Dokumentuaren akzioak
Dantzan.com-eko RSS konbinatua
Ukatu zitzaien espazioa dantzan hartu dute Aretxabaletako emakumeek
1967-1987 urteen bitartean jaiotako 60-bat emakume kinto jantzi dira zegokien momentuan ospatu ezin izan zuten eguna izateko. “Gure iraultza ere dantzan egin genezake” pentsatu zutela azaldu digu Mirari Irurek (1977); Aurten gu be kintta! ekimenaren abiapuntua Emma Goldmanen (1869) istori...
San Blaseko soka-dantzarekin esnatu da hartza, heldu da inauteria
Otsail hastapeneko egunak egun iragarleak dira: Kandelario, San Blas, Santa Ageda... Argia eta udaberria berehala etorriko ote diren edo ez ebazten da egun horietan. Aurtengoan berriz ere hartza atera dugu karrikara gure soka-dantzaren aitzinean iragarpena egin diezagun. Bere lozorrotik bixi ernatu...
Iñigo Manuel, Garazi Uriguen eta Jone Olaizola: «Talde honetan guztiok gara dantzariak baino zerbait gehiago»
Algara dantza taldearen 25. urteurrena ospatzen aritu dira buru-belarri, eta otsailaren 21ean egin zuten azken ospakizuna. Handik hiru egunera, baina, Baskoniaren garaipenaren «oparia» iritsi zen: ospakizunetan parte hartu zuten, dantzari gisa.
El teatro y la danza llaman a la reflexión en dFeria
Las compañías locales presentan sus propuestas, marcadas por la crítica social.
dFeria, galderen legatua agertokian
Etzi hasiko da dFeria Donostiako Arte Eszenikoen Feriaren 32. aldia. Euskal Herriko hainbat konpainiak beren obrak aurkeztuko dituzte asteazkenera bitartean, dantza eta antzerki emanaldiak, nagusiki.
Larunbateko Tantirudantza jaialdiarekin abiatuko da Lesakan Ernatu udaberriko dantza zikloa
Tantirumairu Euskal Folklore taldeak antolatutako Tantirudantza jaialdia martxoaren 14an eginen dute Lesakan. Oiartzungo Haurtzaro, Tolosako Udaberri eta Astigarragako Astigar taldeetako dantzari ttikiak karrikaz karrika ibiliko dira, larunbatean 11:00etan hasita. Eguerdi aldera Zubigainekoa dantzatuko dute Tantirumairuko dantzari ttikiek. Gero, denak batera, emanaldia plazan. Bazkalondoan, 16:30ean, Gora kopak haurrentzako ikuskizuna izanen dute plazan.
Beti Jai Alai Bizkaiko emakume hautetsien X. ezohiko batzarrean
Aurten, martxoaren 8ko ospakizuna dela eta, Gernikako Juntetxeak, Eudelekin eta Emakunderekin batera, Bizkaiko Emakume Hautetsien Ezohiko Batzarra antolatu duen hamargarren edizioa izan da. Asanblada honetan, sentsibilitate politiko guztietako emakumeek bat egin dute gizarte berdinzaleagoa eskatzek...
Gazteen aurresku txapelketa jokatuko da igande honetan Biterin, 25 dantzarirekin
Gipuzkoako Aurresku Ligako laugarren jardunaldia izango da jokoan, goizeko 11:00etatik aurrera. Doakoa izango da sarrera.
Dantzerti: Egin bedi zure nah-ia
Noiz: 2026/03/18 19:30Non: Errenteria, Niessen Kulturgunea
Asier Zabaletaren zuzendaritzapean eta koreografiarekin, laugarren mailako ikasleek obra hau estreinatuko dute adimen artifizialak gizartean duen rolari buruzko hausnarketa kritikoa egiteko. Dantza ikuskizun honetan, IA-k gure bizitzetan duen eraginaz hitz egingo dute, eta haien askatasuna zenbateraino murrizten duen aztertuko dutu. Zeintzuk dira IAren benetako helburuak, baldin eta existitzen badira? Gure egunerokotasunean laguntzea ala algoritmoen bidez bizitza honetan gure erabakiak bideratzea? Fitxa Artistikoa:
UpArte: Sísifos
Noiz: 2026/03/18 20:30Non: Donostia, Victoria Eugenia Antzokia
*2026ko dFERIA jaialdiaren barne. Sísifos UpArte konpainiaren zirku-ikuskizun garaikide bat da. Bertan, lehen mailako hamalau akrobatak giza ahaleginen hutsalkeria esploratzen dute. UpArte Murtziako konpainiaren obrarik handinahiena laugarrena da. Sísiforen mitoan eta Albert Camusek haren gainean egindako berrinterpretazioan inspiratuta, lanak islatzen du topatzen ditugun harresiekin, fisiko nahiz sinbolikoekin, dugun ezinbesteko talka. Izatearen zentzuaren —edo zentzugabekeriaren— metafora bat, hizkuntza nagusi modura zirku garaikidearen poesia bisuala eta teknika konplexu nahiz arriskatua dituena. UpArte 2012an sortutako zirku-konpainia garaikide bat da. Hasieratik, nabarmendu egin da ikuskizunetan maila handiko trebetasun akrobatikoak eta ikuspegi garaikide eta estetikoa uztartzeagatik. Ibilbidean zehar, Espainiako zirku garaikidearen alorreko konpainia emergente interesgarrienetako bat izatea erdietsi du. Konpainiaren lanetan emanaldien zehaztasuna nahiz konplexutasuna nabarmentzen dira; proposamen minimalistak dituzte ezaugarri beti, hanpatutako jantzi edo dekoraturik gabe. Fitxa artistikoa:
Sita Ostheimer + Álvaro Murillo: Pulse
Noiz: 2026/03/17 09:30Non: Donostia, Victoria Eugenia Antzokia
*2026ko dFERIA jaialdiaren barne. Pulse lanak aztertzen du zer lotura dauden Álvaro Murilloren jatorrizko flamenkoaren eta Sita Ostheimer artistaren mugimenduzko adierazpen-hizkuntzaren artean; horrez gain, ikusleak gonbidatzen ditu interpretatzaileekin partekatutako bidaia emozional batera. Erritmoa eta adierazpena korapilatzen dira bidaia honetan, non tradizioak eta modernotasunak fisikotasunaren sakontasun eta atabismoan bat egiten duten. Sentsualtasunak, pisuak, soinuak eta erritmoak hartzen dute gunea, eta dantzariek, bitartean, benetakoa eta tazitua transmititzen dituzte: bi gorputz harrapatuta tentsio, askapen eta eraldaketaren etengabeko zikloan. Pulse bizitzaren bitasunen esplorazio bat da: lurrekoa eta etereoa, tradizionala eta modernoa, sinplea eta konplexua. Fitxa artistikoa: Bi pase: 9:30 eta 16:30
Àngel Duran: Monument
Noiz: 2026/03/16 11:00Non: Donostia, Gazteszena
*2026ko dFERIA jaialdiaren barne. Hamaika sari erdietsitako Àngel Duran konpainiak Monument aurkezten du, gorputz boskote bat gaztetasunaren, errebeldiaren eta azpikulturen oroimenerako bidaia batean. Monument gaztetasunaren oroimenerako bidaia da, errebeldia horren lekukotasun gisa eraikitako monumentua, bai eta azpikulturen ondarearen ordaina ere. Gorputz-hizkuntzen aniztasunaren bitartez, Monument lanean gorputz-boskote bat agertzen da. Gorputzak korapilatu egiten dira berotasun iragankorraren bidezko matxinada kolektiboaren agente gisa, zeina, egindakoan, desegin egiten baita. Fitxa artistikoa:
Begoña Quiñones + Verónica Garzón: Fleeting Matters
Noiz: 2026/03/16 09:30Non: Donostia, Victoria Eugenia Antzokia
*2026ko dFERIA jaialdiaren barne. Hau ez da musika, pultsu kolektiboa baizik. Fleeting Matters materien anestesien kontrako koreografia bat da; hain zuzen, desagertzear daudenean eta arrastoa uzten dutenean baino existitzen ez diren ihesari emandako materien anestesien kontrako koreografia. "Gorputza denbora-instrumentu bat da, betierekoa denaren eta efimeroa denaren arteko bibrazio iheskorra. Fitxa artistikoa: Bi pase: 9:30 eta 16:30
Hau ez da dantza, erne dauden gorputzak baizik.
Hau ez da entretenimendua, soinudun erresistentzia baizik.
Erritmoa gara, eta erritmoak dantzarazi egiten gaitu ezdeusaren eta osotasunaren artean, garenaren eta
oraindik izatera iritsi ez garenaren artean". Gutunak poeta gazte bati, Rainer Maria Rilke.
Alberto Velasco: La Jácara de los cuerpos imposibles
Noiz: 2026/03/16 18:30Non: Donostia, Donostiako Principal Antzokia
*2026ko dFERIA jaialdiaren barne. La Jácara de los cuerpos imposibles bertso, dantza eta poesia birtualezko kabaret sikaliptikoa da, Alberto Velascok zuzendutakoa. La Jácara de los cuerpos imposibles Espainiako Urrezko Mendeko genero-performatibitateaz mintzatzen da; iraganaren eta etorkizunaren arteko zubi bat da. Emozioak eta gorputzak lotzen ditu; haien gainean noizbait esan zuten ezinezkoak zirela, ez zirela existitzen, animalia mitologikoak zirela, eta, halere, zure aurrean daude gaur. Arnasten dute. Dantzatzen dira. Askeak dira. Ikuskizunak bertsotan goraipatzen du aniztasuna, eta arauaren itzalak distirarazten ditu. «Ez dira beti harenak izan behar istorioa eta luma» (Lope de Vega). Jácara Espainiako Urrezko Mendeko komedien ekitaldiartean antzezten ziren genero satirikoetako bat zen, eta oso hedatua zegoen. Pertsonaiak gaizkileak, pikaroak, txuloak, harroputzak eta hanparen munduko jendea izaten ziren. Jatorriz, jácara ez zen genero dramatikoa zentzu hertsian, baizik eta poesia kantatua eta, batzuetan, dantzatua; mundu guztiak ezagutzen zituen, eta oso errotuak zeuden herritarren artean. Dantzaldia hasi aurretik, ikusleek jácara! oihukatuz eskatzen zuten antzerki-jaiaren jarraipena. Fitxa artistikoa:
Uppercut Danseteater: Samba
Noiz: 2026/03/11 13:35
*2026ko dFERIA jaialdiaren barne. Uppercut Danseteater daniarraren Samba lanak hasiera ematen dio What Was Must Die trilogiari, eta gonbidatzen gaitu fantasia gorri batera. Bertan, sambako harea bihurtzen da jairako, sekretuetarako eta tentsio komunitarioetarako esparru. Sutsua eta sentsoriala, lanak zuzeneko musika, maskarak eta gorputz-hizkuntza zuzena nahasten ditu gure artean gertatzen den guztia aztertzeko: gaizki-ulertuak, tentazioak, orekak eta konplizitateak. Fitxa artistikoa:
Osa + Mujika: Tupper
Noiz: 2026/03/15 10:00Non: Donostia, Gazteszena
*2026ko dFERIA jaialdiaren barne. Osa + Mujika konpainiaren sorkuntza berria da Tupper: "Bultzatzen gaituen perfekzioarekiko eta lehiakortasunarekiko obsesioaz hitz egiten du piezak. Perfekzioa, atzetik segika dugun obsesioa, ukiezina, beti gure saiakera oro baino pauso bat harago dagoen hori. Saiatuko naiz. Behin eta berriz. Baina albokoa ni baino perfektuagoa denean: lehia. Bizitza honen funtsa. Etengabe besteak gainditzera eta onena, perfektuena izatera garamatzan indarra. Bidean, ordea, erotu egingo gara, beti topatuko baitugu gu baino zuzenagoa, osoagoa eta gaindiezinagoa den norbait".
Danish Dance Theatre: Bloody Moon by Marina Mascarell
Noiz: 2026/03/11 12:15
*2026ko dFERIA jaialdiaren barne. Bloody Moon kolorez betetako bizitzaren ospakizun bat da; dantza basatiko ikuskizun bat, atsegina eta kementsua, umorez nahiz sentsualtasunez betea. Inspiratuta dago Georges Bataille pentsalari frantsesaren lan ospetsuan, hau da, desira, erotismo, askapen eta eromenari buruzkoan. Marina Mascarell koreografoa lan honetan lehendabizikoz arituko da Danish Dance Theatre-ren arte zuzendari modura. Agertokian, dantzariek Dionisio ugalkortasunaren jainkoaren plazer, gehiegikeria, kaos, transgresio, jolas, jai eta estasiaren printzipioak jokatzen dituzte, eromen kutsu bat gehituta. Bisualki ikusgarria. Marina Mascarell Dansk Danseteater konpainiaren arte-zuzendaria da. Itzal handiko koreografoa da nazioartean, eta ezaguna da bere diziplinarteko lanak gogoeta sustatzen duelako. Aurretik, Mascarell Hagako Korzo Theatreko koreografo egoiliarra izan zen (2011-2021) eta Bartzelonako Mercat de les Flors guneko artista elkartua 2022ra arte. Koreografian aritu aurretik dantzaria izan zen Nederlands Dans Theater (NDT) eta New Yorkeko Cedar Lake Contemporary Ballet konpainietan. Danish Dance Theatre Danimarkako dantza garaikideko konpainia nazionala da, eta Kopenhageko Operan du egoitza. 2023ko apiriletik, koreografo valentziarra konpainiaren arte-zuzendaria da. Danish Dance Theatre ospetsua da errepertorio dinamikoa eta askotarikoa izateagatik, errepertorio barruan ditu Royal Danish Theatre-n egindako ekoizpen handiak, aire zabaleko jaialdiak eta ekitaldiak, baita erronka- nahiz inspirazio-iturri diren familia-ikuskizunak ere. Fitxa artistikoa:
Rafaela Carrasco + Álvaro Tato: CreaVIVA
Noiz: 2026/03/13 20:00Non: Santurtzi, Serantes Kultur Aretoa
Ikuskizunak arteen, gorputzaren eta arteak eurak betikotu egiten dituen inspirazioaren arteko lotura ospatzen du kopla, dantza eta poesiaren bitartez. Lana bederatzi atalez osatutako suite bat da, den-denek abiapuntu bera dutela, interpretazioaren muina bilatzea hain zuzen. Musika zuzenean duela (kantua eta musikatresnak), ikuskizuna soinu-paisaia da, non flamenkoa eta Estatuko folklorearen erritmo eta doinuak hizketan ari diren. Kultura greko-latinoko musetan inspiratuta – Kaliope, Klio, Erato, Euterpe, Melpomene, Polimnia, Talia, Terpsikore eta Urania -, euren sinbolo, tradizioak eta emozioak azaleratzea bilatzen du pieza bakoitzean. Fitxa artistikoa:
Dokumentuaren akzioak
