Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Duguna - Iruñeko dantzariak Biarritzeko Maitaldiak 25 urte eta han San Fermin Aldapakoaren ezpata-dantza

Dokumentuaren akzioak

Biarritzeko Maitaldiak 25 urte eta han San Fermin Aldapakoaren ezpata-dantza

Biarritzeko Maitaldia Euskal Herriko dantza jaialdirik garrantzitsuenetako da. Biarritzeko Balleteko buru Thierry Malandainek zuzentzen du eta 2015. urtean 25. urteurrena bete zuen jaialdiak. Bertan, 45 emanaldi eskaini zituzten 29 dantza konpainiek. Tartean gu. 

Maritzuli konpainiako lagunek gonbidatuta, "Dantzak hirian" programaren barruan, Biarritzeko karriketan barna paseatu genuen San Fermin Aldapakoaren ezpata-dantza irailaren 19an, Biarritzeko San Martinen ezpata-dantzariekin eta Markinako ezpata-dantzariekin batera.

IMG_7848

Merkatuko plazatik abiatu ginen 3 taldeak, 80 ezpata-dantzari inguruko saldo ederrean. Victor Hugo etorbidetik behera, hara han itsasoa parean!!

K150919_Biarritz_Maritzuli+Ezpatak_IMG_9438_IZ_s1

George Clemenceau plazara heldu ginen berehala eta han Zerutxu taldeko Markinarrek haien ezpata-dantza erakutsi ziguten. Atsedenaldian, Felipe Amutxastegi eta Alex Larrinagarekin gogoratzen ibili ginen nola 2008an haiekin izan ginen haien ezpata-dantza ikasten eta hain zuzen hurrengo urtean sortu genuela gurea.

Beroa epeltzeko ur xortatxoa hartu eta hiru taldeok bide bana hartu genuen. Iruindarroi Santa Eugenia plazan dantzatzea egokitu zitzaigun, plaza ederra zinez. Zortzikoarekin sartu, zubiak osatu, arrosa eraiki eta Angel Lezak, ipar haizeari aurre eginez, gure bandera dantzatu zuen.

IMG_7903

IMG_7911

Ondoren Amaia Visus, Leire Leza, Joseba Lorenzo eta Amaia Irigoien kapitainek belauntxingoa dantzatu zuten taldearen inguruan, buruzagia -Aritz Ibañez- so zutela. 

IMG_7924

Filipe Oianburu dantza-maixuaren bibote xuria antzeman genuen ikusleen artean, baina agurtzeko tarterik gabe gure bideari segi genion, oraindik Bistaeder plazan dantzatu behar baikenuen. Sekula ez zitzaigun tokatu ezpata-dantza itsas-ertzean dantzatzea.

K150919_Biarritz_Maritzuli+Ezpatak_IMG_9732_IZ_s1

Noizbait behar zuen lehena! Eta bai gauza ederra! Agian Angel Lezak ez du gauza bera pentsatuko, oraindik ere gogorrago jotzen zuen haizeari aurre egin behar izan baitzion berriz.

K150919_Biarritz_Maritzuli+Ezpatak_IMG_9784_IZ_s1

K150919_Biarritz_Maritzuli+Ezpatak_IMG_9799_IZ_s1

IMG_7973

Markinar eta Biarriztarren ezpata-dantzekin ere gozatua hartuta, itsas-ondoko gure bidaiatxoari akabera eman genion, halako plaza ederrean dantzatzeko aukera eskerturik, bai Maritzuliko lagunei baita Maitaldiari ere!

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Duguna - Iruñeko dantzariak

Duguna - Iruñeko dantzariak

Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.

 

Duguna - Iruñeko dantzariak

Maiatzaren 2a karrika, 9 behea

31001 - Iruñea

Tfnoa: +34 657 33 29 44
duguna@duguna.eus