Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Kezka dantza taldea Ezpata-dantza Gipuzkoako Urrezko Dominaren 2021eko ekitaldian

Dokumentuaren akzioak

Ezpata-dantza Gipuzkoako Urrezko Dominaren 2021eko ekitaldian

Ezpata-dantza Gipuzkoako Urrezko Dominaren 2021eko ekitaldian

Ezpata-dantza Gipuzkoako Urrezko dominaren ekitaldian. Donostia, 2021-12-17. Argazkia: Alex Berasategi - Dantzan (cc) by-sa.

Abenduaren 17an ospatu da Donostian, Gipuzkoa Plazan, Diputazioaren jauregian, 2021eko Urrezko Dominaren ekitaldia. Donostiako Gurutze Gorriaren Ospitalak jaso du urrezko domina. Ikerfolken gidaritzapean eta 2003tik egiten den bezala ezpata-dantzak egin die harrera omenduei.

Urrezko domina ezpata-dantza 2021
Ezpata-dantza Gipuzkoako Urrezko dominaren ekitaldian. Donostia, 2021-12-17. Argazkia: Alex Berasategi - Dantzan (cc) by-sa.

Gipuzkoako hainbat herri eta taldetako dantzariek osatutako ezpata-dantza izaten da hau. Aurten talde hauetako dantzariak izan dira: Arkaitz, Aurtzaka, Urki, Sahatsa, Argia, Itxaropena, Haritz eta Kezka dantza taldeetakoak; Elgoibarko Udalaren Txistulari Bandak jarri du musika eta Ikerfolk eta Dantzan elkarteek koordinatu dute.

Urrezko domina ezpata-dantza 2021
Ezpata-dantza Gipuzkoako Urrezko dominaren ekitaldian. Donostia, 2021-12-17. Argazkia: Alex Berasategi - Dantzan (cc) by-sa.

Bi eskuko ezpatekin aritu dira Onintze Azpeitia, Naiara Ollo, Joseba Astarbe, Egoitz Irazabalbeitia, Irantzu Iribar, Mikel Legorburu, Aitor Sorazu, Alain Sorazu, Irati Aranguren, Imanol Arantzamendi, Asier Garmendia, Ane Fernandez, Ainhoa Sarasola, Ane Inurrieta, Helene Nater, Lierni Olano, Enrike Izagirre,  Izar Araolaza, Uxue Gisasola, Amaiur Aristi; Ezpata txikiekin aritu diren azkendariak: Nerea Unanue, Miren Hazas, Amaia Loiola eta Andoni Alonso; buruzagia Gari Otamendi; ezpata-dantzaren gidaria Josu Garate; Txistulariak: Andoni Urbieta, Itziar Goñi, Danel Legorburu, Ane Zuñiga eta Enara Gorostiza.

Urrezko domina ezpata-dantza 2021
Ezpata-dantza Gipuzkoako Urrezko dominaren ekitaldian. Donostia, 2021-12-17. Argazkia: Alex Berasategi - Dantzan (cc) by-sa.

Hona orain arte Gipuzkoako urrezko domina jaso dutenen zerrenda:

1982 Jose Migel Barandiaran.
1983 Manuel Lekuona.
1985 Orfeon Donostiarra.
1987 Eibarko Armagin Eskola.
1991 Carlos Santamaria.
1994 Euskaltzaindia.
1998 Jorge Oteiza, Eduardo Chillida eta Juan Mari Arzak.
2003 Jose Maria Setien, Juan Zelaia eta Iñaki Gabilondo.
2008 Mikel Laboa.
2013 Nestor Basterretxea (Urrezko plakak: Egin eta Euskaldunon Egunkaria).
2014 Benito Lertxundi (Urrezko plakak: Frankismoan Ordena Publikoaren Auzitegiaren bortizkeria jasan zuten emakumeak eta “Beroa” Gipuzkoako Harrera Familien Elkartea)
2019 Aspegi

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Kezka dantza taldea

Kezka dantza taldea

Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.

 Valladolideko Gure Txoko euskal etxeak gonbidatuta Arrateko ezpata-dantza eta trokeo dantzak aurkeztu genituen 2015eko irailaren 26-27ko asteburuan Gaztela Leongo hiriburuan. Euskal Jaia ospatzen zela eta, bertako euskaldunen gonbidapena jaso ostean, 27 pertsonako taldea osatu genuen Kezkako dantza...

Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.

Koko-dantzak 2014: taldeko argazkia

2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.

 2015eko maiatzaren 30ean eta 31n ospatu zen Ezpalak jaialdia Eibarren eta Iruñean.  Nafarroako jaialdiaren kronika  orain bi hilabete argitaratuta, Eibarkoa genuen zorretan eta hemen gatoz berarekin. Soka-dantzak izan ditugu ardatz Ezpalak jaialdiaren 10. ekitaldian (Eibarren, 9. Iruñean), eskuz ...

Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.

Argazkia: Fernando Retolaza

1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.



Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com