Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Duguna - Iruñeko dantzariak ♫ Iruñeko ferietan, iragan Sanferminetan...♬

Dokumentuaren akzioak

♫ Iruñeko ferietan, iragan Sanferminetan...♬

Zaldi kontuak ez ditugu aipatuko baina bai joan den urteko Sanferminetako gure peripeziak.

Hasteko, Sanfermin bereziak izan zirela esanen dugu. Maiatzeko hauteskundeek oso bestelako udala utzi ziguten Iruñean eta hori arnastu egiten zen hiri buruzagian. San Ferminetan ere beste giro bat antzeman genuen, frexkoagoa.

Bon, harira!

Festetako lehen zita uztailaren 6ko Foruen plazako emanaldia, Iruñerriko gainontzeko taldeekin batera. Formatoarekin zalantzak baditugu ere, parte hartu beharreko emanaldi horietako bat, inertziaz edo. 2015erako hautatutako dantzak: Berako bordon eta makil-dantzak, Igitai-dantza eta Iribasko ingurutxoa. Badaude, arrazoi bat edo beste tarteko, interes handirik pizten ez diguten dantzak. Igitai-dantza da horietako bat. Gainera, uste dugu neska dantzariaren balorea belztu egiten duela kas zehatz honek. Hartara, ez dantzatzea erabaki genuen. Berako dantzak, aldiz, Beran bezala genero bereizketarik gabe egitea erabaki genuen. Ondotik, Iribasko ingurutxoa ere dantzatu genuen.

IMG-20151002-WA0023

IMG-20151002-WA0017

Amaitzeko, eta urtero bezala, jauzi bat (Gau Ainerak) eta Larrain-dantza eman genituen ordurarte ikusle izan zirenak dantzara gonbidatuz. 

Biharamunean, usantzak agintzen duen gisan, Udal segizioan parte hartu genuen. Esan bezala, etxekoago, euskaldunago, freskoago egin zitzaigun prozesioa. Baina freskoago ez tenperatura aldetik, izan ere urteko egunik beroenetakoa izan zen uztailaren 7koa. Horrela ba, prozesioaren ondotik, dantza bazkaldu aitzin. Gipuzkoako brokel-dantzako 3 dantza eman genituen: Makil-handiena, Uztai-txikiena eta Makil-Brokelena; Itziar Perez, Aritz Ibañez eta Julen Fagoaga buruzagi lanetan aritu zirelarik. Bezperan bezala, dantzariz bete genuen tropela; haien generoari erreparatu gabe.
DSC07450

DSCN4893

DSC07427

Sanferminetako egun bat etxeko txikienei eskainia izaten da eta egun horretan ere aritu ginen (batez ere musikari eta txikien irakasle diren dantzariak), urtero bezala, Iruñeko beste dantza talde txikiekin, kalejiran, Errekoletas plazatik, Gaztelu enparantzaraino. Bertan dantzatu zuten denok elkarrekin. 
2015eko Sanferminek berrikuntza bat izan zuten, ordea: Jauzien Eguna. Gazteluko enparantzako kioskoaren inguruan ehunka lagun bildu ziren jauzi dantzan, eta han ere aritu ziren urratsei doinua jarriz gure taldeko musikariak. Dantzaldiaren arrakastak heldu diren urteetarako bidea ireki ote du?
Eta heldu bezain laister, tontamentian, amaitu zitzaizkigun Sanferminak. Gaixoak gu! Amaitu aitzin, ordea, azkeneko betebeharra geneukan. Zortziurreneko segizioan udalbatza lagundu, eta erraldoi eta kiliki konpartsa agurtu. Honela, beti bezala, baina ez betirako, Larrain Dantza dantzatu genuen erraldoien begiradapean, eta gure Itxaso Martinez, Maria Izal, Maialen Etaio, Ainara Ranera, Leire Leza eta Irantzu Irigoien-ek sei kilikiekin dantzatu zuten Dominguera Jota.
 
DSCN4918

Larrain-dantza2

Betebeharrak kitto!! Bagenuen atseden hartzeko garaia. Baina ez luzaz! Bere garaian esan bagenuen ere, gaur atzo baino egiagoa da: gutxiago falta da!!! (118 egun)

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.

Duguna - Iruñeko dantzariak

Duguna - Iruñeko dantzariak

Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.

 

Duguna - Iruñeko dantzariak

Maiatzaren 2a karrika, 9 behea

31001 - Iruñea

Tfnoa: +34 657 33 29 44
duguna@duguna.eus