Hemen zaude: Hasiera Komunitatea Duguna - Iruñeko dantzariak Bihar dela Sanjoan, gu hemen dantza gaitean...

Dokumentuaren akzioak

Bihar dela Sanjoan, gu hemen dantza gaitean...

Hala dio Sanjoan bezperarekin kantatzen ditugun kopletako batek, gure urteroko asmoen aitorpen fermu gisa.

Garaian gari-jotze denbora izaten zen Sanfermin aurrea, hauts, bero eta nabar kolore. Horrelako panorama topatu genuen guk ere, ekainaren 22an, lili bila Ezkabarte aldera jo genuelarik: soroak hori, galburuz soilduak, 34 gradu eta txitxarrak kantuz.

Sanjoan soka-dantza 2017-011
Argazkia: Mikel Tristan

Argazkia: Mikel Tristan

Bildu genituen bitxiloreak, mandaperrexilak eta galburuak, jan genituen gerezi eta masustak eta kasik merendatuta, abiatu ginen lore koroak atontzera.

Argazkia: Mikel Tristan

Bezperaren bezperako lanak urrendu eta dena prest utzi genuen biharamunerako.

Ustekabe tristea hartu genuen ikustean dantzarako erabili ohi dugun plaza, Sanferminetarako metalezko hesiz inguratua zela. Baina nekeetan irri, dantzarako prestatu ginen. Gainera, dantzarietako batzuk Ane Albisuk atondutako soineko ederrak zituzten estreinatzeko eta ez zen muturbelzteko eguna. Irantzu Irigoienek gidatu zuen soka eta Maialen Etaiok, itxi! Koplak kantatu, zubiak egin eta belauntxingoa dantzatu zuten aitzin eta gibel-eskuek buruz-buru.

Sanjoan soka-dantza 2017 04
Argakia: Irati Sorbet

Sanjoan soka-dantza 2017 05

Gero, banaka-banaka pasa ziren dantzari guztiak soka burutik, jauzi, muriska eta artazi!

Sanjoan soka-dantza 2017 06

Sanjoan soka-dantza 2017 07
Argazkia: Miguel Oses

Zerbitzariek bikote bana haiek aukeratutakoa hurbildu zizkieten Irantzu eta Maialeni. Kasu honetan Hasier Moreno eta Iñaki Tristan izan ziren neska-nagusien belauntxingoa jasotzeko ohorea izan zutenak.

Sanjoan soka-dantza 2017 08
Argazkia: Irati Sorbet

Sanjoan soka-dantza 2017 09
Argazkia: Miguel Oses

Gainontzeko mutilei sarrera emanik, neska bakoitzak belauntxingoa dantzatu zion bikotekideari eta ondotik ingurutxoaren bi parteak dantzatu genituen. Belar idorraren gainean oinak lerratuz, hautsa ere goratu egin zen eta hasieran aipatu dugun gari-jotze giroa usaindu genuen hain zuzen ere— Arga ibai ertzeko Arrotxape-zaharreko belardian.

Sanjoan soka-dantza 2017 10
Argazkia: Irati Sorbet

Sanjoan soka-dantza 2017 11
Argazkia: Miguel Oses

Sanjoan soka-dantza 2017 12
Argazkia: Irati Sorbet

Taldeko argazkia hartu itzaletan eta merendua hartzera alde zaharreko gure txokora igo ginen. Aitortu ezinezko tokian egin genuen sua eta bertan erre genituen iazko belar-koro idorrak eta ataka gaiztoak heldu diren hilabeteek ahalik eta ongien trata gaitzaten.

Sanjoan soka-dantza 2017 13
Ezkerretik eskuinera: Iñaki Sagardoi, Julen Leuza, Roberto Antzano, Aritz Ibañez, Joseba Lorenzo, Marta Zugasti, Iñaki Tristan, Maialen Ziaurriz, Mikel Tristan, Itxaso Martinez, Osel Molinet, Izaskun Arriaran, Auritz Garzia, Maria Izan, Jon Urmeneta, Irantzu Irigoien, Ainara Ranera, Shanti Diaz, Itziar Gonzalez, Pablo Epaltza, Maialen Etaio, Hasier Moreno, Leire Leza, Aitor Huarte, Beñat Lopez eta Ainara Ibañez. Argazkia: Irati Sorbet
  • 2017ko Sanjoan bezperako soka-dantzaren argazki sorta osoa, hemen ikusgai:

2017-06-23 Sanjoan bezperako soka-dantza

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Bihar dela Sanjoan, gu hemen dantza gaitean...

Argazkia: Miguel Oses

Duguna - Iruñeko dantzariak

Duguna - Iruñeko dantzariak

Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.

 

Duguna - Iruñeko dantzariak

Maiatzaren 2a karrika, 9 behea

31001 - Iruñea

Tfnoa: +34 657 33 29 44
duguna@duguna.eus