Hemen zaude: Hasiera Komunitatea Duguna - Iruñeko dantzariak Argi soinua

Dokumentuaren akzioak

Argi soinua

2006/12/21 11:55
Abenduaren 16an egin zen, Iruñeko Gaiarre antzokian, Olentzero lehen aldiz karrikaratu zuten lagunen omenezko ikuskizuna: Argi-soinua. Patxi Labordak prestatu eta bertan parte hartu genuen Dugunakook eta beste lagun askok: Oberena dantza taldea, hainbat dantza taldeetako dantzari "beteranoak", Muthiko Alaiak abesbatza, Xut Fanfarrea, Aiko taldea, Mintxo Garaikoetxea, Zubietako ioaldunak,...

Olentzero neguko solstizioaren ospakizuna da-eta, orduan hasten baita eguna luzatzen, argiaren zikloa oinarri hartu zuen ikuskizunak.

Guk 4 dantza egin genituen. Taldeko neskek Urdiaingo Egu bai egun egin zuten lehenbizi. Geroxeago, Gipuzkoako Ezpata-dantza  mutilek, Mintxo Garaikoetxea txistulari bikainaren doinupean. Taldeko hainbat beteranok mazurka dantzatu zuten eta bukatzeko, taldeko neskek berriz Irradaka. Azken 2 dantza hauetarako Aiko taldearen laguntza musikala izan genuen.

Azpimarratzekoa da Irradaka-k ikusleengan izan zuen eragina. Bat baino gehiago emozionatu egin zen.

Iruñeko Olentzero-ren sortzaileek omenaldi bero eta merezi bezalakoa izan zuten, beraz. Jendea pozik atera zen  Gaiarretik. Beraz, zorionak antolatzaileei (Patxi-ri, batez ere) eta esker mila, Mintxo eta Aiko-ri gure pausoak laguntzeagatik eta Argia dantza
taldea
ri Irradaka irakatsi eta jantziak uzteagatik!

Hemen, argazki gehiago.

Dokumentuaren akzioak

Irune
2006/12/23 14:25

Kaixo! Olentzeroren gaia probestuz Oberena dantza taldekook eguberri zoriontsuak opa nahi dizkizuegu. Oso gustora ibili ginen Argi soinua ekitaldia prestatzen eta egiten. Eskerrak eman nahi dizkiegu antolatzaileei gutaz oroitzeagatik ikuskizunerako eta baita Dugunako Leireri "lo hadi aingerua"rekin laguntzeagatik. Beno, ba esandakoa, bihar Iruñeko Olentzeron egonen garen arren, ongi pasa gabonetan. Guk ere argazki bat bidali nahi dugu, ea iristen den:

aritz
2006/12/25 10:18
Aupa Irune,
Ongi pasa zuek ere!!! Argazkia ez zaigu heldu. Bidali korreoz eta jarriko dugu!

Urte berri on blog hau bisitatzen duten guztiondako!
Leire Leza
2006/12/26 14:28

Beno egu berri on zuei ere!

Erakutsi nizuenagatik ez da ezer, ikusi zenuten bezala oso erraza zen, beraz ez nuen arazorik eduki. Gustora ibili ginen gu ere zuekin, ea hurrengo batean ere elkarrekin dantzatzen dugun.

ZORIONAK ETA URTE BERRI ON!

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Duguna - Iruñeko dantzariak

Duguna - Iruñeko dantzariak

Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.

 

Duguna - Iruñeko dantzariak

Maiatzaren 2a karrika, 9 behea

31001 - Iruñea

Tfnoa: +34 657 33 29 44
duguna@duguna.eus