Irailaren 6tik 15era ospatuko da 2013ko Maitaldia Biarritzen. Malandain Ballet Biarritz etxeko konpainia, Preljocaj Balleta, Dantzaz, Olivier Dubois, Victor Ullate, Nuremberg-eko balleta, eta beste hainbat dantza proposamen erakargarri dantzaz maitemintzeko hamar egunetan. Hona hemen Maitaldian ikusi ahal izango diren dantza lanen aurrerapen moduan bost bideo ikusgarri:

Bihar, uztailaren 24an abiatu eta uztailaren 28ra bitartean ospatuko da Eraiki dantza taldeak antolatutako Bidasoaldeko Nazioarteko Gazteen 17. Folklore Jaialdia. Bulgaria, Errusai eta Taiwan izango dira aurtengo talde gonbidatuak, eta emanaldiak Irunen, Hondarribian eta Beran eskainiko dira.

2014ko ekainaren 7an eta 15ean Kabalkada zintzarrotsak ospatuko dituzte Urruñan. Hazia eta Berttoli elkarteak abiatu dute ekimena, eta 200 partaide inguru ari dira prestaketa lanetan: dantzariak, kantariak, musikariak, aktoreak, jantzigileak, e.a. Antolatzaile talde horrek berak honako aurkezpen bideoa prestatu du Kanalduderen laguntzarekin.

Galdakaoko Andra Mari dantzari taldeak antolatzen duen 2013ko Folklore Bizian jaialdian Kuba eta Swazilandiako talde bana izango dira gonbidatuak. Uztailaren 23tik 28ra ospatuko da jaialdia, eta Galdakaoz gain Arrigorriagan, Usansolon, Gernikan eta Sopelan izango dira jaialdiak.

Turkia, Kalmikia, Kanada, Benin, Peru, Galizia eta Euskal Herria iragarri ditu Elai Alai taldeak Portugaleteko 39. Folklore Jaialdirako. Uztailaren 21ean burutuko da Munduko Dantzak ekitaldia, 24an izango da inaugurazio ekitaldia eta 27a bitartean nazioarteko folklorearen biltoki bihurtuko da Portugalete. Leku aldaketa izango da aurtengo jaialdian, La Canilla paseoan egingo baitira jaialdiak.

Pasa den maiatzaren 10ean, Gipuzkoako Dantzagunearen ekimenez I. Dantza Jardunaldiak ospatu ziren Donostian, San Telmo museoan. Bertan esandakoen berri ematen joan gara dantzan.com-en, eta behin ekarpen guztiak argitaratuta, programaren tankeran, hitzaldi eta mahai-inguru guztietara sarbidea eskaintzen dugu hemen.

Dantza tradizionala ikuspuntu garaikidetik lantzen aitzindaria izan zen Joan Serra. Factoria Mascaro dantza tradizionaleko konpainia profesionaleko zuzendaria eta dantza tradizionala unibertsitatean irakasteko bidea ireki zuena izan da besteak beste Joan Serra. 66 urterekin hil da dantzaz pasioz bizi, eta dantza tradizionala maitasunez transmititu duen gizona. Dantza tradizionala, dantzaren pedagogia eta gorputzaren lengoian aditua izan da Joan Serra.

Gipuzkoako Dantzaguneak antolatuta Donostian, San Telmo museoan burututako Dantza Jardunaldian, dantzaren iraunkortasunaren inguruan eztabaida burutu zen arratsaldez. Programatzaileak, interpreteak, kritikoak, ekoizleak eta baita ikusleak izan ziren bertan, beraien ikuspuntua eskainiz. Hona bertan esandakoak:

Dantzaren iraunkortasuna ziurtatzeko nazioartekotzea lagungarri gerta daitekeela azaldu zuen Toni Gonzalez-ek I. Dantza Jardunaldian. Internazionalizazio proiektuetan aditua da Gonzalez, eta antzerki eta dantza proiektuak nazioartera zabaltzen laguntzeko ikastaroa eskaini zuen Donostian, Dantza Jardunaldia burutu zen astean bertan. Hona hemen Gipuzkoako Dantzaguneak antolatutako ekitaldian Gonzalez-ek egindako hitzak:

Euskal dantza tradizionalari buruzko ikasketetaz aritu zen Oier Araolaza Gipuzkoako Dantzaguneak antolatutako I. Dantza Jardunaldian. Euskal dantza tradizionalean ikasketa formalik egiteko aukerarik ez dagoela azaleratu zuen dantzan.com-eko kideak. Hona hemen 2013ko maiatzaren 10ean, Donostian, San Telmo museoan burututako dantza jardunaldietan Araolazak eskainitako hitzak: