Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Duguna - Iruñeko dantzariak Iruñeko ferietan, iragan San Ferminetan... (2014)

Dokumentuaren akzioak

Iruñeko ferietan, iragan San Ferminetan... (2014)

San Fermin txikiak pasa berri eta oraindik handiei erreparatu gabe!

Tentsioz betetako ekaina baten ondotik heldu zen uztaila. Urtero bezala, uztailaren 6arekin hasi ziren honakoan ere San Ferminak. Atzerapenik gabe, hori bai! Goiz-goizetik egun eurikara eta uste genuen aspaldiko partez Foruen plazako emanaldirik gabe hasiera emanen geniola festari. Baina ez! Azkenerako, txupinazoaren ondotik eguzkia ere atera zen eta beraz, dantzatzeko estakururik ez genuen izan!

Gipuzkoako zenbait dantzekin hasi zen Iruñea eta Iruñerriko talde guztiek elkarrekin egiten dugun emanaldi hau: Boastitzea, Uztai-txikiena eta Zinta-dantza dantzatu genuen. Hortxe argazkitxo batzuk:

DSCN2996

DSCN3009

DSCN3031.2

Lapurdiko inauterietako dantzak ere egin genituen: Kaskarot-martxa, Xinple, Marmutx, Makil-dantza, Zapatain-dantza, Lapurtar motxak, Kadrileak eta Dantza luzea, eta gogoan ez dugun besteren bat, agian. (Mila esker Kezka dantza taldeko lagunei, Lapurdiko jantziak uztearren!)

DSCN3047

DSCN3056

DSCN3061

DSCN3097

Kasik emanaldia bukatu eta berriz hasi zuen euria. Eta ez zuen arratsalde guztian atertu. Ezta gauean ere. Eta busti-bustirik heldu ginen uztailaren 7ra. Eta uztailaren 7arekin egun handia heldu zen eta egun handiarekin, prozesioa. Goiz guztia karrikaz-karrika ibili ondotik, kasik bazkal ordua zelarik dantzatu genuen Udal plazan. San Blas eguneko soka-dantza egin genuen bazkaltzera joan aurretik. Mikel Tristan-ek eta Gaizka Garde-k egin zituzten aurrendari eta azkendari lanak.

DSCN3140

DSCN3157

DSCN3168

Eta tarteko hainbat bazkari, hainbat bazkalburu, hainbat afari, hainbat afalburu eta hainbat desordutako dantzaren ondotik, uztailaren 14a ere heldu zen, eta berarekin zortziurrena. Egun horretako paseoa motzago izaten da eta beraz, lehenxeago tokatu zitzaigun dantzan egitea. Uztailaren 14ean ohikoa izaten da erraldoiekin eta kilikiekin batera "La Dominguera" jota dantzatzea gure taldeko neskek. Ainara Ranera, Itziar Perez, Leire Leza, Katrin Zugasti, Itxaso Martinez eta Mirian Goñi aritu ziren Kilikien oin zapalketak ekidin nahian.

DSCN3224

Eta ondotik (eta azken aldikoz), Larrain-dantza egin genuen uztailaren 14 batekin!

DSCN3237

DSCN3243

DSCN3264

 

 

Gutxiago falta da!

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.