Dokumentuaren akzioak
Kezka-Duguna konexioa odolberrituz
Duguna - Iruñeko dantzariak
Kezka eta Dugunako dantzari gaztetxoak. Argazkia: Idoia Lahidalga
Aspalditik dugu harreman gertu eta berezia Eibarko Kezka dantza taldeko lagunekin eta maiatzaren 14ean, harreman hori odolberritu dugu. Kezka eta Dugunako dantzari gaztetxoek dantza plaza partekatu dute, armaginen hirian urtero ospatzen duten Letra Galegoen egunean.
Goiza goibel samar esnatu da, baina jantzi zuri-gorriek hodeiak uxatu eta eguzkia erakarri dute. Jantzi eta berehala errepika azkar bat egin dugu Errebal plazan, musikarien laguntzaz, bakoitzaren zereginak ongi zehazteko eta eguerdi eta erdietan egin dugu emanaldi nagusia Urkizu plazan. Gure dantzari gaztetxoek Sanferminetako trokeo-dantzetako batzuk eman dituzte eta Eibartarren Arrateko trokeo-dantzetako beste hainbat. Eibarko Galiziako etxeko dantzariek ere haien dantzak erakutsi dituzte, eta ondotik, eskuzabalki, hamaiketako eskaini digute haien egoitzan.
Dantza ardurak behin finiturik Kezkako lagunekin bazkari legea egin dugu, eta ondotik, erromeria ederra eskaini digute eibartar musikari finek. Poliki-poliki gaztetxoen arteko hasierako lotsak lausotuz joan dira eta azkenerako, elkarrekin joan dira arratsalde pasa Eibarreko karriketan gora eta behera.
Elkartukeak bigarren kapitulua izanen du sanferminetan, Kezkako gaztetxoak Iruñera etorriko direnean. Zuen zain gara!
Mila esker handia, beraz, Kezkako aspaldiko lagunei eta halaber, emanaldian doinua jarri diguten Arrasateko gaiteroei ere! Berriz arte!
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
