Edukira salto egin | Salto egin nabigazioara

Tresna pertsonalak
Hemen zaude: Hasiera Komunitatea Dantzan

Orain arteko ekarpenak

Patxi Montero: “Plazako dantzak aberastea izan da nire helburua”

2020/06/15

Aldarrikapen edo errebeldia puntu batetik abiatu du Patxi Monterok Euskal Herriko plazetarako dantza berriak proiektua. Hala azaldu du Sortutakoak 8 deialdira aurkeztutako lana Gipuzkoako Dantzaguneako sortzaileen leihoan . Izan ere, sorkuntzarekin burura etortzen zaiguna gehienetan ikusgarria da,...

Gehiago irakurri

"Etxarrikoentzat hemezortzi urtez itxoiten zauden momentua da dantzakia"

2020/06/12

San Kiriko (ekainak 13) eta San Adrian (ekainak 16) egunetan dantzakia dantzatu ohi dute Etxarri Aranazko kintoek. Hemezortzi urte betetzen diren urtea berezia izan ohi da etxarriarrentzat eta aurtengoentzat zer esanik ez. Hemezortzi urte itxaroten egon eta pandemiak bete-betean harrapatu ditu kint...

Gehiago irakurri

Plazetarako dantza berrien proiektuaren berri emango du Patxi Monterok bihar Dantzaguneko leiho birtualean

2020/06/11

Patxi Montero dantza-maisuak (Irun, 1966) solasaldia eskainiko du ekainaren 12an, 11:00etan Gipuzkoako Dantzaguneko online gela n . Azken asteetan, ostiralero, sortzaileei tartea eskaintzen zaie beren proiektuak eta l an moldeak ezagutarazteko. Aste honetan Mon t erok Euskal Herriko...

Gehiago irakurri

Jamattitt Bidart dantza bultzatzailea hil da

2020/06/11

Jamattitt Bidart Kuxkurrio (Baigorri 1926-2020) dantzaria eta Arrola dantza taldeko sortzailea hil da 93 urterekin. Hamasei urte zituela hasi zen dantzan, 1942. urtean, Bigarren Mundu Gerra bete-betean. Gerrako presoentzako dirua ateratzeko jai batean parte hartzeko aitzakian bost bat mutiko elkar...

Gehiago irakurri

Altzürükü: Maskaradak 1979 barrikada

2020/06/10

Altzürüküko gazteek 1979an herrian bertan eman zituzten maskaradetako irudiak dituzue bideo honetan. Barrikada batean Eric Bouvierrek grabatutako irudiak dira. Maskaradako segizio osoa ikus dezakegu herri sarreran eta ondoren barrikadak haustea dantzan. Dantza saioa amaituta arizaleek hurrengo barrikadarako bidea hartzen dute. Xirularia Jean Mixel Bedaxagar da eta xorrotxetako bat Niko Etxart. Entseniariak Pierre Jaragoyhen eta Jakes Jaragoyhen; gatuzainak Benat Eppherre eta Dominika Jaury (Arhetx); kantiniersak Benat Queheille eta Battitta Queheille; zamaltzainak Dominika Eppherre eta Petti Jaury (Arhetx); entseniariak Jean Pierre Jaury (Arhetx) eta Marti Jaimes (Aguer).

Aurtengoan ere Altzürüküko gazteek eman dituzte maskaradak, orain lau hilabete hasi zituzten, baina pandemia dela eta emanaldi erdiak baino ezin izan dituzte egin. 1979an, berriz, inoiz baino maskarada gehiago izan ziren. Inauteri garaian Altzürükük eman zituen eta gero udan Barkoxeko gazteek. Irudiak: Eric Bouvier. Maskaradak, barrikada, Altzürükü, 1979.

Norbanako eta talde ez profesionalek euskal kultura nazioartean zabaltzeko diru-laguntzak atera ditu Etxepare Institutuak

2020/06/09

Zabalik dago euskal kultura nazioartean sustatu eta zabaltzeko bestelako jardueretarako diru-laguntza deialdia . Ekainaren 5etatik uztailaren 5era aurkeztu daitezke eskabideak Etxepare Institutuan. Etxepare Euskal Institutuaren ohiko deialdiek babesten ez dituzten jarduerei zuzentzen da deialdia. ...

Gehiago irakurri

Oñati: Korpus 2020 entsegua

2020/06/08

Kaskaineten burrunbak hausten du egunotan Oñatiko San Migel parrokiaren ohiko isiltasuna. Aurten ohiko Korpus festarik eta dantza astebururik izango ez bada ere, igandean elizan dantza egingo dute Oñatzeko dantzariek. Normalean hiru hilabetez Korpus dantzak prestatzeko entsegua bereziak egiten dituzte egun handiaren aurretik, baina aurtengoan ezinezkoa izanda eta ekainaren 1ean hasi dituzte prestaketak. Dantza taldearen entsegu lekua Eltzia eraikinean dago, baina martxoaren 13az geroztik itxita dago. Udalari eskaera egin ondoren, bertatik Korpus dantzak prestatzeko behar dituzten materialak eta arropak jasotzeko aukera izan dute dantzariek. Entsegu tokia itxita dagoenez udala eta parrokiarekin hitzartu eta parrokian ari dira entseatzen. Izan ere aurten prozesiorik ez da izango eta korpus dantzariek ez dute ohiko saiorik egingo, baina mezetan dantzatuko dute. Ez ohiko egoera honetan irizpide jakin batzuk erabili dituzte taldea osatzeko. Hamabost dantzari hasi dira entseatzen eta eta horietatik bederatzik dantzatuko dute igandean. Joan den hastean hasi zituzten parrokiko entseguak eta astean hiru egingo dituzte. Aurten egingo den dantza bakarra banangoa izango da. Elizkizun nagusian urtero moduan, konsagrazio garaian egingo da dantza eta hortaz gain, prozesioren amaieran herriko plazan egiten den bezala, elizkizunaren amaieran ere banangoa dantzatuko da. Irudiak: Maite Irizar: Korpus entsegua, Oñati, 2020-06-03.

 

 

Oñati: Korpus 2019 ostiraleko puska biltzea eta dantzak

2020/06/05

Aste honetan Korpus ospakizunaren datak badatoz ere, aurten ikusterik izango ez diren irudiak dira honako hauek. 2019ko Korpus jaietako puska biltzea, korpus-dantzak eta korpus-dantzariak Oñatiko unibertsitatean dantzan ageri zaizkigu irudi hauetan. Korpusetako ostiralean Oñatz dantza taldeko kideak, irudi hauetan ikus dezakegun moduan, baserriz baserri ibiltzen dira eskean kaskainetak joz. Hiru egun dantzan aritzen dira eta bideo honetan aurreko urteko lehenengo dantza saioak ikus ditzakegu, arku-dantzaren eta makila-dantzaren zatitxo batzuk. Oñatiko unibertsitatean jasotako dantzarien irudi ederrak ere ikus daitezke. Oñatiko unibertsitatean du egoitza Lege Soziologia Institutuak eta aurreko urtean Korpus ostiralean bukatu zuten ikasturtea. Ez da ohikoa eraikin horretan dantzatzea, baina ikasturteari amaiera biribila eman nahian dantzariei unibertsitateko ateak ireki zizkieten eta Oñatzeko kideek San Migel zortzikoa eskaini zuten. Irudiak: Maite Irizar. Korpus ostirala, 2019-06-21.

Oihane Vicente: "Norbera hobeto ezagutzeko espazioa eskaintzen du dantzak"

2020/06/04

Hamasei urterekin murgildu zen Oihane Vicente (Zumarraga, 1988) dantza munduan eta orain ez da egunik dantzatzen ez denik. Zumarragako ezpata-dantzan Antion dantzatu zuten lehenengo emakumeetakoa da Vicente. Euskal dantzan hasi eta beste hainbat dantza esparrutara ireki du gorputza.  Dantzaren i...

Gehiago irakurri

Garazi Azurmendi: “Andra Mari gure bigarren etxea da”

2020/06/02

Galdakaoko Andra Mari dantza taldeko dantzaria dugu Garazi Azurmendi (Igorre, 1985). Hamaika urterekin hasi zen dantzan eta ordutik ez da gelditu. Itxialdia deskantsu bat izan dela aitortu digu, eguneroko lanez gainezka arnas pixka bat hartzeko baliatu du, baina nahikoa izan dela dio; berriro dan...

Gehiago irakurri

Orain arteko erantzunak

Dantzan on Biarritz 1948 Dantzak Eusko Ikaskuntzaren kongresuan

2020/04/01

Irudi hauek argitaratu genituenean Patxi Monterok ohartarazi gintuen bigarren aldiz atera genituela. Izan ere 2019ko martxoan atera genituen https://dantzan.eus/[…]/biarritz-1948-eusko-ikaskuntza-vii-kongresua. Ez ginen ohartu eta errepikatutako bideoan, Emilio Xabier Dueñasek abisatu digun moduan, irudien kalitatea hobea da, baina 3:22 minututik aurrerako irudiak horizontalki iraulita daude. Dantzariak alderantziz dabiltza, txistua eskumarekin jotzen ageri dira, normalki alderantziz jotzen dutenean , xirulari zuberotarrak ezkerrarekin, entseinariak ezkerrarekin darama bandera, puntu guztiak ezkerrarekin hasten dituzte, alborako mugimendu guztiak ezkerrera hasten dituzte...

Dantzan on Inauteriak 2020 oinarrizko egutegia

2020/01/23

Eskerrik asko! Ordutegiak edo informazio gehiago bidaltzerik bai dantzari@dantzan.com helbidera?

Dantzan on Ezpata-dantzarien alarde bat 1934an. Non da?

2020/01/10

Bai Xabier, mila esker! Beste zenbait irakurlek ere informazio interesgarria eskaini digu, hemen jasoko duguna:

- Pablo Izagirrek esan digunez "artikulu batean topatu dut, 1933ko ezpatadantzarien alarde oso handia egin zela Bilboko Ibayondo futbol-zelaian". https://dialnet.unirioja.es/servlet/articulo?codigo=157657

Informazio honekin osatu du Pablok kokapen aukera: "Nik arakatutakoaren arauera, Ibayondo (Ibaiondo) estadioa Getxoko udalerrian egotea da aukera fidagarriena, Areeta auzoan, Leioako udalerriko mugatik hurbil. Gaur egun desagertua dago futbol zelai hori. El Arenas futbol taldearen futbol zelaia izan zen urte horietan. Bitxia da, orduko artikulugileek Bilbon egin zela esatea, nahiz eta beste udalerria izan, kasu honetan Getxo. Oso ohikoa da arrain handiak arrain txikia jatea. Zein herri inportantea dago ondoan? Bilbo, ba Bilbon izan zela esatea. Atxikitutako argazkia, Areetako Ibaiondo estadiokoa da, eta antza handiak ditu filmazioko irudiekin: harmailak, zuhaitzak... Bestetik, sasoi horretan, 1930eko hamarkadan, Areeta ondo komunikaturik zegoen hainbeste lagun inguruko herrietatik hara hurbiltzeko ( Bilborekin, Erandiorekin, trenez; Ezkerraldearekin, itsasontziz, Portugaleteko Zubi Eskegiaz, itsasadarra zeharkatzeko... )

- Ignacio Elezcanok beste artikulu hau:
https://www.ehu.eus/[…]/18484

Eta Andoni Elezkanoren "Retratos de hierro y agua" lanean 70-71. orrialdeak begiratzea proposatu digu.

Dantzan on Dantza-kontuak Irulegi irratian

2019/11/07

Ez da ideia txarra. Ea gauzatzeko gai garen! Eskerrik asko Iker.

Dantzan on Zein da Madonnak Eurovisionen eskaini zuen euskal kanta?

2019/05/22

Halaxe da bai, Patxi eta Aitor, "Oihaneko Zuhainetan" da Madonnaren abesbatzeko monjeek hitzik gabe ematen duten kantaren doinua. Hemen hitzak, Jean Mixel Bedaxagarrek kantatu ohi dituen eran:

Oihaneko zuhainetan eder zuhainik gorena
Europako popülietan famatürik üskaldüna
Hura da zaharrena Kantabriaren semia
Lorius bere lurretan beti libre egon dena.

Leheneko üskaldüneri fama zaio baratü
Fidel zela herriari eta legetan argitü
Hura izan da gerlari, üsü odolak ixüri
Fidelitatian etxeki eta legia hareki.

Haritx piala bildürik üskal herri orotarik
Bakotxak bere botza emanik eta legia zen egin
Orai ezta legerik ez eta ere juntarik
Fidelitatia galdürik eta legia saldürik.

Dantzan on Barry Lyndon (1975): Goizeko ihintza dantzan

2019/04/24

Eskerrik asko zuzenketagatik Aitor! Bistan da oker jarri dugula.

Dantzan on Inauteriak 2019 oinarrizko egutegia

2019/01/22

Eskerrik asko ekarpenagatik!

Inork hitzordurik faltan botatzen badu, idatziguzue mesedez dantzari@dantzan.com helbidera informazioa eta argazkiren bat bidaliz eta gustora gehituko dugu inauteri egutegian.

Dantzan on Biarritz 1934 Euskal dantza jaialdia

2019/01/17

Durangaldeko dantzarien saioa xehe aztertuta honako argibide, zalantza eta xehetasunak aipatu dizkigu Durangaldeko dantzari batek:

"Durangaldekoak direnarekin guztiz seguru ere ez nago, baina pausukeragaitik oso gureak ikusten ditut. Bestalde Garaiko taldearen inguruan banderaren antzekotasuna (https://pbs.twimg.com/media/DjBgm-nXsAA0Rjo.jpg) eta 'eskas'etan hartzen duten kokapenak (https://www.youtube.com/watch?v=WCzNVC7mi78) kontuan hartuta kointzidentzia gehiegi iruditzen zait Garaikoak ez izatea.

Berriztarrekin, aldiz, zalantza asko ditut zeren haien bandera, antza gerra garaian desagertu zen, gainera 'Durangerriko banderak' liburuan aurkitu dudan argazkian beste kolore bat ikusten diot. Agian Izurtzako bandera izan daiteke? Izurtzakoena ere antza gerra garai inguruan desagertu zen. Honetan denean hobeto dakiena Jon Irazabal Agirre liburuaren autorea da egia esateko.

Pausoen xehetasunen inguruan lehenik, lehenago erakutsi zenuten bideo honekin konparatuz: https://dantzan.eus/[…]/berriz-dantzari-dantza-1923-1928. Alde ugari ikusten dizkiot. Hasteko Biarritzekoan askoz leku txikiagoan ikusten ditut (gaur egun egiten den bezala) eta bideo zaharragoan, bai eta hainbat argazki zaharretan askoz ere espazio zabalagoan daude kokaturik.

Hastean ezpatekin agurtzean Biarritzekoan bata bestea zapalduz dabiltzala esan daiteke. Orokorrean koordinazio gutxiagorekin edo egiten dute dantzan. Bandera eragitearena, aldiz, gaur egun guk jaso dugun bezala egiten dute: 3 buelta ezkerrera, 3 eskumara eta 3 ezkerrera musika doinua jarraituz. Aldiz, bandera eragitean ezpata bandereroaren makila dagoen lekuan uzten dute. Bestetik puntapioa jasotzean batzuetan ez dute guztiz jasotzen, Berrizko bideo zaharragoan aldiz bai. Eta 'buelta' ere batzuek gaur egundaino heldu zaigun 3 pausuetan egiten dute (berrizko bideo zaharragoan bezala) eta beste batzuek aldiz edonola.

Puntapio eta grabiletetan barietatea ikusten bada ere, nik dantza hauek errekuperatzen ibili zirenei beti entzun izan diet jende zaharrak beti puntapioa denbora bitan (lehenengo belauna altxatuta) eta grabiletea aurretik egiten zela ziotela.

Bestalde, 5:05 ean eta 5:41 eta 5:44 etan behean golpea jotzean saltorik ez egitea ere bitxia iruditu zait. Berrizkoek (https://www.youtube.com/watch?v=eSYw1--zlwM) ( 2:19 segundoan) antza bai egiten dutela horrela.

Azkenik, janzkera garai horretako argazkietan ageri dena da. Txalekoa, 'siemprebibie'... galduak. Ezpaten eta makilen luzera Durangaldean ohikoena izan den bezala ikusten ditut."

Dantzan on Oñati 2018 Eusko Ikaskuntzak 100 urte: aurreskua

2018/11/28

Eskerrik asko zure iruzkinagatik Patxi. Desafio gurutzatuari buruz Oñatikoek eman dezakete argibide gehiago, baina Oñatiko aurreskuan ohikoa den koreografia da hori, alegia, horrela egiten dela normalki, ez zen ezer berezirik egin agintariei begira. Kasualitatea izan zen agintariak parean egotea, ze teorian, hor ez, baizik eta sokan izan behar ziren.
Dantzan

Dantzan

dantzan 2001. urtean sortu zen eta 2003tik dantzan.com dantza sustatu eta hedatzeko elkarteak kudeatzen du.


Babestu dantzan.com