Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Aurrez aurre CD berria aurkeztu dute Aiko eta Maritzulik

Dokumentuaren akzioak

Aurrez aurre CD berria aurkeztu dute Aiko eta Maritzulik

2009/03/30 16:54
Aurrez aurre CD berria aurkeztu dute Aiko eta Maritzulik

Argazkiak: Iñaki Zugasti

26 kantuz osatzen da Aikok konposatutako lan hau, dantza tradizionalak (jauziak, makil dantzak, bralea,…) eta musika unibertsalaren eraginarekin ere (pabanak, gallardak edo mazurkak). Oinarrian eskusoinuarekin, txistuarekin, kitarrarekin eta danbolinareklin eginiko doinuak dira.

Bilbon gaur goizean izan den aurkezpenean, Aiko Taldeko  musikariak diren Sabin Bikandi, Alvaro García eta Asier Garcia izan dira, CDaren babeslea den BBK fundazioko Gorka Martínez eta ikuskizuneko zuzendaria den Claude Iruretagoyena.

Maritzuli aurrez aurre jantzi26 konposiziok osatzen dute diskoa (doinu guztiak originalak, lau izan ezik hauek herrikoiak baitira), Aiko taldeko musikariek konposatutakoa da, doinu guztiak izanik musika, genero eta estilo ezberdinetan oinarritutakoak, izan tradizionalak zein unibertsalak. Honela, jatorri euskalduneko zortzikoak, jauziak edo makil dantzak zein pabana, gallarda, kontradantza edo mazurka estiloetako eragina duten doinuak entzun ditzazkegu Aikoren hirugarren disko honetan.

Erronka berezia izan da musika eta musikariak dantzaren zerbitzura jarri izana eta ez alderantziz, izan ere ekimen hau Claude Iruretagoyena koreografoeren eta Jon bere semearen proposamenetik jaio baita. Pasa den udaberrian eskaini zioten Aikori hurrengo ikuskizuna izango zen `Aurrez Aurre´-ren musika konposatzeko proposamena, eta ikuskizun berezi konkretu honentzat konposatua izan da. Dena den,  dantzarako da, erromerietako, eskenatokietatik kanpo publiko guztiak dantzatzeko. Aikok  ikuskizun batentzat konposatu, moldatu, grabatu eta ekoiztutako lehen banda doinua dugu aurkezten dena: ordu t’erdi baino gehiagoko musika.

Aiko aurrez aurre portada 250pCD honek dakarkigun musika eta dantzaren esperientzia, datorren larunbatean hilaren 4an ikusi ahal izango da Durangoko Plateruena Kafe Antzokian, `Aurrez Aurre´ikuskizunean. Doakoa izango da eta 20:30etan emango zaio hasiera. Bertan, Iruretagoyenak zuzentzen duen konpainiak, euskal musikaren ezagutza zabaletik abiatuz eta xehetasun guztiekin (batez ere jantziei dagokionez), euskal dantzek izan duen garapena erakutsiko du. 45 dantzari taularatuko dira eta Euskal Herriko leku ezberdinetako ihauterietako dantza tradizionalak eskeiniko dizkigute.

Pasa den martxoaren 21ean Donibane Lohizunen estreinekoz eskaini zen ikuskizun honekin, Maritzuli eta Aiko Taldeen asmoa euskal folklorea gure ondare kulturalean dagokion leku pribilejiatuan kokatzea da, dantza herrikoiak maila gutxiagoko artea denaren ideia burutik kenduz.Maritzuli aurrez aurre soka-dantza

Hauxe da hain zuzen ere Aiko taldeak aspalditik duen helburu bat eta ildo honetan aurten, Dantzaldi Ibiltaria ekimena jarri du martxan, Bizkaiko herri batzuetatik zehar doan ekimen berritzailea, dantza eta erromeriak antolatzen doana. `Dantzaldi Ibiltaria’ zein `Aurrez Aurre´ diskoa honenbestez, festa herrikoiak berreskuratu eta modernizatzeko ahaleginetan, beste urrats bat da.

 

Erlazionatutako elementuak
Aurrez-aurre

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.