Hemen zaude: Hasiera Albisteak HitzaPasa dantza, euskal dantzari buruzko terminologia lantzeko

Dokumentuaren akzioak

HitzaPasa dantza, euskal dantzari buruzko terminologia lantzeko

2011/01/03 13:25
Euskaljakintza HitzaPasa tematikoak sareratzen hasi da, egindako berrikuntzen barruan. Euskal Herriko dantzekin zerikusia duten terminoen deskripenak emanda, hitzak asmatzeko erroskoa prestatu du Oier Araolazak.

Euskaljakintza ekimena Ordiziako Jakintza ikastolako Maite Goñi irakasleak sortu zuen hizkuntzen irakaskuntzan IKTak txertatzeko helburuarekin. Horretarako, blog batean biltzen ditu euskara lantzeko hainbat ariketa, DBHko ikasleekin batera, besteak beste, EGA azterketa prestatzeko.

Horien artean dago HitzaPasa jokoa. Britainiar telebistako The Alphabet game formatuan oinarrituta, egun egun Telecinco telebista kateak ematen duen Pasapalabra lehiaketan oinarritzen da. Definizio bat emanda eta denbora tartre jakin batean, alfabetuko letra bakoitzarekin hasitako hitzak asmatu eta dagoeneko ezagun bihurtu diren erroskoak osatu behar ditu parte-hartzaileak.

Orain arte guztitariko hitzekin osatutako jokoak zeuden Euskaljakintzaren blogean, baina joan den astetik aurrera gai batekin osa daitezke erroskoak. Gainera, edozeinek bidal ditzake hitzak eta definizioak formulario bat beteta, eta Euskaljakintza arduratzen da sareratzeaz. Oier Araolaza eibartarrak idatzi ditu Euskal Herriko dantzen inguruko terminoak eta jokoa prest dago sarean.

Dokumentuaren akzioak

2011/01/03 19:50

Zelako maila!! 12.000 puntu lehenengoan (1. urratsa). Akats bakarra eta 25 segundu soberan. Urrats guztiak gaindituz gero, zer? Dantzari titulua?

Ederra asmakizuna, eta didaktikoa. Eskerrik asko, Oier, Maite...!

Baina kontuz zer idazten duzuen: "aurreskua" akatsa da, "dulzaina" (t barik) akatsa da, atzo "LaKarra" (k-z) akatsa eman zidan... Segunduak soberan izanez gero, bigarren bueltan zuzendu behar.

Antton
2011/01/03 16:47

entretenimendu bikaina norbere autoestima jokoan jartzeko ere; bat huts egin det, baina hurrengorako badakit: tr...

Maite
2011/01/04 15:56

Kaixo, lagunak! Bai, kontuan izan erantzunak artikulurik gabe eman behar direla, hau da, hiztegietan azaltzen diren bezala. Bestalde, atzo arazotxo batzuk izan nituen erantzun bat baino gehiago zituen horiekin, baina uste dut lortu dudala konpontzea. Zoragarria da Oierrek prestatu duen Hitzapasa eta, badakizue, alor honetan gure jakintza hazten joan dadin lagundu nahi baduzue, sortu 2. edo 3. urratserako Hitzapasak (nik gustura moldatuko ditut Hitzapasa formatura eta gure txokoan zintzilikatuko, edonork egin ditzan)! ;-)

user
2011/01/04 12:15

Kaixo!

Ideia bikaina! Ez dakit, baina, titulua lortzeko larri ez ote nabilen:-P

-a artikulua idaztearei buruz, arauetan garbi dio ez dela idatzi behar: http://www.euskaljakintza.com/hitzapasa/hitzapasa-guztiak

Dultzaina, Hiztegi Batuak tz-rekin bakarrik onartzen du: http://www.euskaltzaindia.net/hiztegibatua/

Niri atzo, Lacarra/Lakarra idatzita, errorea eman zidan, baina gaur biak onartu dizkit.

(-a artikuluari/organikoari buruz zalantza duenak bideo hau ikus dezake: http://www.youtube.com/watch?v=XOgKNnkIOHg)

Erantzun

Erantzuna emateko identifikatu egin behar zara, gure webgunean erabiltzaile bat sortuz.