa arriskuan da. Eskuineko zutabean jaso ditugun bideoak 2007ko Monteagudoko paloteadokoak dira, Youtuben argitaratuta daudenak.
Folk Lore 2009 Iruñean
1996tik Urtero antolatzen du Amaiur Dantza taldeak "Folk Lore" jaialdia bere lagunei ongi etorria emateko. Aurten, Folk Lore jaialdia apirilaren 4 eta 5-eko asteburuan ospatuko da, Iruñean eta Uharten. Euskal Herria, Katalunia eta Irlandako taldeek parte hartuko dute aurtengo jaialdian.
Txistuka: Txistua jotzen ikasteko material didaktikoa
Joan den hamarkadaren lehen urteetan berregituratu egin zen musika-irakaskuntza. Horren ondorioz, musika-tresnei buruzko ikasgaiak baldintza berrietara egokitzen joan dira, eta material didaktiko aproposak sortu dira. Gasteizko Folklore Akademiak txistua jotzen ikasteko material didaktiko berriak aurkeztu ditu.
dantzan.com RSS jario bitartez
Zertarako sartu dantzan.com-en, dantzan.com zuregana joan daitekenean. Hori da modu sinplean azalduta RSS jarioak egiten duena. Programa jario-irakurleen bitartez dantzan.com-en egiten diren eguneraketak zure ordenagailuan jaso ditzakezu webgunean sartu behar izan gabe.
Dokumentuaren akzioak
