Dokumentuaren akzioak
Leonor Leal: ¡Ahora bailo yo!
*2025eko Lotura Mekanikoak Performance Zikloaren barne.
"Zuek zaretelako dantza egiten dut nik!"
Horrela hasten zen Mario Maya dantzari eta koreografo handiak 1976an estreinatu zuen Camelamos Naquerar ikuskizuna.
Edo hori uste nuen nik, horrela hasten zela…
Nola ikertu, berridatzi edo berregin inoiz ikusi ez dudan ikuskizun bat? Nola sortu, daukadan materialetik abiatuta? (material hori osatugabea eta nahasia da) Nola iragazi neure gorputzetik, dantzaria naizen aldetik, erakusteko? Edo... are hobeto, neure bizitzatik.
Esan ahal izango nuke?
"Camelamos Naquerar" hitzak "hitz egin nahi dugu" esan nahi du kaloz, beraz… nire oinez, aldakez edo besoez gain, ahots bat izan nezake? Kontatu, idatzi, irakurri eta erakuts nezake ikuskizun hau zeharkatzen duen eta ni hunkitzen nauen materiala?
Zer eginkizun ematen diogu iraganari orainaldian sortzeko? Nola bihurtu hori denboran zehar hausnartzen lagunduko digun tresna kontziente?
Galderak, sorkuntza, gurutzatzen diren materialak, beste leku batzuetara botatzen gaituzten hariak, dantza, musika, testuak... zentzumenen bidez bidaiarazten digun konexioz betetako mundu oso bat.
Fitxa artistikoa:
- Leonor Lealen hitzaldi dantzatu baterako materialak
- Mario Mayaren Teatro Gitano Andaluz taldearen "Camelamos Naquerar" lanetik abiatuta, José Heredia Mayaren testuei buruz
- Iraupena: 70 minutu, gutxi gorabehera
- Praktika Eszenikoko eta Kultura Bisualeko Masterraren azken lana (Gaztela-Mantxako Unibertsitateak eta Reina Sofia Arte Zentro Museo Nazionalak antolatua), Rosa Casadoren tutoretzapean. Madril, 2016.
Dokumentuaren akzioak
