Dokumentuaren akzioak
Albisteak
Noemi Vianak irabazi du Madrileko koreografia lehiaketa
Abenduko lehen egunetan ospatu da Fernán Gómez antzokian Madrileko lehiaketa koreografikoaren 24. ekitaldia. Lehen saria euskal dantzari batek, Noemi Vianak irabazi du. PI-20 lana aurkeztu zuen Vianak, eta epaimahaiaren sariaz gain, ikusleen, kritikaren eta partehartzaileen sariak eskuratu ditu.
Manuel Delgado eta hiri-koreografiak Ortzadarren jardunaldiak ixteko
Aurreikusitako egunean bertan behera geratu zen Manuel Delgadoren hitzaldia hegaldiaren arazo baten ondorioz, baina aste batzuk beranduagoa etorri da Iruñera eta Ortzadarren jardunaldiak itxi ditu bere hitzaldiarekin. Hiri koreografiak izan ditu mintzagai. Ortzadarreko kideek hitzaldi osoa sareratu dute bideoetan eta hemen duzue eskura.
Koloreaga, Nafarroako festagileak koloreztatzeko
Asisko Urmenetaren marrazkiekin, Nafarroako dantzari eta festagileen irudiz, kolorez margotzeko liburuska argitaratu du Duguna dantza taldeak. Otsagabiako dantzariak, Arizkungo sagar-dantzariak, Lesakako ezpata-dantzariak edo Luzaideko bolantak edo Jaurrietako neskak ageri dira bertan besteak beste.
Olatz de Andres-ek "dA cAPO" eskainiko du Feministaldian
"dA cAPO" Olatz de Andres-en sorkuntza, Artelekun ikusi ahal izango da abenduaren 18an, arratsaldeko 19:00etan. Feministaldia jardunaldien baitan aurkeztuko du Olatz de Andres-ek sorkuntza lan hau.
Aterpean 2011, Dantza Hirian-en artista egoiliarren programa
2011ko urtarrilaren 31 da Aterpean 2011 programan parte hartzeko proiektuak bidaltzeko azken eguna. Aterpean artista egoiliarren programa bat da, Dantza Hirian –Mugaren Bi Aldeetako Dantza Jaialdia hiripaisaietan– ekimenak sortua. Bere helburua gaur egungo dantza-ikuskizunak sortu, ikertu eta hiri-eremuetan ezagutzera ematea da.
Maider Gonzalezek irabazi zuen Bilbo Hiria dantzari gazteen 5. lehiaketa
Nacho Duatoren "Duende" lanaren interpretazioarekin eskuratu zuen Maider Gonzalez-ek lehen saria. Sonia Fernandez madrildarra eta Claudia Faubel balentziarra sailkatu ziren bigarren eta hirugarren.
"Dantzak eta Errituak" ikuskizuna aurkeztuko du Elai Alaik
Datorren ostiralean, abenduaren 17an, Santurtziko Serantes Aretoan eta arratsaldeko 20:30etan Portugaleteko Elai Alai Dantza Taldeak "Dantzak eta Errituak" ikuskizuna aurkeztuko du.
Leire Ituarte, Matxalen Bilbao eta Pilar Andres La Fundicion-en
La Fundición-ek abiarazi zuen nazioarteko proiektu batek Leire Ituarte, Matxalen Bilbao eta Pilar Andrés Buenos Airesera bidean jarri zituen joan den azaroan, La Fundición-en berton Egoitzako Sorkuntzaz burutu zuten pieza bat han aurkez zezaten.
Gabonetako 5. Nazioarteko Dantza Jardunaldiak Erandion
Datorren abenduaren 27tik 30era burutuko dira Erandion lehen Getxo-dantzan moduan ezagutzen ziren gabonetako nazioarteko dantza jardunaldiak. Stephane Boko, Clara Perez, Veronica Villar eta Ana Maria Lebrero dira aurtengo irakasle bereziak.
Dantzari Gazteen Bilbo Hiria 5. Leihaketa
Abenduaren 11an, Euskalduna jauregiko A-1 aretoan burutuko da ABBEk antolatutako sariketa. Asociacion Bilbao Ballet Elkarteak (ABBE) Dantzari Gazteen Bilbo Hiria 5. Leihaketa antolatu du, eta datorren abenduaren 11an jokatuko da, arratsaldeko 19:30ean Euskalduna Jauregiko A-1 aretoan.
Dokumentuaren akzioak