Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Duguna - Iruñeko dantzariak Bestondo Elizondon

Dokumentuaren akzioak

Bestondo Elizondon

Sanferminen ondoko bihotzerrea oraindik gainditu gabe, berriz bestara gonbidatu gintuzten Elizondon. Eta guk baietz. Uztailaren 19arekin Baztandarren Biltzarra antolatua zuten eta beste hainbat eta hainbatetan bezala, gustu handiz abiatu ginen Baztango hiriburura.

Eguraldi bera ere alde (zaparrada ederren pean dantzatu izan baitugu Elizondon ere), pega bakarra gure aldagela izanen zen pilotalekuko giltza faltatu izan zela! Agertu zenerako denboraz larri genbiltzan eta ziztu bizian jantzi behar izan ginen. Sanfermin Aldapakoaren ezpata-dantza pasiatu genuen Elizondoko karriketan barna, gure aurreko gurdien gidari ziren kabaleen gorozkiak maisuki saihestuz.

ezpata-dantza5

IMG_3712

Bide bazterretan hainbat lagun: Goretti, Jexux, Ane... eta hara! Eibartar kuadrila handi bat ere! Bazkaltzera ere geratuko zirela eta begenuela bestarako lagunik! Biba!!

Eguna bero zen, bero zenez. Eskerrak bidearen bigarren puska itzaletan egin genuen, eta bide guztian zehar botilero jatorrak izan genituen. 2014ko Sanfermin txikietan bezala, Leire Lezak, Amaia Visus-ek, Amaia Irigoienek eta Ainara Ranerak egin zituzten kapitain lanak. Ibilbide guztian zehar 2-3 aldiz dantzatu zuten haien belauntxingoa Aritz Ibañez buruzagiarekin batera, eta agian, agian, haiek bota zituzten izerdirik latzenak! Azken belauntxingoa Elizondoko plazan, udaletxearen balkoipean, jendetzaren artean eta orain arte Baztandarren biltzar egunean ikusi gabeko ordezkaritza politikoaren ikusmiran. Nafarroako presidenta anderea ere han zen eta!

ezpata-dantza6

IMG_3694

ezpata-dantza10

Ibilbide osoan ezin geldialdi luzerik egin eta guk gure arrosa montatu nahi. Karrozen desfilea bukatu eta merkatuko plazara abiatu ginen eta han, gure gozamenerako (eta inguratu ziren lagun apurrendako, espero), bandera arbola, arrosa eta azken belauntxingoa egin genituen. Taldea bildu eta arropaz aldatzera. Pote bat, bazkaria, mutil-dantzak... baina guzti-guztia ere ez dizuegu kontatuko!

IMG_3741

IMG_3746

Antolakuntzako jendeari eskerrak, horren harrera goxoarengatik! Nahi duzuen artino!!

  • Ihitz Iriartek hartu eta handik eta hemendik ebatsitako beste zenbait argazki ikusteko, hemen KLIK!

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Duguna - Iruñeko dantzariak

Duguna - Iruñeko dantzariak

Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.

 

Duguna - Iruñeko dantzariak

Maiatzaren 2a karrika, 9 behea

31001 - Iruñea

Tfnoa: +34 657 33 29 44
duguna@duguna.eus