Dokumentuaren akzioak
Arrosadian izan da aurtengo Irudama-ren topaketa
Duguna - Iruñeko dantzariak
Ekainaren 3an izan da aurtengo Iruñeko Dantzarion Mahaian antolatzen duen dantzari topaketa, Arrosadiako auzoan. Auzoetako festekin bat egin ohi du topaketa honek eta aurten, esan bezala, Arrosadiako festekin egin du bat.
Eguraldiak zer ekarriko zigun zain, Oberena kirol elkartean egin genuen hitzordua, arropaz aldatzeko. Handik, kalejira inposible bat egin genuen desertua ziruditen urbanizazio berrietako karriketan barna. Gure mozolo aurpegiak momentu bakarrean itzuli ziren bere onera: Zolina kaleko plazatxoan hamaiketakoa eskaini zigutenean. Paseoak merezi izan zuela esanen dugu! Handik hasierako puntura buelta, txikitako kantu hark zioen gisan: kilometro bat oinez, ibiltzen, ibiltzen...♫ ♩ ♬.
Emanaldia hasi zen halako batean.
Muthiko Alaiak-ekoek Matelota eta Lizarrako Desmayoa aukeratu zituzten haien emanaldirako. Oberenakoek Luzaideko dantzak eman zituzten. Basakaitzekoek Lapurdikoak. Iruña Taldekoek San Lorenzo eguneko soka-dantza dantzatu zuten eta Ortzadarrekoek Arantzako zortziko koloretsua.
Guk 3 Burguen egunerako atondutako soka-dantza atera genuen plazara, aspaldixko partez. Itxaso Martinezek bete zituen aitzin-esku lanak eta Leire Lezak berriz, gibel-eskuarenak. Txistuan eta atabalean: Iñaki Sagardoi, Aitor Huarte eta Beñat Lopez. Sokan, dantzari zailduagoak eta zenbait gaztetxo ere bai. Denak tamainan aritu ziren!
Ikusleak eta beste dantza taldeetako kideak dantzara gonbidatuz —tartean Jexux Larrea, Ane Albisu eta Lisa Carcostegui lagunak—, fandango, arin-arin eta kalejirarekin amaiera eman genion gure saioari.
- Hasier Morenok hartutako argazki sorta osoa hemen ikusgai:
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
