Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan

Orain arteko ekarpenak

Cortes: San Migel 2020 Paloteadoa

2020/10/05

Aurtengo San Migel egunean ezin izan dute Cortesen jende aurrean paloteadoa aurkeztu, baina antzerki eszenak eta dantzak prestatu eta bideoan sareratu dituzte irudiak. Paloteadoan bertso zirikatzailez betetako elkarrizketak eszenaratzen dituzte artzainak (rabadana), artzain-buruak (mayorala), aingeruak eta deabruak, eta atal horren erakusgarri diren bertsoetako batzuk eta dantza irudiak jaso ditugu bideo honetan. Dantzariek goizean San Migelen aurrean eta arratsaldean ikusleen aurrean dantzatu ohi dute. Arratsaldean udaletxe aurreko plazako oholtzan aurkezten duten Paloteadoaren egitura honakoa da eta aurtengo bideoan ere antzekoa mantendu dute.

  • Artzain-buruaren agurra.
  • Artzain-buruaren eta artzainaren eszena, herriko kontakizunak, anekdotak, eztabaida inozenteak...
  • Deabruaren sarrera eta sermoia.
  • Aingeruaren agerpena eta ongia eta gaizkiaren arteko borroka, aingeruaren aurreikusitako garaipenarekin.
  • San Migelen ohorezko kortesia eta bertsoak.
  • Dantzen zikloa.
  • Artzain-buruaren agurra.

Dantzak bukaerako zatian egiten dira. Cortesko zikloa lau dantzek osatzen dute: bi makila-dantza (balsa eta jota) eta bi zinta-dantza (sentziloa eta bikoitza). Irudiak: Made4u Producciones Audio-visuales. San Migel, Paloteadoa, Cortes, 2020-09-29.

Paloteado osoa: Cortesko paloteadoa 2020

Gaur hasiko dira Ballet. T jardunaldiak Donostian

2020/10/05

Ballet. T Egunak antolatu dituzte Malandain Ballet Biarritzek eta Viktoria Eugenia Antzokiak urriaren 5etik 11ra. Balleta eta dantza ardatz dituen aste osoko egitaraua osatu dute aurten hirugarren aldiz. Thierry Malandainen balletak Viktoria Eugenia antzokian emango duen La Pastorale ikuskizuna...

Gehiago irakurri

Bizkaiko dantza taldeen oholtza bihurtu da Bilboko Euskal Museoa

2020/10/02

Bizkaiko hainbat dantza talderen emanaldiei lekua egin die Bilboko Euskal Museoak. Euskal dantzak izenburupean  dantza taldeak emanaldiak eskaintzen ari dira Euskal Museoko klaustroan iraileko eta urriko asteburuetan. Bizkaiko Dantzarien Biltzarrak osatu du dantza programa hau eta Beti Jai Alai...

Gehiago irakurri

Larrua: Otsoa

2020/10/02

Larrua proiektuaren Otsoa pieza ikusgai izango da urriaren 2an Elorrion, 24an Basaurin eta 30ean Zornotzan. Dantza eta antzerkia uztartzen ditu ikuskizunak. Mugimendu sozialetan indarrean dauden egitura piramidalei eginiko kritika da Otsoa. Pieza koreografikoak aktore baten figura erabiltzen du mugimendu horietako liderra irudikatzeko. Politikari, "Teletienda"-ko aurkezle edo "Gran Hermano" programako liderraren gisako papera hartuta dantzarien jarrera eta dantzari taldearen transformazioa gidatuko ditu. Dantzariek, gorputz hizkuntzaren bidez, barne gatazka horien erakutsiko dituzte. Koreografia: Jordi Vilaseca. Interpreteak: Begoña Martin, Jordi Vilaseca, Aritz Lopez, Helena Wilhelmsson, Maddi Muñoz. Testuak: Pedro Casas. Dramaturgia: Pedro Casas eta Jordi Vilaseca. Argiztapenaren diseinua: David Alkorta. Musika originala: Luis Miguel Cobo. Eszenografia: Enric Planas. Jantzigintza: Xabier Mujika. Ekoizpena: Aritz Lopez. Argazkiak: Asier Bastida. Bideoak: Beñat Fontaneda. Otsoa, Larrua proiektua, 2020-10-02.

Baditugu Arineketan diskoen zozketako irabazleak

2020/10/02

Arineketan bi disko oparitu dizkigute Jagoba Astiazaran eta Iñar Sastre musikariek Dantzan-en irakurleen artean banatzeko. Horretarako honako galdera luzatu dugu : Nork idatzi zuen XIX. mendearen lehen partean Gipuzkoako dantza gogoangarrien kondaira edo historia liburua? Askok asmatu ...

Gehiago irakurri

Amaia Elizaran, Organik, Invisible Beauty, Dantzaz, LaRutan eta Kukai izango dira Pasaiako dantza festibalean

2020/10/01

Aurreko urtean hasitako bideari jarraituz lau eguneko dantza festibala antolatu dute Pasaian. Amaia Elizaran, Organik, Invisible Beauty, Dantzaz, LaRutan eta Kukai konpainien ikuskizunekin osatu dute lau eguneko egitaraua. Urriaren 1etik 4ra Pasai Antxo eta Pasai Donibaneko kaleetan izango dira dan...

Gehiago irakurri

Andoni Mutiloa: Esnatu naiz

2020/09/30

Dantza, musika eta antzerkia uztartu ditu Andoni Mutiloak Esnatu naiz kabaretean. 2020ko urtarrilean bertsio laburra egin ostean, ordubete inguruko ikuskizuna osatu du Gipuzkoako Dantzagunean, eta gaur estreinatuko du Hernaniko Biterin. Londreseko Pink Flamingo aretoan ikuskizuna ematear dago Elur trans-artista. Bat-batean blokeatu eta bere bizitza kontatzen hasiko zaie ikusleei, Pello gipuzkoar baserritarren istorioa. Esnatu naiz, Andoni Mutiloa, Dantzagunea, 2020-09-25.

Galtxetaburu, dantza-jauziak plazetara itzuli zituen soinularia

2020/09/30

Soinularia, kantaria eta kontalari ona. Galtxetaburu zendu zela 30 urte bete diren honetan haren musika eta dantza-jauzien berpiztean izan zuen eragina gogora ekarri dute Irulegi Irratian . Beñat Galtxetabururen oroitzapen eta musikak berpiztu dituzte Jean-Christian Irigoien semeak eta Jean-Miche...

Gehiago irakurri

Ez festarik, ez dantzarik San Migel egunean

2020/09/29

San Migel egunez, irailaren 29an, eta urriko lehen asteburuko Errosarioko festarekin agurtzen ditugu uda garaiko festa eta dantza saioak. Aurtengo udan, festarik ezean, apenas izan dugu dantzarik gure herrietako jai egunetan. San Migel eguna egun seinalatua izan ohi da besteak beste, Iurretan, Cort...

Gehiago irakurri

Iurreta: Ez sanmigelak 2020

2020/09/29

Iurretan San Migel jairik ospatuko ez denez dantzariak ez dira irtengo plazara ohiko legez. Hala ere, egoera hobetzen denerako entseatzen jarraitzen dute. Azken entseguko arropak eta musukoak soinean dituztela dantzan ari direla grabatutako hainbat irudi argitaratu dituzte. San Migel bezperan Donien Atxa igo eta dantzariek azken entsegua egiten dute plazan mahoizko prakak dituztela soinean. Egun handian, berriz, zuriz plazaratzen dira dantzariak eta dantzari-dantza eta erregelak ematen dituzte eguerdian eta iluntzean. Irudiak: Iurretako dantza taldea. Ez sanmigelak 2020, Iurreta, 2020-09-28.

Orain arteko erantzunak

Dantzan on Dantza-kontuak Irulegi irratian

2019/11/07

Ez da ideia txarra. Ea gauzatzeko gai garen! Eskerrik asko Iker.

Dantzan on Zein da Madonnak Eurovisionen eskaini zuen euskal kanta?

2019/05/22

Halaxe da bai, Patxi eta Aitor, "Oihaneko Zuhainetan" da Madonnaren abesbatzeko monjeek hitzik gabe ematen duten kantaren doinua. Hemen hitzak, Jean Mixel Bedaxagarrek kantatu ohi dituen eran:

Oihaneko zuhainetan eder zuhainik gorena
Europako popülietan famatürik üskaldüna
Hura da zaharrena Kantabriaren semia
Lorius bere lurretan beti libre egon dena.

Leheneko üskaldüneri fama zaio baratü
Fidel zela herriari eta legetan argitü
Hura izan da gerlari, üsü odolak ixüri
Fidelitatian etxeki eta legia hareki.

Haritx piala bildürik üskal herri orotarik
Bakotxak bere botza emanik eta legia zen egin
Orai ezta legerik ez eta ere juntarik
Fidelitatia galdürik eta legia saldürik.

Dantzan on Barry Lyndon (1975): Goizeko ihintza dantzan

2019/04/24

Eskerrik asko zuzenketagatik Aitor! Bistan da oker jarri dugula.

Dantzan on Inauteriak 2019 oinarrizko egutegia

2019/01/22

Eskerrik asko ekarpenagatik!

Inork hitzordurik faltan botatzen badu, idatziguzue mesedez dantzari@dantzan.com helbidera informazioa eta argazkiren bat bidaliz eta gustora gehituko dugu inauteri egutegian.

Dantzan on Biarritz 1934 Euskal dantza jaialdia

2019/01/17

Durangaldeko dantzarien saioa xehe aztertuta honako argibide, zalantza eta xehetasunak aipatu dizkigu Durangaldeko dantzari batek:

"Durangaldekoak direnarekin guztiz seguru ere ez nago, baina pausukeragaitik oso gureak ikusten ditut. Bestalde Garaiko taldearen inguruan banderaren antzekotasuna (https://pbs.twimg.com/media/DjBgm-nXsAA0Rjo.jpg) eta 'eskas'etan hartzen duten kokapenak (https://www.youtube.com/watch?v=WCzNVC7mi78) kontuan hartuta kointzidentzia gehiegi iruditzen zait Garaikoak ez izatea.

Berriztarrekin, aldiz, zalantza asko ditut zeren haien bandera, antza gerra garaian desagertu zen, gainera 'Durangerriko banderak' liburuan aurkitu dudan argazkian beste kolore bat ikusten diot. Agian Izurtzako bandera izan daiteke? Izurtzakoena ere antza gerra garai inguruan desagertu zen. Honetan denean hobeto dakiena Jon Irazabal Agirre liburuaren autorea da egia esateko.

Pausoen xehetasunen inguruan lehenik, lehenago erakutsi zenuten bideo honekin konparatuz: https://dantzan.eus/[…]/berriz-dantzari-dantza-1923-1928. Alde ugari ikusten dizkiot. Hasteko Biarritzekoan askoz leku txikiagoan ikusten ditut (gaur egun egiten den bezala) eta bideo zaharragoan, bai eta hainbat argazki zaharretan askoz ere espazio zabalagoan daude kokaturik.

Hastean ezpatekin agurtzean Biarritzekoan bata bestea zapalduz dabiltzala esan daiteke. Orokorrean koordinazio gutxiagorekin edo egiten dute dantzan. Bandera eragitearena, aldiz, gaur egun guk jaso dugun bezala egiten dute: 3 buelta ezkerrera, 3 eskumara eta 3 ezkerrera musika doinua jarraituz. Aldiz, bandera eragitean ezpata bandereroaren makila dagoen lekuan uzten dute. Bestetik puntapioa jasotzean batzuetan ez dute guztiz jasotzen, Berrizko bideo zaharragoan aldiz bai. Eta 'buelta' ere batzuek gaur egundaino heldu zaigun 3 pausuetan egiten dute (berrizko bideo zaharragoan bezala) eta beste batzuek aldiz edonola.

Puntapio eta grabiletetan barietatea ikusten bada ere, nik dantza hauek errekuperatzen ibili zirenei beti entzun izan diet jende zaharrak beti puntapioa denbora bitan (lehenengo belauna altxatuta) eta grabiletea aurretik egiten zela ziotela.

Bestalde, 5:05 ean eta 5:41 eta 5:44 etan behean golpea jotzean saltorik ez egitea ere bitxia iruditu zait. Berrizkoek (https://www.youtube.com/watch?v=eSYw1--zlwM) ( 2:19 segundoan) antza bai egiten dutela horrela.

Azkenik, janzkera garai horretako argazkietan ageri dena da. Txalekoa, 'siemprebibie'... galduak. Ezpaten eta makilen luzera Durangaldean ohikoena izan den bezala ikusten ditut."

Dantzan on Oñati 2018 Eusko Ikaskuntzak 100 urte: aurreskua

2018/11/28

Eskerrik asko zure iruzkinagatik Patxi. Desafio gurutzatuari buruz Oñatikoek eman dezakete argibide gehiago, baina Oñatiko aurreskuan ohikoa den koreografia da hori, alegia, horrela egiten dela normalki, ez zen ezer berezirik egin agintariei begira. Kasualitatea izan zen agintariak parean egotea, ze teorian, hor ez, baizik eta sokan izan behar ziren.

Dantzan on Zarautz: San Pelaio 2018 Oilasko biltzea

2018/07/10

Eskerrik asko Xabier abisuagatik, despistea izan dugu. Aldatu dugu.

Dantzan on Dantzei buruzko aipu bat Belako zaldunaren bi eskuizkributan

2018/06/18

Xabier Itzainak Ekaitz Santaziliaren lan honen haritik sarrera bat egin du: https://dantzan.eus/kidea/itzaina/kanbo-1727

Dantzan on Altzürükü 1982 Urdiñarbeko maskaradak

2018/04/18

Marcel Bedaxagarrek bideoari buruzko honako oharra bidali digu: "1982ko maskaraden bideoan (Urdiñarbetarrak Altzürükün) Gabota emaiten düen dantzariak Altzürükütarrak dütük (ahatzerik nüan hori eman züela). Urdiñarbeko gatüzainak ez dik seküla bunet gorririk üken! interresgarriena dük zibilez ari den dantzaria Jakes Abehera (Jaragoyhen) dela, Xiberoko dantzari ejerrenetarik eta hoberenetarik izan dena!"
Dantzan

Dantzan

dantzan 2001. urtean sortu zen eta 2003tik dantzan.com dantza sustatu eta hedatzeko elkarteak kudeatzen du.


Babestu dantzan.com