Baal: A&S Viajeras del espacio

Proposamen eszeniko honek enpatia, fantasia, elkarrizketa eta komunikazioa sortu nahi ditu, unibertso martetar eta fantastiko baten barruan. Bolumen, zirkulu eta esferaz betetako leku ezezagun bat eraikitzen dugu. Beste planeta bateko izakiak mundu honetaraino iristen dira elkarreragiteko eta lurtarrekin jolasteko.

Magia plastiko eta piktorikoa duen obra surrealista, objektuei, dantzari, teknologiarekiko harremanari eta publikoaren parte-hartzeari esker sortua. "Hurbiltasunezko utopia", espazio partekatu baten bidez.

Fitxa artistikoa:

• Kontzeptua eta egilea · Catalina Carrasco
• Teknologia interaktiboa, bisualak eta argiztapena · Gaspar Morey
• Antzezleak · Catalina Carrasco eta MAX + publikoaren laguntzaileak
• Musika eta testuak · Enrique Barrenengoa
• Off-eko ahotsak · Aitor Quiñonero, Susan Power eta Aina Compte
• Jantziak · Angie Vallori
• Eszenografiako asistentzia · Arkitektoak
• Banaketa · MATEL
• Esker onak · Elena Susilla eta Aina Compte

Ekoizpen eta erakusketa prozesuetan harreman-eredu hegemonikoei aurre egiten dien praktika artistikoa planteatzen dugu. Horretarako, Dadá eta Fluxus mugimendu artistikoetan jartzen dugu begirada. Bereziki, XX. mendeko hasierako mugimendu abstraktuan giltzarri izan ziren bi emakume artista erreferenterekin lan egin dugu modu kontzeptualean: Sophie Taeuber eta Aleksandra Ekster.
Bi artista horien interesa, alde batetik, beren estetika objektualean eta ikonografikoan datza, eta, bestetik, beren lana zabaltzean, duela gutxi arte gizon zuriaren begirada heteronormatiboaren pean idatzitako Artearen historiaren denbora-ildo nahasgarria aldatzeko mugimenduan lerrokatuz.