Dokumentuaren akzioak
Albisteak
Dantza astea 2008 Villabonan
Oinkari Dantza Taldeak lehenengo aldiz Dantza Astea antolatu berri du. Bertan ekitaldi ezberdinak ikusteko aukera izango da, guztiak hainbeste maite ditugun Euskal Dantzen inguruan. Aurtengo edizioko egitaraua ondokoa da:
Folklorea eta Merkatua Ortzadarren 24. Jardunaldietan
Ortzadar Elkarteak antolatzen dituen Folklore Jardunaldiak 2008ko azaroaren 12 eta 14a bitartean izanen dira Iruñean. Jardunaldiak antolatzen dituen batzordeak txosten batzuk eskatu baditu ere, interesik duen orori gonbitea helarazi nahi diogu bere lanak, betiere argitaratu gabeak, aurkez ditzan. Txosten-egileek uztailaren 31 baino lehen bidali beharko dituzte proposatutako lanaren izenburua eta laburpena.
Dantza txurian, hiru dantza pieza Artelekun
Hiru dantza sormen eskainiko dira bihar, maiatzak 31, Artelekun. Maider Oyarzabalek Bidean lana aurkeztuko du, "Helbururik gabeko bidaia, bidaia bera baita helburua". MAI-MY-k e-j-e-r-c-i-c-i-o-n-ú-m-e-r-o-d-o-s eskainiko du eta Norabidea Kolektiboak telekomunikazioen aroan errealitatea eta fikzioaren arteko mugak oinarri hartuta sortu duten Puntu itsua emango du.
Lauarin Nazioarteko Folklore Jaialdia Donostian
Donostiako Goizaldi dantza taldeak bere 60. urteurrena ospatuko du aurten. Ospakizun horren bultzadarekin nazioarteko folklore jaialdi bat antolatuko du datorren ekainaren 26tik uztailaren 3ra. Polonia, Grezia eta Bulgariako taldeak arituko dira Euskal Herriko ordezkariekin batera.
Angel Rodriguez eta Robert Poole udako dantza ikastaldietan
Gipuzkoako Foru Aldundiak antolatzen dituen udako dantza ikastaldietan ohi bezala eskarmentu handiko bi irakasle izango dira dantza klasikoa eta dantza garaikidea jorratzeko saioetan. Angel Rodriguez eta Robert Poole izango dira, dantza klasikoa lehenak eta garaikidea bigarrenak, irakasten. Ekainaren 30ean hasi eta uztailaren 11an amaituko da ikastaldia. Artelekuko dantza aretoetan, ohi bezala.
Dantza eta Mutxikoaren Eguna Ibarran
Maiatzaren 31n, Ibarran, Dantza eta Mutxikoaren Eguna ospatuko dugu, Alurr dantza taldeak antolatuta. Bertan, 350 dantzari elkartuko dira, herri ezberdinatik etorriak: Berastegi, Anoeta, Irura, Alegi, Altzo, Berrobi, Bera de Bidasoa eta Ibarra.
Dantza sustatzeko diru-laguntzen 2008ko deialdia
Dantza sustatzeko diru-laguntzak emateko Agindua argitaratu du Eusko Jaurlaritzaren Kultura sailak. 234.000 euro banatuko dira (iazko kopuru bera) koreografia sorkuntza, dantza-lanen ekoizpena, bira artistikoak eta formakuntza eta zabalkunderako.
Bodarin: euskal dantza eta flamenkoaren ezkontza
Anaigazteak taldeak prestatu duen Bodarin ikuskizunean euskal dantza eta flamenkoa uztartu dituzte. Christian Larraldek zuzendutako taldearen lan berrian dantza eta musika tradizionalarekin eta tradizio desberdinekin jolastuz sorkuntza berria plazaratu du.
Hondarribia dantza II - Kronika
Igaro berri duguna asteburu bikaina izan da Kemen dantza taldeko kideentzat. Aurtengoan Hondarribia Dantzan-en bigarren ekitaldia ospatu berri dute eta eguraldia lagun, guztia primeran atera zela esan daiteke.
Gure maisuen iturrietara joz; geroa bermatuz
"Denborak aldatzen doaz…" dio Benito Lertxundik bere kanta batetan, garai berriak etengabeko aldaketaren ondorioak direla azpimarratuz. Euskaldunok, munduko gainontzeko gizarteak bezala, aurrera joan ahal izateko datozkigun erronkei aurre egin eta testuinguru berriei modurik eta onenean egokitzen saiatzen gara.
Dokumentuaren akzioak
