Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan

Orain arteko ekarpenak

Egokituta eta murriztuta ospatuko da Euskal Herriko Dantza Agerketa

2020/09/14

Segurtasun neurriak bermatu ahal izateko formatua egokitu eta irailaren 19an 20:00etan Social Antzokian izango da XLVIII. Euskal Herriko Dantza Agerketa. Normalean asteburu osora zabaltzen da egitaraua, baina aurtengoan ez da erromeriarik zango ostiralean, ezta Basauriko taldeen emanaldirik ere iga...

Gehiago irakurri

Diasporaren aurreskua 2020

2020/09/11

Euskal Diasporaren Eguna ospatu da irailaren 8an eta egun horretako ospakizunen artean euskal diasporako hainbat dantzarik, birtualki bada ere elkartuta, soka osatu eta elkarrekin dantzatu dute aurreskua. Txistularia, aurreskua eta atzeskua Euskal Herritik, Ormaiztegitik aritu dira, eta sokan izan dira, banan-banangoa dantzatuz munduko toki hauetatik: Montevideo (Uruguai), Salt Lake City (Utah, AEB), Boise (Idaho, AEB), Buenos Aires (Argentina), Madril (Espainia), San Francisco (Kalifornia, AEB), Santiago (Txile), Basel (Suitza), Cañuelas (Argentina) eta Mar de Plata (Argentina). 

Ormaiztegitik koordinatu da 2020ko Euskal Diasporaren Eguneko ekitaldia, Zumalakarregi museoan XIX. mendeko euskal diasporarekin lotutako erakusketa baita bertan, eta Lehendakaria buru dela bertan bildutako agintari eta erakundeetako ordezkariek, Diasporaren soka-dantzaz gain Iparragirreren bizitzako pasarteak eszenaratu dituen antzerkia ikusteko aukera izan dute. 

Aurreskua eta atzeskuaren arteko desafioaren ondoren, soka-dantzan parte hartu duten guztiek banangoa dantzatu dute banan-banan. Diasporaren aurreskuan parte hartu duten dantzariak: Gari Otamendi eta Miren Hazas euskal dantzariak aritu dira Ormaiztegin, eta diasporatik Ainhoa Inthamoussu (Eusko Indarra-Haize Hegoa, Montevideo), Andoni Sangroniz Shortsleeve (Utah'ko Triskalariak, Utah), Ben Monasterio (Oinkari, Boise), Carolina Ale (Laurak Bat, Buenos Aires), Delia Peiro (Madrilgo Euskal Etxea), Jean Max Fawzi Goienetxe (Zazpiak Bat, BCC San Francisco), Maite Bastarrika Carrasco (Euzko Etxea, Santiago), Carolyn Van Lydegraf (Zenbat Gara, Reno/Basel), Victoria Rodriguez (Denak Bat, Cañuelas) eta Asier Hormaetxea (Beti Alai, Mar de Plata). Txistularia: Jose Migel Laskurain. Diasporaren aurreskua, 2020-09-08.

Hemen da Dantza Hirian, aire zabaleko dantza inoiz baino estimatuagoa den honetan

2020/09/11

Irailaren 11tik 27ra hamaika dantza konpainia arituko dira Irun, Hendaia, Errenteria, Donostia eta Hondarribiko kaleetan. Hamaika konpainia horietatik sei euskal koreografoenak dira eta gainerakoak Galizia, Madril eta Kataluniakoak. HQPC proiektu kolektiboa, Larrua proiektua, Full Time konpainia et...

Gehiago irakurri

30. Maitaldia ere dantzan ospatuko da

2020/09/10

Zailtasunak zailtasun 30. urteurrenean ez du hutsik egingo Maitaldia dantza jaialdiak. Nahiz eta udaberrian uste zen aurtengoan jaialdia ezin izango zela egin, testuinguru zail eta duda askoren artean Biarritz dantzaz alaituko da datozen egunetan. Irailaren 10etik 20ra programazio biribila ant...

Gehiago irakurri

Lastur: San Nikolas 2018 Aurreskua

2020/09/10

2018ko Lasturko jaietan herriko gazteek dantzatutako aurreskuaren hainbat zati ageri zaizkigu irudi hauetan. Iraileko San Nikolas jaietan dantzatu ohi dute Lasturren soka-dantza. Jaietan herriko plaza zezen plaza bilakatzen da eta bertan ateratzen dute soka dantzariek. Honako zatiak dantzatu zituzten duela bi urte: kalejira, aurreskuaren eta atzeskuaren agurra, desafioa, banangoa, fandangoa, arin-arina, fandangoa eta kalejira. 1980ko hamarkadaren ondorenean galdu zen Lasturren aurreskua dantzatzeko ohitura eta urte batzuk geroago berriro heldu zioten dantzari. Horretarako, inguruko herrietako hainbat ereduri erreparatu zieten gazteek. Irudiak: Eire Vila. Aurreskua, San Nikolas, Lastur, 2018-09-16.

Arrate 2020 Ezpata-dantza

2020/09/08

Urtero, irailaren 8an Arrateko Amaren dantzak eskaintzen dituzte Kezka dantza taldeak eta Usartza txistulari taldeak. Aurten ez da festarik Arraten, baina gutxienez ezpata-dantza aldez aurretik grabatu eta egun honetan Eibarren gaineko mendi inguruetan erromeria eta dantzak ohikoak izan direla gogoratu nahi izan dute. Txistulariak: Usartza Txistulari taldea; Dantzariak: Kezka dantza taldea; Violontxeloa: Quico Puges; Irudiak: Jose Antonio Roige, Idoia Lahidalga. Edizioa: Idoia Lahidalga. Kezka dantza taldea - Eibarko Klub Deportiboa eta Eibarko Udala. Arrateko ezpata-dantza, Eibar, 2020-09-08.

Bilbo: Begoñako Aurreskua 2020 Euskal Museoan

2020/09/07

1995etik Begoñako Amaren egunean, abuztuaren 15ean, aurreskua dantzatzen da Begoñako baselizaren atarian. 25 urte dira Beti Jai Alaik aurreskua dantzatzeko ohitura berreskuratu zuela Jon Pertikaren bultzadarekin. Aurtengoak urteurren biribila behar zuen eta seguru ahaztezina izango dela, baina ezin izan da dantzatu ohiko lekuan. Hala ere bilbotarrek ez dute hutsik egin eta Beti Jai Alaiko dantzariek aurreskua dantzatu dute Euskal Museoaren klaustroan. Publiko berezia izan dute dantzariek, Bilboko erraldoien begiradapean dantzatu baitute. Bideoan jaso dira aurreskuaren zati hauek: desafioa, abarketak, desafioa, agurra, andreei deitzeko soinua, banango zahar gurutzatua, biribilketa eta arin-arina. Irudiak: Beti Jai Alai. Begoñako aurreskua, Bilbo, 2020-08-15.

Asier Zabaleta: "Eszenan jaio eta hil egiten naiz"

2020/09/03

Asier Zabaletaren Ertza konpainiak Zehar ikuskizuna estreinatuko du irailaren 12an eta 13an Donostiako Gazteszenan. Hirurogei minutuko ikuskizunean bizitzako hainbat ikasgai edo esperientzia partekatu nahi ditu Zabaletak ikuslearekin. Proiektua bi argazki erakusketek eta ordu beteko bizitza labur...

Gehiago irakurri

Deba: San Roke 2020 ezpata-dantza

2020/09/03

Pandemia dela eta debarrek ezin izan diote izurri beltzetik babesteko egin zuten promesari urtero moduan eutsi. San Roke egunean, abuztuaren 16an, San Roke santua ateratzen dute Santa Maria elizatik eta dantzarien laguntzaz segizioan igotzen dute Santa Roke baselizara. Dantzariek ezpata-dantza dantzatzen dute prozesioan zehar. XVI. mendean herritarrek San Rokeren irudia urtero prozesioan aterako zutela zin egin zuten. Izan ere izurri beltza zela eta herriko ateak itxi eta Artzabal auzoa babesik gabe gelditu zen; merkatari eta erromesak bertatik igarotzen ziren. Auzotarrak kezkatuta eta beldurtuta gaixotasunetik babesteko santuari promes egin zioten. San Roke santu erromesa zen eta bere bidaietan izurritearen ondorioz gaixotutako herritarrak laguntzen zituen. Azkenean, bera ere kutsatu eta baso batera alde egin zuen bakarrik hiltzeko. Txakur bat ogia ematen hasi zitzaion eta halako batean jabea ohartu zen txakurra egunero norengana joaten zen. Horrela, bere etxean hartu eta sendatu egin zuen. Aurtengo pandemia dela eta ezin izan dute prozesiorik egin, baina Gure Kai dantza taldeko eta Kalez-kale txistulari taldeko kideek ezpata-dantza grabatu dute Santa Maria elizan eta bere klaustroan. Irudiak: Gure Kai. Ezpata-dantza, San Roke, Deba, 2020-08-16.

Leitza: San Tiburtzio 2020 ezpata-dantza

2020/09/02

San Tiburtzio egunez, abuztuaren 11n dantzatu ohi dute Leitzako Aurrera dantza taldeko kideek ezpata-dantza herriko plazan. Aurten, herrigunetik aldendu dira dantzari eta txistulariak eta bideo hau grabatu dute festetako egun handian argitaratzeko. Leitzako ezpata-dantzak Durangaldeako dantzari-dantzan du oinarria eta honako zatiak dantzatzen dituzte: saludoa, zortzikoa lekuan, zortzikoa, banangoa, binakoa, launakoa, makila-dantza, ezpata-dantza, txakarrankoa. Dantzariak: Alaitz Oiartzun Ugartemendia, Andoni Amadoz Azpiroz, Eneko Feo Miguela, Nahia Escudero Orbegozo, Nahia Barriola Hernandorena, Miel Olano Zabaleta, Ander Alduntzin Ibañez eta Ane Zabaleta Baños. Txistularik: Leire Retegi Fernandez, Eki Mateorena Zozaia, Jose Luis Uharte Azpiroz, Pilar Sagastibeltza Alduntzin eta Jose Mari Etxeberria Alduntzin). Grabaketa taldea: Andrea Kasares, Izar Ugartemendia, Manex Morena eta Iñaki Etxeberria. Ezpata-dantza, San Tiburtzio, Leitza, 2020-08-11.

 

 

 

 

Orain arteko erantzunak

Dantzan on Erromeria izango da ardatza Inpernuko Poza jardunaldian

2020/10/22

Euskal Herriko Trikitixa Elkartetik adierazi digute goizeko hitzaldia Aikok grabatuko duela eta aurrerago beraien plataforman eta sare sozialetan argitaratzeko asmoa dutela. Arratsaldeko mahai ingurua, berriz, Trikitixa Elkarteak grabatuko du artxiboan jasotzeko, ez da argitaratuko.

Dantzan on Aurreskua eta dantzari-dantza 1946

2020/10/21

Aitor Gorostiza: Oraindik ez dugu zehazki identifikatu Barakaldoko zein tokitan egiten duten dantza bideoan, baina Barakaldo dela, ziur: txistularia, Luis Torre, eta pasarte txiki batean, banangoaren eta makil dantzaren artean, Barakaldoko orduko alkatea ikusten da, Jose Maria Llaneza, ondoan Retuerto auzoko apaiza duela, aita Angel Castro. Aurreskuarena Gerardo Goiriena barakaldarra dela esan digute. Bestalde, Enkarterri deritzan dantzakera egiten dute dantzariek, ikusten denez.

Dantzan on Aurreskua eta dantzari-dantza 1946

2020/10/19

Mila esker aitor informazioagatik.

Dantzan on Dantza kinka larrian jarri du pandemiak

2020/09/29

Eskerrik asko zuen erantzunengatik! Zuen egoerak jaso eta plazaratu dituzuen gogoetetan oinarrituta "Dantzarako protokoloa" izenburua duen sarrera osatu dugu:
https://dantzan.eus/albisteak/dantzarako-protokoloa

Dantzan on Lantz: Inauteriak 1968-1969

2020/09/29

SABIN EGIGUREN APRAIZEN ERANTZUNA PATXI MONTERO JAUNARI

Aspaldi irakurri genuen Patxi Monterok Dantzan.eus atarian argitaratutako idatzia, eta bertan galdetzen zuen ea Sabin Egigurenek Lantzeko Zortzikoa dantzatzeko moduari buruzko argibiderik eman edo egin zezakeen.
Irakurri genuenetik, erantzutea pentsatu genuen, baina atzeratu egin gara bizi izan ditugun egoera batzuen ondorioz.
Ez dugu Patxi Montero ezagutzeko plazerrik.
Berak bere idazkian esaten digu:

«Bertan, Lantzeko zortzikoa dantzatzeko forma bat erakutsi zigun Egigurenek, Lantzeko Fermin Martikorena danbolinteroaren semearengandik jasotakoa»

Dantzan ikasiren bidez Gipuzkoan eman genuen ikastaro horretan, esan genuen Lantzeko Zortzikoaren aldaeretako bat ikasi genuela Fermin Martikorena txistulari eta Lantzeko Dantza-maisu zenaren seme batekin. Semea, Angel Mari Martikorena, duela gutxi zendua, dantzari bikaina zen eta aitaren eskola bera mantentzen zuen.
Baina inola ere, ez genuen esan irakasten ari ginena, iraganean Martikorena jaunarengandik jaso genituen irakaspenetatik zetorrenik.
Lantzeko Zortzikoaren beste lau aldaera ditugu, aparteko lau dantza-maisurengandik jasoak (Martikorena familiakoaz gain), eta horietako bat da Gipuzkoan irakatsi genuena.
Eta Patxi Montero jaunak honela jarraitzen du:

«Egigurenek aldarrikatu zuen horixe zela Lantzeko zortzikoa dantzatzeko modua.»

Guk ez genuen esan orduan irakasten ari ginena Lantzen dantza egiteko modua zenik. Izan ere, irakasten dugun aldaera hori, bakarra eta dantzatzeko zaila baita, eta oso polita ere bai. Baina bai esan genuen, hori zela bere aldaeretako bat Lantzeko Zortzikoa dantzatzen denean.
Gure Folkloreak urrats asko eta estilo ezberdinak ditu dantzetan. Estilo forma horiek dira bereganatzen ez direnak.
Lantzeko Zortzikoa dantzatzeko hainbat aldaera edo modu daude, zuzenak eta tradizionalak denak. Batzuk beste batzuk baino ikusgarritasun gutxiagokoak dira, eta badira beste batzuk Lantz bertan, aldaera deitu ezin zaienak, zeren eta, dantzatzen dutenek gaizki interpretatzen baitute ez dutelako erraztasun eta grazia hori beren Zortzikoa behar bezala dantzatzeko.
Zortziko honek Baztango Zortzikuaren nolabaiteko antza du, baina ezin da inola ere esan berdinak direnik. Bien artean ezberdintasun garrantzitsuak daude, eta euskal dantza-maisu onak berehala jakingo du horiek zein­tzuk diren.
Lantzeko Zortzikoa, dantzari onenak dantzatzen ikusiz ikasten zen. Horiek, ia beti, gizon zaharrenak izaten ziren, urteetan Zortzikoa ezagutu eta asteburuetan hiriko ostatuan praktikatzeko aukera izaten zutenak afaltzeko elkartzen zirenean edota Fermin Martikorena txistulari eta Dantza-maisuarengana joaten zirenak, lagun ziezaien.
Kontuan izan behar da Lantz eta Luzaiden, beste herri askotan bezala, ez zela inoiz dantza talderik izan.
Luzaiden, aitarekin edo beste senitartekoren batekin ikasten zen, baita dantzari onenak dantzan ikusiz ere.
Lantzen, inauterietan bere Zortzikoa dantzatzeko eskakizun bakarra, bertakoa izanik, mozorrotzea zen. Gaizki edo ondo dantzatzea mozorrotuaren edo Txatxoaren arazoa zen, eta da.
Duela urte batzuk, gure ezaguna den Lantzeko Maria Pilar Urriza andreak, Zortzikoa dantzatzen irakatsi zien gazteei. Emakume horrek, lan garrantzitsua eginez, Lantzeko gazteek euren Zortzikoa dantzatzeko moduak asko hobetzea lortu zuen, eta era berean, denek berdin dantzatzea ere bai. Lantzeko herrian inoiz eman ez den egoera bat. Eta, beharbada, urteak aurrera, Zortzikoan aldaera berririk ez agertzea eragingo duena.
Adineko dantzariek, oso ondo dantzatzen dute eta beraien artean inork ez du berdin dantzatzen. Horien seme-alabek, bere garaian, aipatutako irakaslearekin ikasi zuten dantzatzen, euren aiten eskolak jaso aurretik, nahiz eta hauek, hobeto eta aldaera politagoekin dantzatzen zuten.
Lantzek, bere Zortzikoaren aldaeren artean, pauso benetan ederrak ditu, eta beste batzuk ez hainbeste, baina denak dira baliozkoak eta tradizionalak.


Bestalde, eta zoritxarrez esan behar dugu, bai plaza zein agertokietan, Lantzeko Zortzikoa gehien dantza­tzen den euskal Dantza Tradizionaletako bat izanik, %98an gaizki dantzatzen dela. Hobeto esanda, oso txarto dantzatzen dela.
Eta gauza bera esan beharko genuke gure Baztango Zortzikuarekin.
Lantzeko Zortzikoa, Lantzetik kanpo, lanztarrak baino ez ditugu ikusi ondo dantzatzen.
Euskal dantza taldeetako zuzendariek ez al dute, bizitzan behin bada ere, Lantzeko Iyotia bere jatorrian ikusi behar, horrela, beren taldeek jendaurrean aurkezten dutena Euskal Kultura Tradizionalaren kaltetan doala konturatu ahal izateko?
Batzuk, beren ikuskizunetan aurkezten dituzten dantza erabat balletizatuak, euskal Dantza Tradizionalak direla diote. Zoritxarrez, errealitate hori, herri honen Kultura Tradizionaletik oso urrun dago. Urte asko dira honela gabiltzala, egoera zuzentzeko borondaterik ez dugula ikusten.


Jaime Albillos Arnaiz gure lagunaren filmari buruz ere hitz egingo dugu.
Lagunak izan gara duela berrogeita hamar bat urte, elkar ezagutu genuenetik.
Gure Kultura Tradizionalaren defentsan oso lotuta geunden, eta esan dezaket gure Folklorearen egoera eta galeragatik ere sufritzen hil zela.
Hil baino hilabete bat edo bi lehenago, Donostian elkarrekin geundela, eta medikuarenera laguntzen niola, zera esan zidan:

«Sabin nos están quitando hasta nuestra indumentaria para bailar».

Eta hori esaten zuen, zeren gure Dantza Tradizional gehienak, aspaldi kendu baitzizkiguten.
Hain zuzen ere, bion artean, gure euskal Dantza Tradizionalen benetakotasunaren aldeko Manifestu bat egin nahi genuen.
Patxi Monterok Jaime Albillosen filmazioak aurkezten digun dantza egiteko moduari buruz egiten dituen zehaztapenei dagokienez, esan behar diogu azterketa horretatik nekez atera daitekeela berak atera nahi duen ondorioa; izan ere, kontuan hartu behar da hasiera batean audiorik gabeko film baten aurrean gaudela, gainera, kasuren batean, Zortzikoaren hasiera moztuta dagoela eta denbora gehienean ez zaiela oinik ikusten dantzariei.
Halaber, kontuan hartzen badugu Maurixio Elizaldek Zortzikoa nahiko luzea jotzen zuela eta Jaime Albillosek erabiltzen zuen Kodak karreteak hiru minutu irauten zuela... argi dago Zortziko horrek iraun zezakeenetik oso gutxi ikusten dugula.
Horri guztiari gehitu behar diogu dantzari batzuen kalitatea eskasa dela, eta, beraz, pelikula hau aztertzerakoan, zailtasun handiak ditugula.
Lantzeko Zortzikoa bizirik eta oso bizirik dago Lantz herrian.
Eta, gainera, oso dantzari onak ditugu Lantzen, adinez oso aurreratuta eta oraindik bizirik daudenak, eta Patxi Monteroren galderari ederki erantzun diezaioketenak.
Lantzeko herritik buelta bat eman dezan da gure aholkua eta bere zalantza guztiak argituta aurkituko ditu.
Baina bai esango diogu, Lantzen inoiz ez dela dantzatu, eta inoiz ere ez esaten dugu, lehenengo Bueltak eta gero Luzia.
Bada denbora, Bizkaiko Leioako Udalak Lantzeko Zortzikoaz egindako bideo-tutorial baten harira, Dan­tzan.eus-en agertu zen artikulu bat zela eta, Nafarroa Garaiko Euskal Dantzarien Biltzarrak nire iritzia eskatu zida- la. Eta hau da esan niena:
Lantzeko dantza modu tradizionalak horrelakoak izan dira eta dira beti.


Lantzeko Zortzikoa:

Gaur egun Lantzeko Zortzikoa dantzatzeko bi doinu jotzen dira.
Hauei guk honela deitzen diegu:
1. Soinua eta 2. Soinua.
1. Soinua: guk Luzia deritzogun urratsa exekutatzen da eta bi aldiz egiten da, bere melodia bezala. Hala ere, lehenengoa, kasu honetan, dei gisa erabil daiteke, eta ez dantzatu, eta horrela, bere errepikapenean dantzan hasi.
2. Soinua: guk Bueltak deritzogun urratsa exekutatzen da eta bi aldiz egiten da bere melodia bezala.
Lantzek beste bi doinu ere bazituen aspalditik bertan jotzen ez direnak.
Bere partitura Dantzariak aldizkarian argitaratu genuen, 8. zenbakian, “Euskal Dantza Herrikoiaren Soinua” atalean.
Zati hori, esan bezala, gaur egun ez da Lantzen jotzen, eta bi zati ditu: 3. Soinua eta 4. Soinua deitu ditugunak.
Bi doinu hauek 1. Soinua eta 2. Soinua bezala dantzatzen dira, hurrenez hurren.
Melodien zati bakoitza eta dagozkien urratsak adieraziko ditugu. Horrela izango litzateke:
1. Soinua: Luzia, bi bueltekin.
2. Soinua: Bueltak, hiru bueltekin.
3. Soinua: Luzia, bi bueltekin.
4. Soinua: Bueltak, hiru bueltekin.
Lantzeko dantzaririk onenek, bai duela urte asko bizi izan zirenek eta bai oraingo onenek ere, beti erabil­tzen zituzten eta erabiltzen dituzte haien orpoak Luzia eta Bueltak egiteko.
Dantzari onenek, oro har, ez dute batere dantzatzen oin-puntekin, itzulietan izan ezik.
Eta besterik gabe, kasu honetan gure iritziak balio izatea espero dugu.

            
Bilbon, 2020ko irailaren 23an

                                                                                            Sabin Egiguren Apraiz

Dantzan on Jagoba Astiazaran: “Garrantzitsua da guretzat dantza taldeek jakitea material hau hor dagoela”

2020/09/18

Astebururako iragarrita zeuden kultur ekitaldiak bertan behera uzteko erabakia hartu du Zestoako Udalak herrian agertu diren hainbat kasu positibo direla eta. Beraz, Arineketan diskoaren aurkezpena atzeratu egingo da.

Dantzan on Biarritz 1948 Dantzak Eusko Ikaskuntzaren kongresuan

2020/04/01

Irudi hauek argitaratu genituenean Patxi Monterok ohartarazi gintuen bigarren aldiz atera genituela. Izan ere 2019ko martxoan atera genituen https://dantzan.eus/[…]/biarritz-1948-eusko-ikaskuntza-vii-kongresua. Ez ginen ohartu eta errepikatutako bideoan, Emilio Xabier Dueñasek abisatu digun moduan, irudien kalitatea hobea da, baina 3:22 minututik aurrerako irudiak horizontalki iraulita daude. Dantzariak alderantziz dabiltza, txistua eskumarekin jotzen ageri dira, normalki alderantziz jotzen dutenean , xirulari zuberotarrak ezkerrarekin, entseinariak ezkerrarekin darama bandera, puntu guztiak ezkerrarekin hasten dituzte, alborako mugimendu guztiak ezkerrera hasten dituzte...

Dantzan on Inauteriak 2020 oinarrizko egutegia

2020/01/23

Eskerrik asko! Ordutegiak edo informazio gehiago bidaltzerik bai dantzari@dantzan.com helbidera?

Dantzan on Ezpata-dantzarien alarde bat 1934an. Non da?

2020/01/10

Bai Xabier, mila esker! Beste zenbait irakurlek ere informazio interesgarria eskaini digu, hemen jasoko duguna:

- Pablo Izagirrek esan digunez "artikulu batean topatu dut, 1933ko ezpatadantzarien alarde oso handia egin zela Bilboko Ibayondo futbol-zelaian". https://dialnet.unirioja.es/servlet/articulo?codigo=157657

Informazio honekin osatu du Pablok kokapen aukera: "Nik arakatutakoaren arauera, Ibayondo (Ibaiondo) estadioa Getxoko udalerrian egotea da aukera fidagarriena, Areeta auzoan, Leioako udalerriko mugatik hurbil. Gaur egun desagertua dago futbol zelai hori. El Arenas futbol taldearen futbol zelaia izan zen urte horietan. Bitxia da, orduko artikulugileek Bilbon egin zela esatea, nahiz eta beste udalerria izan, kasu honetan Getxo. Oso ohikoa da arrain handiak arrain txikia jatea. Zein herri inportantea dago ondoan? Bilbo, ba Bilbon izan zela esatea. Atxikitutako argazkia, Areetako Ibaiondo estadiokoa da, eta antza handiak ditu filmazioko irudiekin: harmailak, zuhaitzak... Bestetik, sasoi horretan, 1930eko hamarkadan, Areeta ondo komunikaturik zegoen hainbeste lagun inguruko herrietatik hara hurbiltzeko ( Bilborekin, Erandiorekin, trenez; Ezkerraldearekin, itsasontziz, Portugaleteko Zubi Eskegiaz, itsasadarra zeharkatzeko... )

- Ignacio Elezcanok beste artikulu hau:
https://www.ehu.eus/[…]/18484

Eta Andoni Elezkanoren "Retratos de hierro y agua" lanean 70-71. orrialdeak begiratzea proposatu digu.
Dantzan

Dantzan

dantzan 2001. urtean sortu zen eta 2003tik dantzan.com dantza sustatu eta hedatzeko elkarteak kudeatzen du.


Babestu dantzan.com