Dokumentuaren akzioak
Albisteak
Donostia Dantzan erromeria apirilaren 19an
Apirilaren 19an Konstituzio plazan ohiko Erromeria izango da, arratsaldeko 19:00etatik 21:00ak bitartean. Donostiako Udaleko Txistulari Taldea izango da jotzailea eta Aitziber Aiesta eta Fernando Ruiz aurkezle eta animatzaileak. Oholtza gainetik edo plaza erditik jendeari zer eta nola egin erakutsiko diote, baita giroa berotzen lagundu ere.
Dantzaren eta mugimenduaren zientziak ikasketak Madrilen
Madrileko Europar Unibertsitateak dantzaren munduarekin lotutako ikasketa berri batzuk plazaratu ditu. Dantzaren eta mugimenduaren zientziak gradua da titulazio berri hori eta Hezkuntza fisikoko eta kiroletako zientzia fakultatean eskainiko da.
Bizkaiko Dantzari Eguna Markina-Xemein-en egingo da
Datorren maiatzaren 15ean ospatuko da Markina-Xemein-en Bizkaiko Dantzari Eguna. Bizkaiko Dantzarien Biltzarrak urtero antolatu ohi du ekitaldi hau.
Portugaleteko III. Folklore Azokaren behin-behineko egitaraua
Portugaleteko III. Folklore Azoka maiatzaren 10 eta 11n egingo da eta egitaraua ia itxita dago. Hona hemen behin-behineko egitaraua.
Herriko dantzak Urduñan Otxomaio jaietan
Datorren maiatzaren 3an, larunbatean, Otxomaio jaien egitarauan, XV. Herriko Dantzak jaialdia ospatuko da Urduñan. Bizkaiko zortzi dantza taldek parte hartuko dute Erauntsi dantza taldeak antolatutako jaialdian. Maiatzaren 9an berriz, ohiko Entradillak dantzatuko dituzte Urduñan.
Folk Lore 2008: azken orduko aldaketak eta albisteak
Urtero bezela Iruñeko udalak traba asko jarri ohi dizkigu gure jaia egiterako orduan. Folk lore egiten hasi giñenetik duela ia 12 urte beti arazoak izan ditugu: 450€ kostatzen dituen seguroak, 250€ elektrizitate konekzioa egiteagatik,... Honi gehitu egin behar zaio gu urtero baimenak denbora nahikoarekin eskatzen ditugula, ia hilabete ta erdi lehenago eta gaur apirilaren 1ean oraindik ez dugu erantzun ofizialik jaso bakarrik telefonoz hitzegindakoa baizik.
Dantza eta beste Gernikan, Gazteszenaren eskutik
Apirilaren 4an da hitzordua, ostegunean, edo eguenean gurago baduzue. Arratsaldeko 20:00ean, Gernikako Lizeo Antzokian. Gernikako eta Busturialdea osoko gazteen lanak oholtzaratuko dira, ordu biko emanaldian, Gazteszenaren eskutik.
Dantza egitarau zabala La Fundicion-en
Leire Ituarte eta Igor de Quadra-ren lanekin hasiko da apirileko lehen asteburuan Bilboko La Fundicion aretoaren dantza programazioa. Joera berrienen lekuko da La Fundicion eta datorren hiru hilabeteetarako egitaraua anitza prestatu du.
Folk Lore 2008 jaia apirilaren 5ean ospatuko da Iruñean
1996tik artero antolatzen du Amaiur Dantza taldeak Folk Lore jaia bere lagunei ongi etorria emateko. Helburua egun atsegina pasatzea da. Azken urteotan dantza talde, musikari, laguntzaile eta lagun ugari bildu gara, giro ezin hobea lortuz goizetik gauera.
Plegoaren dantzaren XIII. eguna ospatuko da Ablitasen
Datorren apirilaren 6an, igandean, dantzatuko da Ablitas-en Plegoaren dantza. Hiru eguneko ospakizunek borobilduko dute plegoaren egunaren inguruko festa. Ikusi albistean plegoaren dantzaren bideo bat.
Dokumentuaren akzioak
