2025eko maskaradak Altzai-Lakarriko gazteek emango dituzte

Ia hiru hamarkadaren ondoren Altzaiko eta Lakarriko gazteak maskaradak prestatzen ari dira; bi herrietako gazteek elkarrekin emango dituzte 2025eko maskaradak. Ia 40 gazte elkartu dira eta dagoeneko banatu dituzte karguak.

Dantzari kopuru polita osatu dute; bederatzi aitzindari ari dira prestaketekin eta lau marexal. Kukulleroak oraindik ez dituzte izendatu, baina gaztetxo andana dabil dantzan ikasten. Dantza irakasle lanetan Marilyn Rekalt eta Jean-Pierre Rekalt dabiltza.

Azkenekoz 1998an eman zituzten Altzai-Lakarriko gazteek maskaradak. Aurretik, baita 1991an, 1976an eta 1970ean ere. Urte horietan bi herrietako gazteak batuta antolatu zituzten, baina herri bakoitzak bere aldetik ere eman izan ditu. Altzaik 1952an, 1928an eta 1906an eta Lakarrik 1912an. Hala jaso dugu, Zuberoako maskaradak urtez urte artikulutik.

2025eko Altzai-Lakarriko maskaradetako karguak

Gorriak

• Txerreroa: Amaia Cazanave eta Gillen Alzazebe

• Gatuzaina: Ines Cazanave eta Mayalen Cazanave

• Kantiniersa: Katti Garikoitz, Mailis Garikoitz eta Jana Aranburu

• Zamaltzaina: Extebe Alçacebe

• Entseniaria: Gillen Aranburu

• Jauna: Allande Nabarra

• Anderea: Anaïs Errezarret

• Laboraria: Maiana Nabarra

• Laborarisa: Myriam Barkos

• Marexalak: Cécile Etxegoien, Laure Etxegoien, Lucas Borthelle eta Anje Axigar

Beltzak

• Xorrotxak: Marie Urruti eta Kattin Urruti

• Kherestuak: Marie Jauriberri eta Céline Xuburu

• Kauterak: Allande Jauriberri (Kabana), Yves Garikoitz (Pitxu), Vincent Etxegoien, Johaine Sarrailet, Peio Bizkaizaku

• Buhameak: Joël Garikoitz (Buhame jauna), Vincent Rekalt, Mathias Barkos, Benoit Barkos, Maia Bizkaizaku, Julie Xuburu

• Bedezia: Christelle Etxegoien, Julie Cassaing, Johañe Arhex eta Johañe Xuburu

Esan bezala, 1998an plazaratu zituzten azkenengoz maskaradak Lakarriko eta Altzaiko gazteek. Datorrengoen esperoan, hemen duzue entzungai urte hartarako prestatutako azken kantorea. Niko Etxart, Dominika Etxart eta Robert Larrandabururen ahotsean: