Dokumentuaren akzioak
Albisteak
Andra Mari dantza taldearen 55. urteurrena
Andra Mari Dantza Taldearen 55.urteurrena dugu aurtengo hau. Urteurren honetan hainbat dira azaro honetan egingo diren ekitaldiak. Hauen artean ondorengo hauek azpimarratu nahi ditugu:
Manuel Delgadoren hitzaldia Iruñean, Ortzadarren jardunaldiak borobiltzeko
Urrian ospatu ziren Ortzadarren Folklore Jardunaldietan, Manuel Delgado antropologoak ezin izan zuen bere hitzaldia eskaini. Datorren azaroaren 19an izango da Iruñean, atzeratutako aurkezpena egiteko. Hiri-koreografiak izango ditu hizpide.
Asier Zabaleta "Golden Mask" sarietarako hautagai izendatu dute
Asier Zabaleta "koreografo onenaren" atalean Errusiako "Golden Mask" sarietarako hautatua izan da Arantza Balentziagak, Ertza konpaniako lankideak jakinarazi digunez. Cheliabinsk-eko dantza garaikideko konpainiarentzat egindako "Next in Line" lana aintzat hartu du epaimanahaiak. Arte eszenikoen Errusiako sari garrantzitsuak dira "Golden Mask" izenekoak.
Lina Cruz-en “Mindscapes / Soupe de Jour” La Fundicion-en
Zelan itzuli Mindscapes/Soupe Tour obraren izenburua? Ezbairik gabe esan daiteke oraingoan ere galgarik gabeko irudimenetik sorturiko obra dugula. Lina Cruz-en sinadura koreografikoa zeharo bakantzat hartuta dago, beti bukatzen delako, era batera edo bestera, egungo korronteez kanpo. Zer dela-eta? Lina Cruz-en lanak ez duelako zentsura estetikorik.
Boterea eta beldurra aztergai Dakumeneren Raices lanean
Ama, Aita eta alaba. Familia dira etxean Victoria, Gustavo eta Luna eta familia bat irudikatzen dute eszenatokian. Botereaz, gehiegikeriaz eta beldurraz gogoeta egin nahi izan du Gorosito-Mujica familiak, eta "Raices" ikuskizuna da kezka horren emaitza. Azaroaren 4an aurkeztu zen Bilbon.
Alurr Dantza Taldeak ‘Oinazez’ lana estreinatuko du abenduan
‘Oinazez’ ikuskizun berritzailea eta desberdina da. Tolosako (Gipuzkoa) Leidor antzokian izango da emanaldia, abenduaren 10ean, gaueko 22:00etan.
Larraineko dantzariak Txinan izan dira
Larraineko Errege txopitak taldeko dantzariak Txinan izan dira, dantza jaialdia batean. Naning hirian ospatu da jaialdia eta Larraineko Errege txopitak taldeko sei kide izan dira jaialdian Zuberoako dantzak eskaintzen.
Herri Musika jardunaldiak: Inauterien joan-etorria
Oiartzungo Herri Musikaren Txokoak 9. Herri Musika Jardunaldiak antolatu ditu datorren azaroaren 27 eta 28rako. Inauteriak, eta inauterien joan-etorria izango dira aurtengo jardunaldien ardatza.
Dantza musikarientzat eta beste zenbait ikastaro Bizkaian
Bizkaiko Dantzarien Biltzarrak hainbat ikastaro antolatu ditu Udazken-Negurako. Horietako batzuk dagoeneko burutu dira, baina oraindik beste hainbat egingo dira datozen hilabeteotan. Dantza musikarientzat, Arabako dantzak, Berako dantzak edo Luzaideko dantzak dira ikasi daitezkeenetako batzuk.
Kukaik Parisen eskainiko du Hnuy Illa
Datorren azaroaren 21ean, Paris-en, Cafe de la dansen, Hnuy Illa ikuskizuna eskainiko dute Kukai eta Tanttakak. On Kixote, Espainiar antzerkiaren XIX. jaialdia ospatzen da Paris-en eta programazio horretan eskainiko du euskal konpainiak Hnuy Illa.
Dokumentuaren akzioak