Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan

Orain arteko ekarpenak

Hondarribia Dantzanek uhinetara egingo du salto

2020/05/18

Bizi dugun egoera berezia dela eta aurtengo Hondarribia Dantzan ekimena formatuz aldatu dute. Uhinetara salto egin eta sare sozialen bidez hainbat ekintza antolatu dituzte. Kemen dantza taldeak urtero maiatzean astebeteko programa antolatzen du Hondarribiko udalaren laguntzarekin; hitzaldiak, ikas...

Gehiago irakurri

Deba: Debarren Eguna 2020 San Roke ezpata-dantza

2020/05/18

Izurriaz babestu izana eskertzeko abiatu zen errituala errepikatu da Deban; ea oraingo izurri honen aurrean ere laguntzen duen. Ezpata-dantza dantzatu dute Debarren Egunean Gure Kai dantza taldeak eta Kalez Kale txistulari taldeak San Roke ermitan. XVI. mendean izurrite bati aurre egin nahian Debako harresiak itxi zituzten merkatari eta erromesentzat. Horiek Artzabal auzora bideratzen zituzten. Auzokideak gaixotasunagatik beldurrez eta kezkatuta promes egin zuten urtero San Rokeren irudia urtero prozesioan aterako zutela beraien burua babes zezan. Ordutik abuztuaren 16an prozesioan igotzen dira ermitara santuarekin eta ezpata-dantzariek laguntzen diete. Debarren Egunean ere dantzatzen dute ezpata-dantza. Coronobirusa dela eta aurtengo festa berezia izan da. Ezpata-dantzaren erritua bete ahal izan da, baina bideo bidez. Dantzariak maskara eta eskularruak jantzita grabatu dute ezpata-dantza eta erritua izan ohi den orduan, igande goizean argitaratu da ezpata-dantza sareetan. Irudiak: Gure Kai. Debarren Eguna, San Roke ezpata-dantza, 2020-05-18.

Leire Pagonabarraga: “Benetako aldaketa plazan egiten da”

2020/05/15

Gaur San Trokaz eguna ospatu ohi da Abadiñon eta bertako dantzariek urteko emanaldi garrantzitsuetakoa egiten dute. Leire Pagonabarraga (Abadiño, 1990) Abadiñoko Talde Batuak dantza taldeko dantzaria eta haurren irakaslea da. Aurtengo festetan ez dute dantzarik egingo, baina Abadiñon dantzak ez...

Gehiago irakurri

Markina-Xemein 1977 Zerutxu dantza taldea

2020/05/14

Markina-Xemeingo 1977ko Zerutxu dantza taldearen entseguetako irudiak ikus ditzakegu bideo honetan. Felipe Amutxastegi eta Mertxe ageri dira dantza-irakasle lanetan. Beroketak, dantzari-dantzako urratsak, arin-arina edota gorularien-dantzak erakusten ageri dira Felipe eta Mertxe Markina-Xemeingo neska-mutikoei. Manuel Garrido Palacios ageri da Felipe eta Mertxe elkarrizketatzen. TVEn Raices programa zuzendu zuen Garrido Palaciosek 1972 eta 1982 bitartean. Haurrekin jolasean hasten direla kontatzen dute Mertxek eta Felipek erritmoa barnera dezaten lehendabizi. Dantzak eta euskara mantentzea dela beraien helburua diote. 110 ikasle inguru dituzte eta egunero entseatzen dute talde ezberdinek 19:00-22:00. Badute transmisioaren eta dantzak irakasleen erreleboaren inguruko kezka, baina itxaropena dute dantzari gazteak handitzen direnean beraiek ere helduko diotela taldeari. Tokian tokiko dantzen ikasketan eta herrien arteko elkartrukea oinarritzen direla diote. Amaitzeko, mutikoek  zahagi-dantza dantzatzen dute. Irudiak: Raices, RTVE. Zerutxu dantza taldea, Markina-Xemein, 1977.

Gerrako euskal umeak erbestean dantzan

2020/05/14

Gerratik ihesi, 4000 ume Euskal Herritik Ingalaterrara erbesteratu ziren 1937. urtean. Southamptonen lehorreratu zen Santurtzitik umez beteta abiatutako Habana itsasontzia eta kanpamendutan antolatu zituzten. Erbesteratuen kanpamendu horietan euskal umeek egindako dantza emanaldietako bat ikus daiteke irudiotan. Poxpolin eta ezpata-dantzariak ageri dira, kalejiran lehenengo eta agintariena eta zinta-dantza eginez gero. Bizitokitzat izan zituzten dendak ikus daitezke dantzarien atzekaldean. Ume horietako askok ez zuen berriz beren jatorrizko familiekin elkartzerik izan eta Britainia Handian bizi izan ziren. The Basque Children bezala ezagutu izan dituzte. Gerrako euskal umeak erbestean dantzan, Filmoteca española, 1938-39 inguruan.

Gregorio Urionaguena eta Pedro Maria Lezameta dantzari geldiezinak hil dira

2020/05/13

Maiatzaren 12ak bi dantzari bizkaitar nekaezin eraman ditu, Gregorio Urionaguena Aitxu (Abadiño, 1917) eta Pedro Maria Lezameta Peto (Basauri, 1945) hil dira. Lezameta Edurre dantza taldean hasi zen dantzan 1957. urtean. Taldearen sorkuntzatik gaur arte dantzari eta euskal folkloreari lotuta ...

Gehiago irakurri

Patxi Laborda: "Pilota etorri zaigu eta ahal dugun moduan erantzuten ari gara"

2020/05/13

Eguneko klasea prestatzen harrapatu dugu Patxi Laborda (Iruñea, 1967) . Hogeita zortzi saio eskaini ditu gaur arte itxialdian zehar. Orain dela hamalau urtetik Bilbao Musikan irakasle aritzen da helduei dantza klaseak ematen eta azken asteetan guztiz aldatu behar izan du dinamika. Esko...

Gehiago irakurri

Txakolin, Zuberoako makila-dantza eta nazioarteko lehengusuak

2020/05/12

Bi makila lurrean gurutzatuta jarri eta horien inguruan saltoka eta dantzan bere abileziak erakusten ditu dantzariak txakolin-dantzan. Irri-dantza edo joko-dantza hau tabernan edota familia giroan dantzatu izan da askotan, nahiko modu espontaneoan gehienetan. Oinekin makilak ez ukitzea da erronka. Euskal Herrian hainbat aldera ezagutzen dira eta Oier Araolazak Bizkaian jasotako bi konpla erabiliz dantzatu du adibide bat. Zuberoako makil-dantza ikus dezakegu, Barkoxen 1963an Jean Michel Guilcherrek grabatutako irudiak eta bere alaba Mone Guilcherrek 2006an aurkeztuak. Euskal Herrian ez ezik Europako beste hainbat lekutan ere bada makila edo ezpaten inguruan dantzan jolasean aritzeko ohitura. Bideo honetan txakolin eta bere familiako hainbat dantza jaso ditugu. Bielorrusian Taukachykee deitzen diote txakolin-dantzari. Zuberoan bezala, haurrek ere dantzatzen dute txakolin Ingalaterrako Canterburyn, baina badirudi makilen inguruan beharrean ezpaten inguruan dabiltzala. Finlandiako makila-dantzan musika azkartuz urratsak konplikatzen dituzte eta Eskozian ere ezpatekin osatzen dute gurutzea. Juan Antonio Urbeltzi esker eskuratu genituen 1920ko hamarkadan Frantisek Pospisilek grabatutako azken irudi horiek. Irudiak: Jean Michel Guilcher, Claude Monbailly, Dancilla, Giovanni Labate, Chris Brady, Robin Bailey, Frantisek Pospisil. Txakolin-dantza Europan zehar, 2020-05-12.

“Erabaki gogorra, baina gauzak gaizki egiteko hobeto da ez egitea”

2020/05/11

Oñatz dantza taldearen zutoinetako bi dira Jesus Irizar Txutxin eta Maite Irizar aita-alabak. Pasioz eta oso barrutik bizi dituzte Oñatz dantza taldearen gora-beherak, Korpus jaiak, eta euskal dantzari buruzko guztiak. Aurtengo urtea data garrantzitsua da taldearentzat, 50. urteurrena ospatzeko p...

Gehiago irakurri

Aitor Arrieta: Etxetik dantzan

2020/05/11

Aitor Arrieta ballet dantzariak etxean prestatu du dantza pieza hau. Arrieta Londresko English National balleteko lehenengo bakarlaria da. Kultur Labea ekimenerako osatu du dantza zati hau, Beethoven-en pianorako 14. sonatarekin. Covid19ak eragin duen alarma egoeran Errenterian hasi duten ekimena da Kultur Labea. Bertako sortzaileak eta euren lanak zabaltzea da asmoa. Irudiak: Kultur Labea cc-by-sa 3.0. Aitor Arrieta, Etxetik dantzan, 2020-05-08.

Orain arteko erantzunak

Dantzan on Biarritz 1948 Dantzak Eusko Ikaskuntzaren kongresuan

2020/04/01

Irudi hauek argitaratu genituenean Patxi Monterok ohartarazi gintuen bigarren aldiz atera genituela. Izan ere 2019ko martxoan atera genituen https://dantzan.eus/[…]/biarritz-1948-eusko-ikaskuntza-vii-kongresua. Ez ginen ohartu eta errepikatutako bideoan, Emilio Xabier Dueñasek abisatu digun moduan, irudien kalitatea hobea da, baina 3:22 minututik aurrerako irudiak horizontalki iraulita daude. Dantzariak alderantziz dabiltza, txistua eskumarekin jotzen ageri dira, normalki alderantziz jotzen dutenean , xirulari zuberotarrak ezkerrarekin, entseinariak ezkerrarekin darama bandera, puntu guztiak ezkerrarekin hasten dituzte, alborako mugimendu guztiak ezkerrera hasten dituzte...

Dantzan on Inauteriak 2020 oinarrizko egutegia

2020/01/23

Eskerrik asko! Ordutegiak edo informazio gehiago bidaltzerik bai dantzari@dantzan.com helbidera?

Dantzan on Ezpata-dantzarien alarde bat 1934an. Non da?

2020/01/10

Bai Xabier, mila esker! Beste zenbait irakurlek ere informazio interesgarria eskaini digu, hemen jasoko duguna:

- Pablo Izagirrek esan digunez "artikulu batean topatu dut, 1933ko ezpatadantzarien alarde oso handia egin zela Bilboko Ibayondo futbol-zelaian". https://dialnet.unirioja.es/servlet/articulo?codigo=157657

Informazio honekin osatu du Pablok kokapen aukera: "Nik arakatutakoaren arauera, Ibayondo (Ibaiondo) estadioa Getxoko udalerrian egotea da aukera fidagarriena, Areeta auzoan, Leioako udalerriko mugatik hurbil. Gaur egun desagertua dago futbol zelai hori. El Arenas futbol taldearen futbol zelaia izan zen urte horietan. Bitxia da, orduko artikulugileek Bilbon egin zela esatea, nahiz eta beste udalerria izan, kasu honetan Getxo. Oso ohikoa da arrain handiak arrain txikia jatea. Zein herri inportantea dago ondoan? Bilbo, ba Bilbon izan zela esatea. Atxikitutako argazkia, Areetako Ibaiondo estadiokoa da, eta antza handiak ditu filmazioko irudiekin: harmailak, zuhaitzak... Bestetik, sasoi horretan, 1930eko hamarkadan, Areeta ondo komunikaturik zegoen hainbeste lagun inguruko herrietatik hara hurbiltzeko ( Bilborekin, Erandiorekin, trenez; Ezkerraldearekin, itsasontziz, Portugaleteko Zubi Eskegiaz, itsasadarra zeharkatzeko... )

- Ignacio Elezcanok beste artikulu hau:
https://www.ehu.eus/[…]/18484

Eta Andoni Elezkanoren "Retratos de hierro y agua" lanean 70-71. orrialdeak begiratzea proposatu digu.

Dantzan on Dantza-kontuak Irulegi irratian

2019/11/07

Ez da ideia txarra. Ea gauzatzeko gai garen! Eskerrik asko Iker.

Dantzan on Zein da Madonnak Eurovisionen eskaini zuen euskal kanta?

2019/05/22

Halaxe da bai, Patxi eta Aitor, "Oihaneko Zuhainetan" da Madonnaren abesbatzeko monjeek hitzik gabe ematen duten kantaren doinua. Hemen hitzak, Jean Mixel Bedaxagarrek kantatu ohi dituen eran:

Oihaneko zuhainetan eder zuhainik gorena
Europako popülietan famatürik üskaldüna
Hura da zaharrena Kantabriaren semia
Lorius bere lurretan beti libre egon dena.

Leheneko üskaldüneri fama zaio baratü
Fidel zela herriari eta legetan argitü
Hura izan da gerlari, üsü odolak ixüri
Fidelitatian etxeki eta legia hareki.

Haritx piala bildürik üskal herri orotarik
Bakotxak bere botza emanik eta legia zen egin
Orai ezta legerik ez eta ere juntarik
Fidelitatia galdürik eta legia saldürik.

Dantzan on Barry Lyndon (1975): Goizeko ihintza dantzan

2019/04/24

Eskerrik asko zuzenketagatik Aitor! Bistan da oker jarri dugula.

Dantzan on Inauteriak 2019 oinarrizko egutegia

2019/01/22

Eskerrik asko ekarpenagatik!

Inork hitzordurik faltan botatzen badu, idatziguzue mesedez dantzari@dantzan.com helbidera informazioa eta argazkiren bat bidaliz eta gustora gehituko dugu inauteri egutegian.

Dantzan on Biarritz 1934 Euskal dantza jaialdia

2019/01/17

Durangaldeko dantzarien saioa xehe aztertuta honako argibide, zalantza eta xehetasunak aipatu dizkigu Durangaldeko dantzari batek:

"Durangaldekoak direnarekin guztiz seguru ere ez nago, baina pausukeragaitik oso gureak ikusten ditut. Bestalde Garaiko taldearen inguruan banderaren antzekotasuna (https://pbs.twimg.com/media/DjBgm-nXsAA0Rjo.jpg) eta 'eskas'etan hartzen duten kokapenak (https://www.youtube.com/watch?v=WCzNVC7mi78) kontuan hartuta kointzidentzia gehiegi iruditzen zait Garaikoak ez izatea.

Berriztarrekin, aldiz, zalantza asko ditut zeren haien bandera, antza gerra garaian desagertu zen, gainera 'Durangerriko banderak' liburuan aurkitu dudan argazkian beste kolore bat ikusten diot. Agian Izurtzako bandera izan daiteke? Izurtzakoena ere antza gerra garai inguruan desagertu zen. Honetan denean hobeto dakiena Jon Irazabal Agirre liburuaren autorea da egia esateko.

Pausoen xehetasunen inguruan lehenik, lehenago erakutsi zenuten bideo honekin konparatuz: https://dantzan.eus/[…]/berriz-dantzari-dantza-1923-1928. Alde ugari ikusten dizkiot. Hasteko Biarritzekoan askoz leku txikiagoan ikusten ditut (gaur egun egiten den bezala) eta bideo zaharragoan, bai eta hainbat argazki zaharretan askoz ere espazio zabalagoan daude kokaturik.

Hastean ezpatekin agurtzean Biarritzekoan bata bestea zapalduz dabiltzala esan daiteke. Orokorrean koordinazio gutxiagorekin edo egiten dute dantzan. Bandera eragitearena, aldiz, gaur egun guk jaso dugun bezala egiten dute: 3 buelta ezkerrera, 3 eskumara eta 3 ezkerrera musika doinua jarraituz. Aldiz, bandera eragitean ezpata bandereroaren makila dagoen lekuan uzten dute. Bestetik puntapioa jasotzean batzuetan ez dute guztiz jasotzen, Berrizko bideo zaharragoan aldiz bai. Eta 'buelta' ere batzuek gaur egundaino heldu zaigun 3 pausuetan egiten dute (berrizko bideo zaharragoan bezala) eta beste batzuek aldiz edonola.

Puntapio eta grabiletetan barietatea ikusten bada ere, nik dantza hauek errekuperatzen ibili zirenei beti entzun izan diet jende zaharrak beti puntapioa denbora bitan (lehenengo belauna altxatuta) eta grabiletea aurretik egiten zela ziotela.

Bestalde, 5:05 ean eta 5:41 eta 5:44 etan behean golpea jotzean saltorik ez egitea ere bitxia iruditu zait. Berrizkoek (https://www.youtube.com/watch?v=eSYw1--zlwM) ( 2:19 segundoan) antza bai egiten dutela horrela.

Azkenik, janzkera garai horretako argazkietan ageri dena da. Txalekoa, 'siemprebibie'... galduak. Ezpaten eta makilen luzera Durangaldean ohikoena izan den bezala ikusten ditut."

Dantzan on Oñati 2018 Eusko Ikaskuntzak 100 urte: aurreskua

2018/11/28

Eskerrik asko zure iruzkinagatik Patxi. Desafio gurutzatuari buruz Oñatikoek eman dezakete argibide gehiago, baina Oñatiko aurreskuan ohikoa den koreografia da hori, alegia, horrela egiten dela normalki, ez zen ezer berezirik egin agintariei begira. Kasualitatea izan zen agintariak parean egotea, ze teorian, hor ez, baizik eta sokan izan behar ziren.
Dantzan

Dantzan

dantzan 2001. urtean sortu zen eta 2003tik dantzan.com dantza sustatu eta hedatzeko elkarteak kudeatzen du.


Babestu dantzan.com