Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan

Orain arteko ekarpenak

Hofesh Shechter: Grand Finale

2019/10/31

Britainia Handiko Hofesh Shechter konpainia Arriaga Antzokian izango da azaroaren 1ean eta 2an. Egungo dantza konpainia britainiar ospetsuenetakoak Grand Finale ikuskizuna eskainiko du. Bederatzi nazionalitatetako dantzariek eta zuzeneko musika eskainiko duen bandak interpretatutako sorkuntza lana da. Aldi berean komikoa, iluna eta ederra da; eta bere buruarekin bat ez datorren eta energia anarkikoz eta indarkeriazko komediaz beteta dagoen mundua gogorarazten du. Pariseko Théâtre de la Villen estreinatu zen 2017an eta ordutik arrakasta handia ari da izaten. Olivier (Erresuma Batua), Bessie (Estatu Batuak) eta Helpmann (Australia) sarietarako izendapenak jaso ditu. Horrez gain, Tanz magazinek Urteko Ekoizpen Lana izendatu zuen eta Dora Saria irabazi du Kanadan 2019an.

Hofesh Shechter koreografoak, goitik behera erortzen ari den munduaren ikuspegia ematen du ikuskizunean; musika, dantza eta antzerkia uztartuz. Bi emanaldi eskainiko ditu konpainiak Arriaga Antzokian, lehenengoa ostiralean, azaroaren 1ean, 19:30ean, eta bigarrena larunbatean, hilaren 2an, ordu berean. Sarrerak salgai Arriaga Antzokiko wegunean.

Irudiak: Hofesh Shechter. Koreografia eta musika: Hofesh Shechter. Dantzariak: Robinson Cassarino, Chien-Ming Chang, Frédéric Despierre (entsegu-laguntzailea 1), Rachel Fallon, Mickaël Frappat, Adam Khazhmuradov, Yeji Kim (entsegu-laguntzailea 2), Attila Ronai, Hannah Shepherd, Juliette Valerio. Musika orijinala: Hofesh Shechter. Musikariak: James Adams, Christopher Allan, Rebekah Allan, Desmond Neysmith, Alex Paton. Hofesh Shechter, Grand Finale, 2019.

Iurreta: Errosario 2019 txotxongiloa eta pastelak

2019/10/30

Pastelak bota dizkiete txotxongiloa dantzatzen ari ziren ezpata-dantzariei Iurretan San Migel festen errepikapenean. Izan ere, garai baten San Migel eguerdian aurreskuarekin eta atzeskuarekin sokara sartzen ziren bi gonbidatuek Errosario egunean pastelak oparitzen zizkieten dantzariei. Egun, festa batzordeak ematen dizkio ezpata-dantzari taldeari pastelak.

San Migel jaiak pasata ere dantzan jarraitzen dute Iurretako Mikel Deuna dantza taldeko dantzariek. San Migel hurrengo igandean ere Iurretako plazan dantzak ematen dira. Aurtengoan herriko dantzariekin batera Iruñeko Duguna dantza taldeko kideak izan dira. Irudi hauetan herriko dantzari taldea dugu txotxongilo dantzatzen. Dantzari-dantza eskaini eta txotxongiloarekin amaitu dute saioa, baina dantza honetan bada berezitasun bat. Txotxongiloa jasotzean, esku banatara pastelak bota dizkiote goian dagoenari eta lurrera jaistean pastelekin dantzan jarraitu du. 

Irudiak: Maite Irizar. Errosario, txotxongiloa eta pastelak, Iurreta, 2019-10-06.

Emilio Xabier Dueñas: "Dantzen testuingurua interesatzen zaigu"

2019/10/29

Araba, Bizkaia eta Gipuzkoako tradiziozko dantzen katalogoa aurkeztu du Emilio Xabier Dueñasek  "Dantza, festa eta kultur ondarea" jardunaldian. Eusko Jaurlaritzaren Ondare Sailaren eskaerari erantzunez azken lau urtetan EAEko dantza tradizionalen katalogoa egiten ari den lan taldea zuzentzen ar...

Gehiago irakurri

Ion Agirretxe eta Cristina Casa: Artifact Suite

2019/10/28

Ion Aguirretxe eta Cristina Casa dantzariek Artifact Suite ballet ikuskizunean eszenaratzen duten bikote-dantza dugu bideo honetan. Espainiako dantza konpainia nazionalak dantzatutako Artifact Suiteko irudiak dira honakoak; William Forsythe koreografoaren Artifact balletaren bertsio bat da. Balleta pas de deux eder batekin irekitzen da konpainiako gainerako hogeita hamar dantzariz inguratuta. Koreografia: William Forsythe. Musika: 1. zatia: Johan Sebastian Bach, Nathan Milsteinek interpretatua. 2. zatia: Eva Crossman-Hecht, Margot Kazimirskaek interpretatua. Irudiak: Espainiako dantza konpainia nazionala. Ion Agirretxe eta Cristina Casa, Artifact, 2019. 

Karlos Irujo: "Dantza nola aldatzen den ikusteko behatokia sortu genuen"

2019/10/28

Ortzadar elkarteko kidea eta Nafarroako Dantza Atlaseko zuzendaria den Karlos Irujok Nafarroako Dantzen Atlasa aurkeztu digu  "Dantza, festa eta kultur ondarea" jardunaldian. Irujok uste du ondarea eta dantzaren arteko harreman horretan, adierazpen esanguratsuenen artean kokatu behar direla da...

Gehiago irakurri

Terexa Lekunberri: "Inbentario fitxek dantzari buruzko jakinduria hazten dute"

2019/10/24

Euskal Kultur Erakundea aurrera eramaten ari den Kultur Ondare Immaterialaren babeserako inbentarioa aurkeztu du Terexa Lekunberrik  "Dantza, festa eta kultur ondarea" jardunaldi an. Lekunberri eta Thierry Truffaut Beasainen izan dira azken urteetan ari diren inbe...

Gehiago irakurri

Katalunia: gatazkaren erdian dantzan

2019/10/23

Istilu eta eraso artean ere, kataluniarrak ez diote utzi dantzatzeari; polizien erasoen aurrean dantzan jarraitzen dute. Cristina Merinok urriaren 18an twitterren argitaratutako irudiak ditugu honakoak. Kataluniako buruzagi independentisten epaiaren aurkako mobilizazioetan Bartzelonako kaleetara ateratako gazte koadrila kale erdian dantzan hasi da eta jota bat dantzatu dute. Merinok salatu du minutu gutxira polizia etorri zela furgonetetan izugarrizko abiaduran eta dantzari eta ikusle asko ia aurretik eraman zituztela. Ondoren, Katalunia plazan furgonetekin inguratu zituztela dio, ihes ez egiteko eta beraien aurka kargatzeko. Katalunia, gatazkaren erdian dantzan, 2019-10-18.

Isabel Hernando: "Dantzariek egiten duten horren gaineko eskubideen jabe izatea garrantzitsua da"

2019/10/23

Ondare legeriaren eta horren aplikazioak dakartzan zalantza eta gora beheren ezagutza elkarbanatu du Isabel Hernandok urriaren 12an Beasainen  "Dantza, festa eta kultur ondarea" jardunaldira bertaratu direnekin. EHUko zuzenbide zibileko irakaslea eta Revista sobre patrimonio cultural aldizkariare...

Gehiago irakurri

Bilbo 1943 Gorulariak arku-dantzan Artxandan

2019/10/22

Gerra Zibila bukatuta, Espainiako Falangeak berehala antolatu zuen Seccion Femenina delako eta haietan hasi ziren antolatzen kantu eta dantza emakume taldeak. Horietako bat da honako irudietan ageri dena, hain zuzen ere Seccion Femeninaren gerizpean antolatutako gorulari edo poxpolin talde bat arku-dantza ageri da dantzatzen. Bilbon, Artxandan hartutako irudiak dira eta espainiar gobernuaren Noticiario Documental (NO-DO) prorgraman eskaini zen 1943ko abuztuaren 2an. Hamalau dantzarik osatutako neska taldea ageri da dantzan. Dantzari-dantzako txotxongiloren doinua entzuten ari bada ere, gorulari taldea arku-dantza ari da dantzatzen, txistulariaren doinura. Honela dio bideoko ahotsak: "La falange femenina conserva y mantiene el folclor tradicional de las regiones españolas. En Archanda, Bilbao, se celebra un festival en la que las muchachas de la sección femenina bailan la antigua danza de los aros. Llena de arte popular y simbolismo". Irudiak: RTVE, NO-DO. Gorularien arku-dantza, Artxanda, Bilbo, 1943-08-02.

Txanpa 1987 aurreskua

2019/10/21

Ondarroako Txanpa dantza taldea RTVE telebistan aurreskua dantzatzen ikus dezakegu bideo honetan. RTVE telebistak 1987an emititutako irudiak dira, Gente joven programakoak. 1975 eta 1987 emititu zen programa eta artista gazteek beraien abileziak erakusten zituzten epaile eta ikusleen aurrean. Mercedes Rodriguez aurkezleak dioen moduan, tokiko dantzen lehiaketa antolatu zutela dirudi eta finaleko irudiak dira honakoak. Txanpa taldeko dantzari eta musikariak ageri zaizkigu eta dantzariek aurreskuaren zati batzuk dantzatu dituzte. Luis Etxaburu Latxanbre ari da aurreskulari lanetan. Aurrena desafioa egiten dute aurreskuak eta atzeskuak. Lehenengo zubiaren ondoren, aurreskuak abarketak dantzatzen du sokatik askatu gabe eta segituan bigarren zubia egiten dute. Jarraian agurra dantzatzen dio aurreskuak oholtzan dagoen dantza taldeko neska bati. Agurra bukatuta eta boastitzea dantzan erabiltzen den zortzikoaren doinuan dantzan jarraitzen du aurreskuak sokatik askatu gabe eta sokara gainerako dantzarien tarteetara dantza taldeko neskak sartzen dira. Denek batera fandangoa eta arin-arina dantzatzen dituzte eta biribilketan jaisten dira oholtzatik. Irudiak: RTVE, Gente joven, Aurreskua, Ondarroa, 1987. 

Orain arteko erantzunak

Dantzan on Ituren: soka-dantza 1951

2016/02/22

Andres Iñigo Ariztegik, Iturengo ondareari ekarpen ederra eginez, bideo honetan agertzen diren lagunen identifikazioa egin du.

Ituren, 1951-07-08
10’’. Txistulariak: Miguel Makutso, Burriñenekoa [Burriñenea etxe izena] eta Iñaki Aizkorbe, Azentzenekoa. Atabalaria: Jexux Azpiroz, Iturengo Apezenekoa. Segizioa elizara bidean doa, Pioinea eta Arriberria etxeen parean, Saturnino Telletxea, Iñarrekoa, buru duela -Saturninok suziriak botatzen zituen-.

11’’. Herriko bandera daramana Eustakio Elizalde Arrosenekoa [Arrosanea] da.

13’’. Balentina Idigoras, Jose Ignazio Telletxearen amaren ondoan, Martin Aizpurua doa, Apeztegikoa, garai hartan alkate zen eta ibilbidean barna behin baino gehiagotan ageri da. Haren ondotik, Ignazio Elizalde, Lopetxenekoa [Lopetxonea], eta Periko Mikeo, Aurtizko Apezenekoa.

16’’. Apez betaurrekoduna Tomas Lizarraga, garai hartan Iturengo apeza zena eta don Faustino Arbizu, erretorearen laguntzailea. Gainerako apezak beharbada Jose Ignazio Telletxearen ikaskideak eta lagunak, Jose Maria Setien eta beste batzuk.

17’’. Apezen gibeletik heldu direnak, hauexek: ezkerretik eskuinera, Antonio Goñi, Xixternekoa [Sastrearena], Joxe Ariztoi, Pioinekoa, Ramon Mutuberria, Sotillenekoa eta Maurizio Azkue, Lopenekoa. Joxeren eta Ramonen gibelean, Mattin Azkue, Lopenekoa.

54’’. Martintxo alkatea eta Nikasio Labaien, Juantsenekoa [Joansantzenea].

1’07’’. Nikasioren gibelean, Benedikto Vicente, Herriko Etxeko idazkaria. Benediktoren gibelean, Joxe Ariztegi, Manekoa [Marenea].

1’13’’: Lehen lerroan, Francisco Iñigo, Maixtemattekoa [Mariestebanbaita], Periko Mikeo eta Ignazio Elizalde. Gibelean, Joxe Mari Urroz, Barbenekoa [Barberenea], Domingo Aizpurua, Betenekoa [Beruetenea]. Ignazio Elizalderen eskuinean Jorgitto, Altxunekoa ageri da eta Ignazioren gibeletik, Maximo Ariztegi, Prosentzenekoa [Perosantzenea], aipatutako Joxe Ariztegi, eta Luis Mari Iñigo, Maixtemattekoa [Mariestebanbaita].

1’33’’. Zortzikoa edo mutil dantza, plazan. Ignazio Elizalde, Joxe Mari Urroz, Serapio Sagaseta –txalekoarekin- Palazioko bordakoa, Eustakio Elizalde, Antonio Goñi, Domingo Aizpurua, Eugenio Urroz, Aranburunekoa, Bautista Bereau, Tolatekoa [Tolaretea], Domingo Aizpurua, Eugenio Urroz, Martintxo Baleztena, Iturengo Errandenekoa [Errandonea] eta, azkena, Maximo Ariztegi.

2’11’’. Soka-dantza. Serapio Sagaseta, Maria Angeles, Ignazio Telletxearen arreba, Bautista Bereau...

2’ 38’’. Ignazio Elizalde... eta lau haur pareta kontran. Horietan ttikiena, ustez, Andres Iñigo.

2’ 59’’. Luisa Urroz, Alontsenekoa [Alontsonea], Joxe Mari Urroz, Antonio Goñi... ageri dira.

3’10’’. Victor Sagardia apeza, Palaziokoa, ageri da, ezkerraldean.

3’17’’. Plazaren erdian, ustez, Ignazio Iturbe, Alontsenekoa [Alontsonea].

3’37’’. Saturnino Telletxea, botila eskuan, eta Ignazio Elizalde.

Emakume gehienak agian Telletxearen familiakoak edo lagunak izanen dira, egun horretarako Donostiatik Iturenera etorriak.

Dantzan on Libertimendua

2016/01/14

2016an otsailaren 7an eskainiko da Libertimendua Garazin.

Dantzan on Maskaraden lehen agerraldia bertan behera geratu da

2016/01/12

Martxoaren 6an emango dituzte maskaradak Ezpeizen eta Mitikileko agerraldia apirilaren 17ra atzeratuko da. Hemen maskaraden egutegia gaurkotua: https://dantzan.eus/albisteak/zuberoako-maskaradak-egutegia

Dantzan on Maskaraden lehen agerraldia bertan behera geratu da

2016/01/11

Igande honetan, urtarrilak 17 Sohütan emango dituzte maskaradak eta Ezpeizen ematekoak zirenak atzeratu dituzte (data zehazteke). Gainontzeko datak berdin mantenduko dira.

Dantzan on Zarautz: Dantza soltea 1952

2015/11/20

Eskerrik asko Xabier emandako informazioagatik.

Dantzan on Joxemiel Bidador Pastorala Iruñeko euskaldunak

2015/10/19

Aupa Leire, mila esker zure erantzungatik! Bideoari dagokionez, guk ikusi dugu bideoa txertatuta zure blogean ( http://eibar.org/blogak/leire/iruneko-euskaldunen-lezioa ) eta ongi ageri zaigu. Ez dakigu zer arazo izan daitekeen. Ordenagailuarekin begiratu duzu ala tablet/mugikorrarekin?

Dantzan on Non dantzatuko duzue uda honetan?

2015/07/29

Eskerrikasko Aurtzaka!

Bestalde, jakin dugunez Gaztedi danza taldea Italiara, Rimini jaialdirako joango da bertako foklore jaialdian parte hartzera uztailaren 31atik abuztuaren 8ra.

Joan hemen zuen irteeren berri uzten eta oporretatik bueltan jasoko ditugu denak albistean.

Ondo ibili!

Dantzan on Non dantzatuko duzue uda honetan?

2015/07/28

Mila esker Iker, jaso dugu zuena zerrendan. Eta ondo ibili!

Dantzan on Zein euskal dantza taldek dantzatu zuen Albert Hall-en 1967an?

2015/06/12

Eskerrikasko Etor! Alberto López Echevarrieta-ren "Ballets Olaeta" liburuan begiratu dugu eta ikusi dugu Olaeta balletak Estatu Batuetan ibili zirela biran 1967an. Londresko aipamenik ez dugu aurkitu. Ea bat edo beste konfirmatzeko modua egiten dugun.

Dantzan on Dantzabiz: Dantza Eskolara 2014 - Jauzika

2015/03/09

Eskerrik asko Arkaitz emandako informazio guztiagatik.
Dantzan

Dantzan

dantzan 2001. urtean sortu zen eta 2003tik dantzan.com dantza sustatu eta hedatzeko elkarteak kudeatzen du.


Babestu dantzan.com