Orain arteko ekarpenak

DonostiaKulturak ekaina arte prestatutako programazioaren barruan, Aída Gómez, Dantzaz Konpainia, Alicia Soto, Belltdance Superstars eta Eifman Ballet konpainia eta taldeen ikuskizunak daude. Ia hilero izango da dantza ikuskizunen bat, eta denak ere Victoria Eugenia Antzokian izango dira.

Euskaljakintza HitzaPasa tematikoak sareratzen hasi da, egindako berrikuntzen barruan. Euskal Herriko dantzekin zerikusia duten terminoen deskripenak emanda, hitzak asmatzeko erroskoa prestatu du Oier Araolazak.

Ryan Woodward marrazkilari eta animazio-egile bikaina da. Besteak beste Warner Brothers, Sony Pictures, Disney, Marvel eta Dreamworks-entzat egin du lan. Ez da dantzaria, baina dantza garaikidea asko maite du eta gorputzaren adierazpen gaitasun harrigarria marrazkien mundura eramateko ahalegina egin du. Emaitza bikaina da!

Karrikan izeneko kale-ikuskizuna prestatzen ari da Kukai 2011 urterako. Hiru koreografo garaikide, Damian Muñoz, Iker Gomez eta Pantxika Telleria gonbidatu ditu ikuskizun horretarako pieza zuzentzera. Bestalde, Oreka TX-ek proposatuta, Hostoak ikuskizunean parte hartuko du. Bertan, musika eta kantuan ari diren bi talde arituko dira dantzariekin batera: Oreka TX eta Amaren Alabak.

Abenduko lehen egunetan ospatu da Fernán Gómez antzokian Madrileko lehiaketa koreografikoaren 24. ekitaldia. Lehen saria euskal dantzari batek, Noemi Vianak irabazi du. PI-20 lana aurkeztu zuen Vianak, eta epaimahaiaren sariaz gain, ikusleen, kritikaren eta partehartzaileen sariak eskuratu ditu.

Aurreikusitako egunean bertan behera geratu zen Manuel Delgadoren hitzaldia hegaldiaren arazo baten ondorioz, baina aste batzuk beranduagoa etorri da Iruñera eta Ortzadarren jardunaldiak itxi ditu bere hitzaldiarekin. Hiri koreografiak izan ditu mintzagai. Ortzadarreko kideek hitzaldi osoa sareratu dute bideoetan eta hemen duzue eskura.

Asisko Urmenetaren marrazkiekin, Nafarroako dantzari eta festagileen irudiz, kolorez margotzeko liburuska argitaratu du Duguna dantza taldeak. Otsagabiako dantzariak, Arizkungo sagar-dantzariak, Lesakako ezpata-dantzariak edo Luzaideko bolantak edo Jaurrietako neskak ageri dira bertan besteak beste.

"dA cAPO" Olatz de Andres-en sorkuntza, Artelekun ikusi ahal izango da abenduaren 18an, arratsaldeko 19:00etan. Feministaldia jardunaldien baitan aurkeztuko du Olatz de Andres-ek sorkuntza lan hau.

Datorren abenduaren 27tik 30era burutuko dira Erandion lehen Getxo-dantzan moduan ezagutzen ziren gabonetako nazioarteko dantza jardunaldiak. Stephane Boko, Clara Perez, Veronica Villar eta Ana Maria Lebrero dira aurtengo irakasle bereziak.

Datorren abenduaren 12an dantzaldi berezia burutuko da Pauen. Biarnoko eta Euskal Herriko dantzak dantzaldi berean elkartuko dira Paueko Clemenceau plazan. Qui vou viener? taldeak gidatuko du dantzaldia.