Dokumentuaren akzioak
Albisteak
Ballet Biarritzen sorkuntza prozesua Lucifer dokumentalean
Malandain Ballet Biarritz-en azken lanaren sorkuntza prozesua jasotzen duen dokumentala da "Lucifer". Catherine Guillaud eta Caroline de Oterok zuzendutako dokumentala Biarritzen estreinatuko da datorren abenduaren 15ean.
Atzo eta Gaurko ikuskizuna Baionan Erro Bat taldearen eskutik
Joan den udan Estatu Batuetan egin itzuliaren ondotik, Erro Bat, Baionako euskal koro eta dantza taldeak bere Atzo eta Gaurko ikuskizuna aurkeztuko du. Baionako Antzokian, 2011ko Abenduaren 10 ean, 20:30ean.
Arriagako ikuskizunaren bideoa Durangoko Azokan salgai
Gaztedi Dantzari Taldeak bere 60. urteurrena ospatzeko, pasadan azaroaren 13an Arriagan taularatutako ikuskizunaren DVD bikoitza, eskuragai dago egun hauetan Durangoko Liburu eta Diska Azokan.
"Gaita Dantzan" liburua argitaratu da, Nafar Gaitaz jotzen diren euskal dantza guztien partiturekin
Jon Gaminde Terrazak Bizkaiko Dantzarien Biltzarrararen laguntzarekin egina, liburua Durangoko azokan salgai egongo da. Euskaraz, Gazteleraz eta Frantsesez idatzia dago eta Bizkaiko Gaiteroek egin dute edizioa.
Sagasetari Luzaiden egindako omenaldiaren argazkiak jaso ditu Irisarrik
Pasa den uztailaren 25ean, Migel Angel Sagaseta omendu zuten Luzaiden, bertako dantzen ikerketa eta sustapenaren alde egindako lana omenduz. Juantxo Irisarrik argazki sorta ederra egin zuen eta bere blogean argitaratu ditu omenaldiko hainbat argazki.
Kukai eta Aikoren eskutik mintegiak Donostian Malandain BBen emanaldiaren harira
"Lucifer-Amor Brujo-Bolero" ikuskizuna Donostian eskainiko du abenduaren 17an eta 18an. Horrekin lotuta, Malandain Ballet Biarritzek, Victoria Eugenia Antzokiarekin batera Kukai eta Aikoren mintegiak antolatu dituzte Donostian.
Cool Hunterrak aurreskua modernizatzea erabaki du
Mikelek hamabost egun egin ditu Londresen, eta bueltan erabaki du joera berrietara egokitu behar dituela bere dantza taldeko jarduerak ere. Ezkontza batean aurreskua dantza egitea tokatu zaio, eta bere dantza zaharrak eguneratzen hasteko garaia dela erabaki du. Vaya Semanita (ETB2).
Gaitaz dantzarako jotzen diren doinuen liburua
Gaitarekin dantzarako jotzen de errepertorioaren bilduma zabala prestatu du Jon Gaminde Terraza, musikari eta Bizkaiko Dantzarien Biltzarrako kideak. Gaitaren jotzen diren Araba, Bizkaia eta Nafarroako dantzen inguruko informazioa eta 196 partitura biltzen ditu liburuak.
Dantza Astea eta DVD aurkezpena Villabonan
Abenduaren 13tik 17rako Dantza Astea antolatu du Oinkarik. Aste horretako ekitaldietako bat "Ari du" DVDaren aurkezpena izango da, eta horrez gain, Euskal Herriko Rock musikaren inguruko ikastaroa, Arozenatarren Ttunttuna 'Txistu, perkusio eta gitarra emanaldia', eta Oinkari taldearen "Ari du" dantza ikuskizunaren emanaldia izango dira.
Oberenako dantzarien eguna 70. urteurrenean
Iruñeko Oberena dantza taldea bere 70. urteurrena ospatzen ari da, eta ekitaldien artean berezienetakoa izango du abenduaren 3an, larunbatean, Oberenako dantzarien eguna ospatuko baitu.
Dokumentuaren akzioak
