Durangoko Kriskitin dantza taldea 25. urteurrena ospatzen ari da 2012an. Hainbat dantza ekitaldi burutu dituzte aurreko hilabeteetan, eta urtearen azken hilabetean, "Kriskitinek 25 urte" liburua aurkeztuko dute.

Urte berriarekin batera abiatuko diren Zuberoako maskaraden prestaketak lanak aurrera doaz. Gamere-Zihigako gazteek emango dituzte maskaradak 2013 urtean. Jean Pierre Errekalt eta Jean Louis Bidabe errejentak ari dira taldearen prestaketa gidatzen, eta paperen banaketa egina dute dagoeneko. Kabanaren papera egingo duen Mathieu Tauzin elkarrizketatu du Xiberoko Botzak.

Poliki poliki ari dira taldeak beren ekarpenak egiten "Dantza zati bat" egitasmoan. Idiazabalen egindakoa izan da sareratu den azkena, aurretik Orio, Irurita, Cordoba (Argentina), Agoitz, Markina-Xemein edo Lesakan egindakoen bidetik. Gazta zati bat dokumentalari erantsiko zaizkio dantza irudi hauetako batzuk. Ikusi hemen orain arte sareratu diren Dantza Zati Bat bideotako batzuk:

Juan Antonio Urbeltzen zuzendaritzapean, eta Argia, Duguna, Maritzuli, Haritz eta Kezka dantza taldeetako dantzari eta musikariekin, Besta Berri ikuskizuna estreinatuko da abenduaren 2an Bilboko Arriaga antzokian. Corpus Christiren inguruko festetan inspiratuta, hiru piezak osatutako emanaldia prestatu du Argiak.

Baietz taldearen diskaren liburuskan gure arreta piztu zuen argazki bat ikusi genuen. Gizon nagusi bat, mahai baten gainean dantzan ageri da. Arrecifes-eko Loyola eta Etxaniz familiek utzitako argazkia dela jartzen zuen bertan. Argazki horri buruz gehiago jakin nahian jo genuen Baietz musika taldera, eta Noe Fernandez-ek Etxalarko bi anaia musika eta dantzazaleren historia ekarri digu.

Gorka Bravo argazkilaria ibilbide oparoa egiten ari da dantzaren munduan. Dantzan espezializatutako argazkilaria da, eta antzematen zaio arte alor honetarako sentsibilitate aparta duela. Azken urteotan egindako lan ederretako batzuk bildu ditu bideo honetan.

Leioako Irakale proiektuaren baitan, Lantzeko inauterietako zortzikoa dantzatzen ikasteko bideo tutorial bat argitaratu da Youtuben. Bertan, Haizea Ormaetxea dantzariak Lantzeko zortzikoa nola dantzatu irakasten du. Oso bideo txukuna da, ongi grabatu eta editatua, baina arazo bat dago: Benetan Lantzen horrela dantzatzen dute zortzikoa?

Euskal dantzara egokitutako dantza klasiko ikastaroa eskainiko du Igor Yebrak larunbat honetan Urnietako Saroben. Aukeran dantza konpainiak antolatu duen ikastaroa ume eta gaztetxoekin arituko da Yebra goiz partean, eta euskal dantza tradizionaleko helduei begirako saioa eskainiko du arratsaldean.

Villabonako Amasa auzoan, San Martin jaietan oilasko-biltzea, oilasko-jokoa eta soka-dantza egin izan dute luzaroan gazteek. Oilasko-jokoan animaliei tratu txarra ematen zitzaiela salatu zuen elkarte batek, eta ondorioz, aurten oilaskoen ordez arrautzak batu dituzte Amasako gazteek, eta ez da oilasko jokorik izan. Soka-dantza ez da falta izan ordea.

Bere doinuak dantzatzen dituzten dantzariekin batera zahartu dira Eguren orkestrako musikariak. Euskal Herria erromeriaz erromeria korritu zuten musikariak, jubilatuen dantzaldiak girotzen aurkitu dute azken gordelekua. 1963an Usartzako (Eibar) erromerian, hamazazpi soinu jotzaile elkartu zirela gogoratzen du Enrike Eguren-ek. Eta bakoitzaren inguruan dantzari korroa. Adibidez, Aiastiako (Elgoibar) erromerian mila lagun dantzan jartzera iristen ziren.