Dokumentuaren akzioak
Sorogaingo soroan azken dantza?
Duguna - Iruñeko dantzariak
Oraindik ere iltzatuta dugu gogoan 2019an Sorogaineko festetan dantzatu genuenekoa; parajearen ederragatik, antolakuntzako lagunen tratu on eta goxotasunarengatik, Aldudeko eta Erroibar/Aezkoako gazteek antolatua izatearen berezitasunagatik, festaren txikitasun baina berotasunagatik, Iruñera bueltan gurutzatu trabesatu genituen Cydalima perspectalis —ezpela jaten duten— sits hodeiengatik... Gerora ere bertan dantzatzeko beste gonbidapen batzuk ere izan ditugu, baina Sanfermin Aldapakoaren asteburuarekin bat egin izan dutenez, ezin bertaratu!
Horregatik, aurten berriz festak egitera zihoazela jakin dugunean, gure burua eskaini dugu kasik! Gero, pena pixka bat hartu dugu jakitean, Ahadipeko gazteek hausnarketarako baliatu nahi dituztela bestak, erabakitzeko antolatzen jarraituko ote dituzten ala ez. Hartara, agian azken aldiz, Sorogainen dantzatzeko prestatu gara irailaren 30ean. Bertan egon ginen azken aldian bezala, trokeo-dantzak prestatu ditugu hango ikusleen eskariz eta pentsatuz, agian, jakin gabe, han dantzatzeko sortu genituela.
Gure gaitero titularrek beste konpromezu batzuk baitituzte, Ezpelurreko lagunek jarri digute dantzarako doinua. Ainara Ranerak, bobo errolean, gidatu du taldea ondoko dantzetan: Xenpelarrena eta Betroiarena makil-txikietan, makil-handien dantza, brokel-dantza, arku-dantza eta zinta-dantza.
Bueltako bidaian, aurten sits hodeirik ez baina bai Sorogaingo soroan azken dantza eman ote dugun bihozminaren zantzua.
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
