Dokumentuaren akzioak
Ezpata-dantza Frankismoaren biktimen omenez
Kezka dantza taldea
Argazkia: Iñaki Zugasti - dantzan.eus CC BY-SA
Gipuzkoako Urrezko domina Frankismoaren biktimei eskaini die Foru Aldundiak 2017 urtearen hondar honetan, eta ohi bezala ezpata-dantza eskaini dugu probintziako hainbat dantzarik eta txistularik bat eginda.
Abenduaren 15ean, Gipuzkoako Diputazioaren jauregian egin da ekitaldian, eta ezpata-dantza, jauregitik atera, dantzatu eta arkua egin ondoren berriz ere eraikin barrura sartu da. Bi kapitainek aginte zume berezia eskilaretan gora igo eta urrezko dominaren ondoan ezarri dute ekitaldia lehen urrats honetan.
Donostiako Argia dantzari taldea, Andoaingo Urki, Beasaingo Aurtzaka, Añorgako Arkaitz, Elgoibarko Haritz, Azpeitia-Azkoitiko Sahatsa eta Eibarko Kezka dantza taldeko dantzariek eta Eibarko Usartza txistulari taldeko musikariek egin dute ezpata-dantza.
Ezpata-dantzariak: Egoitz Blanco, Olaia Gabirondo, Enrike Izagirre, Jon Altuna, Naiara Ollo, Amaia Irurtia, Aitor Sorazu, Oihane Sarriegi, Ilazki Azaldegi, Andoni Alonso, Asier Garmendia, Olaia Azurmendi, Mirene Iraola, Maider Callejón, Ainhoa Mujika, eta Izar Sarriegi. Azkendariak: Ainara Aizpurua, Mikel Legorburu, Miren Hazas eta Gari Otamendi. Kapitainak: Amaia Loiola eta Jokin Otamendi. Gidaria: Josu Garate. Txistulariak: Enrike Montero, Asier Castelos eta Elena Perez. Atabala: Iñaki Orbegozo.
Ekitaldiko bideoa hemen:
Dokumentuaren akzioak
Erantzun
Kezka dantza taldea
Herrian bertan egiten diren festak, erritoak eta dantza ekitaldiak ditu Eibarko Kezka dantza taldeak bere lehentasun nagusia. 1958an Eibarko Klub Deportiboaren baitan sortutako dantza taldeak inauterietan koko-dantzekin abiatu ohi du urtea, eta Santa Kurutzetan, San Joanetan, San Andresetan eta bere burua akonfesionaltzat duen herriko santoral egutegiko festa guztietan dagokion dantzaz arduratzen dira Kezkako dantzariak.
Arrateko santutegian ezpata-dantza eskaini ohi du urtero irailaren 8an, tradizioak eguneratu eta antzokia eta plazaren arteko lotura egiteko ahaleginean, Argia dantzari taldeak eszenatokian egindakoaren ordaina plazan errotzeko konspiratuz.
2008an York-en, Ingalaterran, ospatu zen Sword Spectacular, munduko ezpata-dantzen jaialdi handienean euskal ezpata-dantzen ordezkaritza gorpuztu zuen: zahar-itxuran aurkeztutako ezpata-dantza nazioarteko ezpata-dantzen adituei irentsaraziz, ontsa plajiatzeko metodoa aplikatzen denean sorkuntza eta tradizioa txanpon beraren aldeak baitira.
Iruñeko Duguna taldearekin elkarlanean Ezpalak dantza tradizionalaren nazioarteko jaialdia antolatzen du Kezkak, euskaldunok zilborra dugula munduari erakutsiz, eta euskaldunoi munduko zilbor guztiak enbor berera lotuta ditugula iradokiz.
1990. urtean Elgoibarko Haritz dantzari taldearen eskutik Donostiako Argia taldea ezagutzeko zorteak dantzari buruzko etengabeko ikasketan murgiltzera eraman du Eibarko taldea, inoiz bukatzen ez den ikasketa sorgi-gurpilean jira-biran dantzan aritzeko zorionera kondenatuta.
Kezka Dantza Taldea
Portalea Kultur Etxea
Bista Eder kalea
20600 Eibar
Tfnoa: +34 605 71 14 29
kezka@dantzan.com
Jasotako azken erantzunak
- Dantzan on Dantzaren Nazioarteko Eguna 2022 Eibarren: gogoeta, kronika eta bideoa
- Xabier Etxabe on Dantzaren Nazioarteko Eguna 2022 Eibarren: gogoeta, kronika eta bideoa
- Kezka dantza taldea on Eibarko Dantzari Eguna 2021 online
- Yolanda Urzelai on Eibarko Dantzari Eguna 2021 online
- Kezka dantza taldea on Eibarko Dantzari Eguna 2021 online
- Yolanda Urzelai on Eibarko Dantzari Eguna 2021 online
- Kezka on Bi sarrera zozketan larunbatean Martin Zalakain ikusteko 2017/12/13
- Juana Goikoetxea on Bi sarrera zozketan larunbatean Martin Zalakain ikusteko 2017/12/13
- oier on Aurresku bat Usartzan 1932an 2017/01/19
- Patxi Montero on Aurresku bat Usartzan 1932an 2017/01/19
