Dokumentuaren akzioak
Iurretako plazan tanboliñe dabil...
Duguna - Iruñeko dantzariak
Hamarkadak dira gure taldeak Iurretako dantzariekin harremanak dituela. Haiekin ikasi zuten gure aurrekoek dantzari-dantza eta haiekin berrikasi genuen guk ere, duela zenbait urte ya. Ta azken urtetan hara joan behar genuela dantzan, baina beti San Fermin txikiekin bat egin, eta ezin! Baina ilargiaren kontuak, aurten Aldapako San Ferminak eta Iurretako San Migel festetako asteburuek ez dute bat egin eta aspaldiko zorra kitatzeko aukera izan genuen urriaren 4ean.
Iurretako dantzariekin batera emanaldia egin genuen erdi-bana, herriko plaza zoragarri horretan. Iurretarrek Estanpa, Gorulari eta Domingilue, Dantzari-dantza eta Erregelak dantzatu zituzten, 4 txandatan.
Guk Nafarroako dantza sorta bat eraman genuen Bizkaia alde hartara. Zaraitzu aldeko Axuri-beltza eta Otsagabiko dantzetarik batzuk eman genituen lehen zatian.
Bigarren parte batean Iruñean dantzatzen ohi dugun San Juan bezperako soka-dantza eman genuen.
Amaitzeko, eta ia kasik udazken arrats hartako ilunpean, Luzaideko zenbait dantza eman genituen. Pazko igandeko puska-biltzan egiten dituztenak eta ondotik plazan dantzatzen dituztenetatik beste zenbait, kasik Balkanetakoa zirudien musikari bandak lagunduta! ;-)
Horrekin egin genuen antrexatak eta fini, Iurretako plaza ederrean. Iurretako dantzariei esker mila gonbidapenagatik!
Bizkaian herbesteraturik dugun Aitor Razkin dantzaria aritu zen emanaldian argazkigile eta sorta eder hau utzi zigun.
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
