Dokumentuaren akzioak
Albisteak
Aurrez aurre ikusgarri berria aurkeztuko du Maritzuli konpainiak
Claude Iruretagoienak zuzentzen duen taldeak lan berria aurkeztuko du datorren martxoaren 21ean Donibane Lohizunen, 21:00etan. "Aurrez aurre" du izena ikuskizun berriak, eta bertan helburu pedagogikoarekin berpizkundeko dantzen eta euskal dantzen arteko konparaketa lana burutu du Iruretagoienak.
Escena 2009 dantza jaialdia, Nafarroan
Martxan da dagoeneko 2009ko Escena dantza jaialdia. Nafarroan antolatzen den jaialdia da hau eta aurten zazpi konpainiek parte hartuko dute. Udal ezberdinekin egindako lankidetzari esker Nafarroa osoko hainbat antzokitara zabalduko da jaialdia.
"Gu ez gara talde folkloriko bat. Guk ez dugu lehengo euskal dantzarik dantzatzen"
1972. urtea zen. Dantza taldeak borborka zeuden, batzuk tokian tokiko dantzak ikertu eta berreskuratzen, eta beste batzuk sormen lanetara emanak. Zeruko Argia aldizkarian Hazparneko Elgar Oinkari taldeari egindako elkarrizketa bat aurkitu dugu. Hemeroteken digitalizioak horrelako altxorrak eskura jartzen dizkigu. Honako hau Espainiako prentsa historikoaren liburutegi digitalean agertu zaigu.
Dantzaklub Victoria Eugenian
Martxoan zehar Dantzaklub proiektuaren bi emanaldi berri hartuko ditu Donostiako Victoria Eugenia antzokiak. Dantzaz konpainiaren egitasmoa da hau eta saio hauetan dantzariak ez dira interprete soilak, konpositore ere bihurtzen dira. Izaskun Laplaza eta Jon Maya koreografoak izanen dira gonbidatuak bi emanaldi horietan.
Nafarroako dantzen ikastaroa Buenos Aires-en
Bukatu berri den otsailean VIII. dantza ikastaroa egin dute Argentinako Buenos Aires hiriburuan, Nafarroako Gobernuak antolatuta. Mendoza, Bolivar, Buenos Aires, Mar de Plata, Rosario eta Chileko Nafar-etxeetako 50 bat dantzarik parte hartu dute ikastaroan.
Dantza garaikidearen zirkuitoa 2009
Asteburu honetan jarriko da abian Dantza garaikidearen V. zirkuitoa. Euskal Autonomi Erkidegoko antzoki publikoen SAREAk antolatu du zirkuitoa, Eusko Jaurlaritzak bultzatu eta Diputazio eta Udal ezberdinen laguntza jaso du. Orotara 21 dantza konpainik hartuko dute parte (horietarik 11 bertakoak) eta 50 emanaldi baino gehiago eskainiko dituzte, azaroa bitarte, Araba, Bizkaia eta Gipuzkoako hainbat herritan.
Zein asmo dituzte alderdi politikoek dantzarentzat?
Igandean Euskal Autonomia Erkideko parlamentua eta Lehendakaria hautatzeko hauteskundeak egindo dira. Alderdi politikoen programak aztertu ditugu eta dantzari dagokionez zein proposamen eta asmo dituzten bildu dugu. Hona emaitza:
Dantzaz elkartearen hautaketa froga
Dantzaz elkarteak hautaketa froga deitu du heldu den maiatzaren 15erako. 18 eta 22 urte arteko dantzariendako dago deituta. Hautatuak izanen diren dantzariek 2009ko irailetik 2010eko abuzturarteko formakuntza eta ikasketetarako laguntza bat jasoko dute.
Libertimendua Donapaleun: Paisola idek!
Donibane Garaziko ohitura berriari jarraikiz, Amikuzen ere, Libertimendua prestatzen ari dira heldu den martxoaren 1erako. Donapaleu inguruko 40 bat gazte ari dira lan eta lan azken hilabeteetan ikuskizuna prestatzen. Kabalkadek sona dute Baxe Nafarroa osoan. Azken urteotan hitza berreskuratu dute. Paisola idek! izena jarri diote Amikuzetarrek haien entzerkiari, krisia tarteko, pairatzen ari garen zaparradari aurre egiteko parasola irekitzea besterik geratzen ez zaigulakoan.
Dantza ikerketaren nazioarteko kongresua
Uztailaren 15 eta 19 bitartean eginen dute Malagan Dantza ikerketaren nazioarteko kongresua. UNESCOren Dantzaren nazioarteo batzordea da antolatzailea eta horren kide diren 150 herrialdetako dantzari, irakasle, ikertzaile, zale, programatzaile... daude bertan parte hartzera deituta. Martxoaren 1ean zabalduko dute bertan parte hartu ahal izateko epea.
Dokumentuaren akzioak
