Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Aitor Arrieta, Espainiako Dantza Konpainian ari den dantzari errenteriarra

Dokumentuaren akzioak

Aitor Arrieta, Espainiako Dantza Konpainian ari den dantzari errenteriarra

2014/01/23 10:45
2013ko irailean CND edo Espainiako Dantza Konpainia Nazionalean sartu da Aitor Arrieta dantzari errenteriarra. Jon Maya eta Maite Egiguren-ekin ikasten aritu ondoren, Donostian Thalia akademian jarraitu zuen prestatzen, Ereintza dantza taldean eta aurresku eta dantza solte txapelketetan aritzen zen bitartean. Madrilen, konserbatorioan ikasten ari zen, baina ikasketak bukatu aurretik hartu dute Jose Carlos Martinez-ek gidatzen duen konpainian. Abenduan Donostian aritu da dantza CNDkin.

Dantza klasikoa maite du bereziki Aitor Arrietak, baina euskal dantzan ere pozik aritzen da, eta 2012an Kukai dantza konpainiarekin Hostoak ikuskizunaren zenbait emanalditan parte hartu zuen. Urtebete lehenago, 2011an, Pasaiko aurresku txapelketa irabazia zuen, eta 2013an berriz, Biarritzeko nazioarteko bikote lehiaketa eskuratu du. 

Euskadi Irratian, 2013ko abenduaren 30ean, Arantxa Iturbek egindako elkarrizketa entzun daiteke hemen: