Dokumentuaren akzioak
Albisteak
Dantzaren inguruko mahaingurua Euskadi Irratian
Apirilaren 29an ospatu den Dantzaren Nazioarteko Eguna aitzaki hartuta, dantzaren inguruko mahai-ingurua burutu da Euskadi Irratiko Amarauna saioan. Tolosako Udaberri taldeko Juan Urretabizkaia, Santutxuko Gaztedi taldeko Joxean Cabarcos, Elirale konpainiako Pantxika Telleria eta Aiko taldeko Patxi Laborda aritu dira hizketan bertan. Irratsaioa entzungai jartzen dizuegu hemen ere.
Dantza ikastaroa Parisen Edu Muruamendiarazen eskutik
Parisen ospatuko diren "Journées Basques", euskal jardunaldien egitarau barnean, maiatzaren 17an, arratsaldeko 18:00etan hasita euskal dantza ikastaro bat emango du Edu Muruamendiarazek Marcel Landowski entzutegian. Dantzen hastapen ikastaro bat izango da Muruamendiarazek hilabete honetan Parisen emango duena eta edonori dago zuzendua.
Atzo edo Gaur
Hegalka taldearen sorkuntza guzien ondotik eta Goixtiarrak dantza eskolaren 35garren urte mugakari, gure dantzari gaien ikusgarri bat aurkezten dugu belaunaldi guzieri.
"Zer porno?" La Fundicion aretoan
SX Pulsioak proiektuak "1.go Fasea. Ze porno?" lana aurkeztuko du Bilboko La Fundicion Aretoan, maiatzaren 6, 7 eta 8an, arratsaldeko 20:00etan hasita. Zer porno? galdeketa Bilboko eta inguruko herritarrekin eta gizarte-mugimenduekin lankidetzan garatua izateko planteatu da. Sexualitateak eta pornografiak gure bizitzetan duten lekuaren ikuspegi eguneratua herritarroi itzul dakigun ahaleginean lehen urrats gisa. Horren helburuen artean dago, baita, daitezkeen imajinario eta fantasia erotikoak jasotzea eta formatu ezberdinetan proiektatzea.
Koreografia endogenoak eta exogenoak erro tradizionaleko herri dantza modernoan Bizkaian
Azken bi mendeetako euskal herri musikan eta organologian espezializatutako musikologoa naizen aldetik, hurbiletik jarraitzen dut eragileen eta horien ekoizpenen bilakaera esparru horietan. Ikuspegi horretatik, euskal kultura tradizional modernoarekin lotutako musika-, koreografia-, literatura-produktuak edo bestelako arloetako produktuak gero eta ugariagoak direla egiaztatzen dut, saihesteko hain zailak diren joera merkantilistek eta komertzialek babestuta. Ez da arraroa merkatutik eratorritako asaldura horrekin batera zoritxarrez ezer laguntzen ez duen beste osagai bat agertzea: zerbait egitearen aldeko bultzada urduria, zerbait hori batzuetan konpultsiboa eta, zoritxarrez, ondo hausnartu gabekoa izan arren.
Dantza Soltearen jardunaldien egitaraua
Gehienbat dantza eta folklore taldeetako kideei, Akademietako irakasle eta monitoreei, dantzaren munduan diharduten musikariei eta hainbat diziplinatako ikertzailei zuzenduk izanik, Jardunaldi hauek publiko zabal batengana iritsi nahi dute era errazean eta aldi berean zorrotzean. Forma tradizionalak, lehiaketarako koreografiak eta dantza sortu berriak izango dira azalpenen eta eztabaidaren oinarria, baita prozesu historikoa, gizarte testuingurua eta geografia, musika eta koreografia esparruei dagokien guztia ere.
2012ko maskaradak Gamere-Zihigan
2011ko Santa Graziko maskaradak bertan behera geratu baziren ere, gaur, oraindik, hilabete eskas geratuko litzateke aurtengoak amaitzeko. Batzuk amaitu gabe leudeke eta besteak, 2012. urtekoak, jadanik badakigu non izango diren: Xiberuko botzaren bidez jakin dugu datozenak Gamere-Zihigatarrek antolatuko dituztela.
Dantzagunea.net webgunea martxan da
Gipuzkoako Foru Aldundiak dantzaren ikaskuntza eta sorkuntza prozesuak laguntzeko helburuarekin bultzatzen duen zerbitzua da Dantzagunea. Orain zerbitzu honen berri izateko eta bertako ekintzak jarraitu ahal izateko webgunea ireki berri dute: Dantzagunea.net.
Eifman Balletak Tchaikovsky dakar Bilbora
Datorren maiatzaren 24ean, Bilboko Euskalduna jauregian izango da San Petersburgoko Eifman balleta. Arratsaldeko 20:00etan hasiko den emanaldian Errusiako ballet horrek Tchaikovsky izeneko lana aurkeztuko du.
Olaeta balletak bi emanaldi eskainiko ditu maiatzean
Datorren maiatzaren 14an lehenik eta 29an bigarrengoz Olaeta Balletak emanaldiak eskainiko ditu. Lehena Tafallan, bigarrena, aldiz, Biarritzen. Bietan, Olaeta Balletak elkarteak ballet klasikoa eta euskal folklorea uztartuko ditu. Biarritzen, ordea, ez da bakarrik arituko, bertako Oldarra Balletarekin batera taularatuko baita.
Dokumentuaren akzioak