Dokumentuaren akzioak
Albisteak
"Oroitzen naiz" dokumentala aurkeztu da Biarritzen
Biarritzeko Royal Cineman bildu dira atzo Oroitzen naiz ikuskizuneko protagonistak eta dokumentalaren egileak filma aurkeztu eta lehen proiekzioan parte hartzeko. Jean Nesprias falta izan da, baina bertan izan dira Filipe Oihanburu eta Koldo Zabala dantzariak, Mizel Theret koreografoa, eta Catherine Guillaud eta Caroline de Otero filmaren errealizatzaileak.
Entsegu irekia "Lucifer - Amor Brujo - Bolero"
Donostiako "Lucifer-Amor Brujo-Bolero" ikuskizunaren emanaldien harira, Malandain Ballet Biarritzek, Victoria Eugenia Antzokiarekin batera, atsegin handiz, programa berri honen inguruan egingo den Entsegu Irekian parte hartzera gonbidatzen zaituzte.
Gasteizko II Fandango eta arin-arin koreografia txapelketa
Arabako Dantzarien Biltzarrak Gasteizko II Fandango eta arin-arin koreografia txapelketa antolatu du. Bihar, abenduaren 17an jokatuko da, Gasteizko Federico Garcia Lorca antzokian.
Dantza Donostiako neguko ikuskizunen programazioan
Donostia Kulturak neguko ikuskizunen programazioa ezagutzera eman du eta zenbait dantza ekitaldi dira tartean. Dantzaz, La VEronal, Ballet du Grand Theatre de Geneve, Kukai, eta Mar Gomez dira Donostian urtarriletik martxora izango diren dantza konpainiak.
Dantza sentsibilizazio kanpaina
Kukai Dantza Konpainiak antolatzen duen sentsibilizazio kanpainaren baitan, Ballet biarritz eta Errenteriako Udalarekin elkarlanean, hainbat ekitaldi burutu ditu udazken honetan; Malandain Ballet Biarritzen ensaio publikoa, tailerrak Errenteria Musikaleko ikasleentzat, tailer eskaintza herriko ikastetxeentzat, e.a.
"Oroitzen naiz" dokumentalaren proiekzioa Biarritzen
"Oroitzen naiz" dokumentala bukatuta dago eta asteburu honetan estreinatuko da, proiekzio publiko batean Biarritzen. Filipe Oihanburu, Jean Nesprias eta Koldo Zabalak egin duten dantza ikuskizunaren inguruan osatu BoiSakre ekoiztetxeak Oroitzen naiz dokumentala.
Dantzari Gazteen Bilboko 6. sariketaren txapeldunak
Celia Dávila arabarrak eskuratu zuen sari nagusia "Copplelia" klasikoaren bariazioaz egindako interpretazioarekin. Bigarren eta hirugarrenak Agueda Garcia de Saavedra madrildarra eta Beatriz Gijon burgostarra sailkatu ziren.
Bermeoko Alkartasuna dantza taldearen 35. urteurrena
2011ko urte honetan Bermeoko Alkartasuna Dantza Taldeak 35. urteurrena ospatzen du, eta hori dela eta Abenduaren 17an bazkari bat egingo du dantzari eta musikari guztiekin, oraingokoak eta ohiak.
Dantzari Dantzazaleen Eguna
Dantza-bazkari-erromeri-jaialdia, abenduak 17, larunbata, Durangoko Plateruena Kafe Antzokian. Aurten bazkalosteko lagunak eta parradarako bidaideak izanen ditugu Dantzazale egunean, heldu den abenduaren 17an. Aikoren emanaldiaren ondoren haiek jarriko gaituzte dantzari: VIDRIO ETA OTXOA eta MP5. Hona hemen haien inguruko hainbat informazio interesgarriak, aurretik ezagutura hobeki pasako duzuelakoan.
Haurren soka-dantza eta erromeria Donostian
Datorren abenduaren 17an, larunbata, haurren soka-dantza eskainiko dute Arkaitz, Kresala eta Eskola dantza taldeetako haurrek eta Donostiako Udal Txistulari Bandak, Donostiako Konstituzio enparantzan, arratsaldeko 18:00etatik aurrera. Eskolako Aitor Lasa eta Kresalako Lander Cerrillo dantzariak soka-dantza osoan zehar aurrez aurre ibiliko dira aurreskulari eta atzeskulari lanetan.
Dokumentuaren akzioak
