Orain arteko ekarpenak

Bilboko Udalak, Bizkaiko Dantzarien Biltzarra eta Bilboko dantza taldeen artean antolatuta, Dantza Plazetan 2014 egitarauak, 50 dantza emanaldi eta erromeria eskainiko ditu Bilbon. Bihotz Alai, Mikeldi, Goiko Alde, Ondalan, Salbatzaile, Gaztedi, Beti Jai Alai eta Ibai Arte dantza taldeak, eta Bizkaiko Dantzarien Biltzarra bera arduratuko dira erromeria eta dantza saioak eskaintzeaz. Hona Dantza Plazetan Bilbon 2014 egitarau osoa:

2013ko irailean CND edo Espainiako Dantza Konpainia Nazionalean sartu da Aitor Arrieta dantzari errenteriarra. Jon Maya eta Maite Egiguren-ekin ikasten aritu ondoren, Donostian Thalia akademian jarraitu zuen prestatzen, Ereintza dantza taldean eta aurresku eta dantza solte txapelketetan aritzen zen bitartean. Madrilen, konserbatorioan ikasten ari zen, baina ikasketak bukatu aurretik hartu dute Jose Carlos Martinez-ek gidatzen duen konpainian. Abenduan Donostian aritu da dantza CNDkin.

Dagoeneko hilabete batzuk zeramatzan lanean, baina egunotan egin da DantzaBiz, Bizkaiko Dantza Etxearen aurkezpen formala. Lehen hilabete hauetan antolatutako ikastaro eta ekimenez gain, "Eskolak Dantzara" eta "Eskolara Dantza" programen berri eman dute aurkezpen honetan. Umeak dantzaren mundura hurbiltzea da bi programa hauen helburua.

Lan berriaren prestaketa lanetan dabil Aukeran dantza konpainia. Geltokia izeneko ikuskizuna Donostian, Victoria Eugenia antzokian estreinatuko da martxoaren 13an. Edu Muruamendiarazen zuzendaritzapean, Enrique Santiago arduratzen ari da eszenaratzeaz eta Xabi Zeberiok dihardu musika prestatzen.

Nafarroan hainbat herritan urtarrilean ospatzen dira inauteriak, eta horrela, Elgorriaga, Eratsune eta Aniz-en asteburu honetan ospatuko dituzte, eta hurrengo asteburuan Leitzan, Berroetan eta Sunbillan izango dira festak. Urtarrileko azken asteburuan ospatzen dira baita ere Ituren eta Zubietako inauteriak. Beraz, joaldun eta mozorroen egun handiak, astelehen eta asteartean, urtarrilaren 27 eta 28an izango dira 2014an.

Hona St. John's, Newfoundland and Labrador-en, alegia, San Juan de Terranovan, edo euskaraz, Ternuan, ospatu berri den Mummers jaialdiaren zenbait argazki. Inauteriak dirudite eta eguberrien inguruan ospatzen dira. Mozorro, mamorro eta mamuxorroen familiakoak dirudite, mozorrotuta kalez-kale eta etxez-etxe egiten baitute eskea eta festa, eta hobby horse edo zaldikoren bat beti inguruan izaten dute.

Dantza Asteburua antolatu du Aiko Taldeak, datorren otsailaren 15 eta 16rako, Areatzan, Arratian. Jota ardatz hartuta, jotaren fundamentuak jorratu, edo horietatik abiatuta apaindurak eta inprobisazioak lantzeko aukera izango da.

Salamancakoa, Peñapardakoa da Gregoria Benito, edo denek ezagutzen duten moduan, Tia Gora. Urtarrilaren 4an 109 urte bete ditu, eta bizirik ditu berarekin El Rebollar-eko parla (Salamancako hego-mendebaldean eta Caceresen iparraldean hitz egiten den dialektoa), eta pandero karratua jo eta haren erritmora kantatzeko ohitura.

Irailaren 29an, San Migel egunez, Cortes-en ospatzen den paloteadoaren inguruko 32 minutuko dokumentala burutu du Caro Baroja Museoak. "El Paloteado de Cortes" du izenburua lanak, eta antzerkia, bertso errezitatuak eta dantza biltzen dituen ikuskizun eszeniko tradizional honen berri ematen du.

Dantza garaikideko lehiaketa entzutetsuaren sari nagusia eskuratu du Olatz de Andres euskal dantzariak Madrilen. Privolva Landing lanarekin eskuratu du saria. Aurretik sortutako Privolva-ren eboluzio bat da Privolva Landing. Zientzia fikzio filosofikoaren imaginarioan oinarritzen den lan honetan etorkizunari buruzko galderak daude abiapuntuan.