Dokumentuaren akzioak
Albisteak
Elkartasun dantza saioa Zumaian
Zumaian, Maria eta Jose aretoan datorren Maiatzaren 28an arratsaldeko 18.00tan, "II. Dantzara: Zumaia Nava Jeevan elkartearentzat Dantzan" Elkartasun dantza saioa izango da. Jaialdian parte hartuko dutenak, Amancay Gaztañaga eta Alima Dantza taldea ekialdeko dantzarekin, Dantza modernoa eta Balleta Celine Illarramendi eta bere ikasleen eskutik, Dantza Deportiboa Marian eta Igorrekin, Isaak Aranberri eta bere ikasleak Euskal dantza garaikidearekin, Senzala Euskadi Kapoeirako kideak eta amaitzeko Free Dance-a Marijo Zubia eta bere ikasleekin.
Tiliñori omenaldia egingo zaio Trikitixa egunean
Trikitxa eta euskal kulturaren alorrean lan handia egindako da Jose Jabier Abasolo "Tiliño" iurretarra, eta omenaldia egingo diote Euskal Herriko Trikitixa Egunean. Dantzaren alorrean ere oso ezaguna dugu Tiliño, Iurretako dantzari-dantza zuzpertzeko eta sendotzeko lan egin baitu, eta Euskal Dantzarien Biltzarrean aritu baita urte askoan.
"Karrikan" euskal ikuskizun onenaren saria Leioako umore azokan
Kukai Dantza Konpainiak asteburu honetan bere lan berria estreinatu du Leioako Umore Azokan, eta ‘KARRIKAN’ek bertan euskal ikuskizun onenaren saria jaso du. Emanaldiak ostiral eta larunbatean eskaini zituen.
El gran ball de Catalunya uztaila hasieran
Datorren ekainaren 30ean hasi eta uztailaren 3an amaituko da lehen "Gran ball de Catalunya" jaialdia Kataluniako Sant Ferriol eta Besalu herrietan. Dantza programazio zabala antolatu du Les Quatre Soques elkarteak egun horietarako. Ikuskizunak, tailerrak, erromeriak... ez da dantzaz gozatzeko aukerarik faltako.
Tradizionala eta garaikidearen arteko zubiak dantzan
Dantza tradizionala eta dantza garaikidea uztartzen dituzten proiektuen inguruko erreportajea idatzi du Iratxe de Arantzibia donostiarrak Valentziako "D Danza" aldizkarirako. Bertan, Kukai eta Aukeran aipatzen ditu kazetariak beste zenbait talde eta sortzailerekin batera. Tomas Aragay eta Sofia Asencio Bartzelonan
Ezpata-dantza aurkezpen militar moduan erabili zen Auzitegi Nazionalaren esanetan
Tasio Erkiziari urtebeteko espetxe zigorra ezarri dio Auzitegi Nazionalak 2008an Argalaren omenaldian terrorismoa goratzea leporatuta. Omenaldi ekitaldian dantzatu ziren ezpata-dantza eta agintariena frogatzat jaso ditu sententziak, besteak beste ezpata-dantzak ekitaldi militarretan armak aurkezteko egiten diren ekitaldien antza duela argudiatuz.
Luzaideko bolantak Interes Kulturaleko Ondare izendatuko dituzte
Nafarroako Gobernuak martxan jarri du Luzaideko bolant-dantzak Interes Kulturaleko Ondare izendatzeko prozesua. Luzaideko Udalak egin zuen eskaera, hainbat belaunalditan egindako lanaren errekonozimendu egiteko asmoarekin. 422 biztanleko herri batean 100 biztanle dantzan ateratzea kontuan hartzekoa dela aldarrikatzen du Luzaideko Udalak.
Boiseko Oinkari Euskal Herrira dator uztailean
Oinkari Basque Dancers taldea Euskal Herriko hainbat herritan dantzan ikusteko aukera izango da datorren uztailaren 2 eta 11a bitartean. 1960. urtean Boisen sortu zen taldea dugu Oinkari, Estatu Batuetako euskal dantza talde sendoeenetakoa. Ez da gurera bisitan datozen lehen aldia, baina, orain arte inoiz ikusi ez badituzu, aurten, izango da horretarako aukera: Mungia, Gernika, Gasteiz, Añorga, Hendaia eta Galdakaon izango dira.
Dantza sustatzeko diru-laguntzen 2011eko deialdia
Aurten, 2011. urtean, dantza sustatzeko diru-laguntzak emateko araubidea ezartzen duen Agindua onartu du Jaurlaritzaren Kontseiluak Kulturako sailburuaren proposamenez. Laguntzen gehienezko diru-zenbatekoa 348.000 euro izango da. Sorkuntza koreografikoak, dantza-lanen ekoizpena eta bira artistikoak, konpainien sendotzea eta profesionalen prestakuntza sustatzeko izango dira laguntza horiek.
Igor Urzelai, Budapest eta London artean dantzan
Budapest eta London-en egoitza duen Bloom! dantza konpainia hasi berri da bere dantza ibilbidea osatzen. Gaurdaino bi lan estreinatu dituzte, City eta Tame Game. Bost dantzarik osatzen dute konpainia hau: Ingeles bat, hungariarrak eta italiar bat egoteaz gain, bada Beasaingo euskaldun bat ere Bloom-en: Igor Urzelai.
Dokumentuaren akzioak
