Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Duguna - Iruñeko dantzariak Dantzari gazteen oinak jostalari-jolas...

Dokumentuaren akzioak

Dantzari gazteen oinak jostalari-jolas...

... Adatseko biloak belarrari solas.

Oskorriren Zubietan kantu ederrak deskribatzen duen giroa heltzen delarik, Iruñerriko herri batera bisitatxoa egin eta udako loreak biltzen ditugu San Juan bezperako soka-dantzan erabiliko ditugun koroak apaintzeko.

IMG-20150622-WA0005

IMG-20150624-WA0019

Hori 2015eko ekainaren 22an egin genuen, txangoa eta koro atonketa. 23an, berriz, hirugarrenez plazaratu genuen San Juan eguneko soka-dantza. Dena prest genuen!: jantziak, dantzarako gogoak, dantza osterako ziztor eta xingarrak, sua egiteko egurra, giroa... ezin zerura begiratzeari utzi, ordea, aurreko urteko euri zaparrada gogoan!

Zorionez ez genuen udako ekaitzik izan, eta arratsalde eguzkitsu eta beroak dizdiratsuago egin zuen soka-dantza. Anekdota gisa: Iruñeko udalak dantzaldia iragartzeko San Fermin Aldapakoaren ezpata-dantzaren argazki bat baliatu zuen eta horrek ikustera hurbildu ziren irundarrak nahastu zituen. Jende saldo ederra bildua zen Santo Domingoko aldapan. Azkar azkar abisua pasa eta Arriasko plaza egon zen ondoko belardira hurbildu ziren hamarnaka lagun.

DSC_0339

Izaskun Arriaran eta Rakel Garzia neskanausiek gidatu zuten soka, aurresku eta atzesku lanetan, eta Itxaso Martinez, Marta Zugasti, Irantzu Irigoien, Leire Leza, Bea Martinez, Ainara Ranera, Uxue Perez eta Edurne Irigoien ere aritu ziren dantzan.

DSCN4766

DSC_0443

Sokara lotu ziren gero, Eder Garzia, Mikel Tristan, Iñaki Tristan, Hasier Moreno, Shanti Diaz, Joseba Lorenzo, Julen Fagoaga, Julen Leuza, Osel Molinet eta Aritz Ibañez.

Musikan aritu ziren Iñaki Sagardoi, Eiande Aranburu, Miguel Fagoaga eta Roberto Antzano.

DSC_0538

Zaparradarik gabe, dantza ondoko argazkia patxadaz egin ahal izan genuen, familiako kideak, lagunak eta besteak lasaiki agurtu eta poliki-poliki arropaz aldatzera abiatu.

Eta udagiroko eguna behar den bezala bukatzeko, sua piztu, inguruan San Juan bezperako koplak kantatu, aurreko urteko koroak sutan erre, xingarrak eta xixtorrak jan eta suaren gainetik salto eginez uxatu genituen gaitzak: Gaiztoak kanpora, onak barnera, SARNA FUERA, SARNA FUERA!!!

IMG-20150624-WA0018

IMG-20150623-WA0006

Oraindik kiskal-urrin zerbait bada hemen gaindi... ez da antzematen? ;)

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Duguna - Iruñeko dantzariak

Duguna - Iruñeko dantzariak

Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.

 

Duguna - Iruñeko dantzariak

Maiatzaren 2a karrika, 9 behea

31001 - Iruñea

Tfnoa: +34 657 33 29 44
duguna@duguna.eus