Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Duguna - Iruñeko dantzariak Biba Pamplonesa musika banda!

Dokumentuaren akzioak

Biba Pamplonesa musika banda!

Biba Pamplonesa musika banda!

Argazkia: Gotzon Asin

Urteetako harreman batek lotzen gaitu Pamplonesa musika bandarekin. Uztailaren 14ero Dominguera izeneko jota dantzatzen dugu haien eta udal gaiteroen doinura eta azken urteotan hainbat jaialditan egokitu zaigu elkarrekin aritzea. Eta harremanetik maitasuna. Hortaz, Iruñeko ikurretako bat den Pamplonesa musika bandaren mendeurrena ospatzeko urriaren 26an egin den ekitaldi nagusian ezin genuen hutsik egin.

Etxekoek etxekoendako antolatutako jaialdia izan da eta bertan parte hartu dugu Iruñeko udalaren talde artistiko guztiek, Iruñeko Orfeoiak eta beste zenbait artista soltek. Etxekoek etxekoendako, xumea dirudi kontua, baina ia 8 mila iruindarrek bete dute Nafarroa Arena izeneko kiroldegi animalekoa ikusgarria ikusteko.

Batetik, gure errepertorioko dantzak eman ditugu eta bestetik, artista ezberdinekin partekatzeko moduko errepertorioa bilatzeko beharrez, Jesus Guridiren Eusko-irudien hirugarren mugimenduari dantza ipini diogu.

Hiru burguen eguneko soka-dantzaren pasartetxo batzuk dantzatu ditugu aurrena, udal txistulari eta Pamplonesa musika bandarekin batera. Motza baina bizia.

2019-10-24_Pamplonesa-02
Argazkia: Mikel Legaristi

2019-10-24_Pamplonesa-01
Argazkia: Mikel Legaristi

Txistulariek udal gaiteroei eman diete txanda eta haiekin dantzatu ditugu gure trokeo-dantzetako zenbait pasarte: makil-luzeen dantza, arku-dantza eta dorrea. 8 mila eztarriek erantzun ote diete gure biba oihuei? Egia esateko ez gara ohartu, gure giza arkitekturari xutik eusten aski lan bagenuenez.

2019-10-26_Pamplonesa-04
Argazkia: Mikel Legaristi

2019-10-24_Pamplonesa-03
Argazkia: Mikel Legaristi

2019-10-26_Pamplonesa-05
Argazkia: Mikel Legaristi

Gure bigarren parte-hartzean, esan bezala, Eusko-irudien ezpata-dantza, zortzikoa eta txotxongiloa dantzatu ditugu. Beste garai batzuetako doinuak eta estetikak. Saiatu gara ahal bezain txukunen ematen launangoaren moldaketa bat, Gipuzkoako taula gimnastiko-koreografikoaren urratsez osatutako zortzikoak eta txontxongilo laburtua.

2019-10-26_Pamplonesa-07

2019-10-26_Pamplonesa-06
Argazkia: Mikel Legaristi

2019-10-26_Pamplonesa-09
Argazkia: Mikel Legaristi

Eta bukatzeko, nola ez, su festa! Iruindar estandarrak beti behar du bere sanferminitisa baretzeko erremedioa, beraz bukaera aldera joan dira Riau-riaua, Polonesa eta arestian aipatutako Dominguera jota. Gure 6 neskek dantzatu dute baltsaren partea kilikiekin, tartean, belauneko ebakuntza gaindituta, Itxaso Martinez gure dantzari prestua!

Bukatzeko otamena eta zorion emateak! Bete ditzala Pamplonesa musika bandak beste 100 urte bederen, eta ospakizun horietan, bertan izan gaitezela gu ere!

Aunitz urtez, lagunok!!!

2019-10-26_Pamplonesa-08
Mikel Legaristi

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Duguna - Iruñeko dantzariak

Duguna - Iruñeko dantzariak

Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.

 

Duguna - Iruñeko dantzariak

Maiatzaren 2a karrika, 9 behea

31001 - Iruñea

Tfnoa: +34 657 33 29 44
duguna@duguna.eus