Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Duguna - Iruñeko dantzariak Maitasun katez lotu Tutera, Baigorri...

Dokumentuaren akzioak

Maitasun katez lotu Tutera, Baigorri...

Maitasun katez lotu Tutera, Baigorri...

Argazkia: Mikel Irure

1991ko Nafarroa Oinezen kantak Nafarroako geografia guztiaren lotura ederra egiten zuen bere hitzetan eta guretako abenduaren 3ko ezpata-dantza denaren izpiritua ederki islatzen du. 

Agian jakinen duzuenez, 2015ean Foru Gobernua Nafarroako erresumari gorazarre egiteko ekitaldia antolatzen hasi zen eta horri arrandia emateko-edo, gure ezpata-dantzak bere txokotxoa egin du, momentuz. Egun hori hango eta hemengo lagunak gurekin dantzara gonbidatzeko probesten dugu. Hartara, joandako abenduaren 3an Tutera, Baigorri, Sesma, Erronkari eta Iruñeko dantzariak —Funes-ekoak kale egin zigun, halabeharrez, azken unean elkartu ginen, elurtutako Txurregi eta Gaztelu mendien tontorrak begira genituela. Tuteratik Miren Balmaseda heldu zen, Baigorritik Ibai Indart, Sesmatik Eva Garzia, Erronkaritik Aritz Jamar eta Iruñetik Fermin Teruel, gure taldeko gainontzeko dantzariokin batera.

Nafarroaren eguna 2017 - 02
Ezkerretik eskuinera: Aritz jamar, Miren Balmaseda, Ibai Indart, Eva Garzia eta Fermin Teruel. Argazkia: Mikel Irure

Ekitaldia, Nafarroako errege-jauregi izandako eta egun Nafarroako Artxibo Orokorra gordetzen duen eraikinaren aitzinean egin ohi da. Hor dira geure paperak eta dantzatzeko unean bertan han zegoen ikusgai, Navarrorum, euskarari buruzko dokumentu nafarren erakusketa. Ez zen inguru txarrena dantzatzeko!

Ekitaldia bandera dantzatuz hasi genuen. Aritz Jamar da Erronkariko bandera-dantzarietako bat eta berari eman genion bandera astintzeko ardura, haien moldera. Bai dotore astindu ere! Soinulari, taldeko ttunttuneroak: Iñaki Sagardoi, Aitor Huarte eta Beñat Lopez. Ikusi eta entzun:

Ezpata-dantzarien tropela abiatu zen ondotik, Artxiboaren ataritik elkiz. Zortzikoa, zubiak, arrosa eta belauntxingoa.

Irantzu Irigoien, Marta Zugasti, Leire Leza eta Hasier Morenok egin zituzten ezpata-txiki lanak eta Aritz Ibañezek buruzagiarenak. Tropelean Maria Izal, Ainara Ranera, Amaia Irigoien, Mikel Tristan, Itxaso Martinez, Irati Sorbet, Itziar Perez, Itziar Gonzalez, Edurne Irigoien, Ainhoa Urmeneta, Joseba Lorenzo, Auritz Garzia, Maialen Etaio, Shanti Diaz, Maialen Ziaurriz, Izaskun Arriaran, Jon Urmeneta, Aitor Arana, Pablo Epaltza, Edurne Turrillas eta gure gonbidatuak.

Ezpata-dantzaren ondotik, agintarien lore eskaintza. Ekitaldi motx eta xumea izan zen eta behin bukatuta, ezagunak agurtuta, otamena gozatzeko aukera izan genuen, epelean, kanpoan hotz baitzen!

Nafarroaren eguna 2017 - 03
Argazkia: Mikel Irure

Nafarroaren eguna 2017 - 04
Argazkia: Mikel Irure

Nafarroaren eguna 2017 - 05
Argazkia: Mikel Irure

Nafarroaren eguna 2017 - 06
Argazkia: Mikel Irure

  • Mikel Irurek hartu zizkigun argazkien sortatxoa, hemen:

 

2017-12-03 Nafarroako Erresumari Gorazarrea

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Duguna - Iruñeko dantzariak

Duguna - Iruñeko dantzariak

Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.

 

Duguna - Iruñeko dantzariak

Maiatzaren 2a karrika, 9 behea

31001 - Iruñea

Tfnoa: +34 657 33 29 44
duguna@duguna.eus