Edukira salto egin | Salto egin nabigazioara

Tresna pertsonalak
Hemen zaude: Hasiera Albisteak Beasaingo neskatxen esku-dantza Dantzagunearen sortutakoak tradizionala deialdian

Dokumentuaren akzioak

Beasaingo neskatxen esku-dantza Dantzagunearen sortutakoak tradizionala deialdian

2012/10/24 11:00
Beasaingo neskatxen esku-dantza Dantzagunearen sortutakoak tradizionala deialdian

Neskatxen esku-dantza Beasainen, 2012-06-23. Aurtzaka dantza taldea.

Gipuzkoako Foru Aldundiaren Dantzaguneak dantza-sorkuntza bultzatzeko programan "Sortutakoak tradizionala" deialdia egin du 2012an lehen aldiz, eta Mikel Sarriegik Aurtzaka taldearekin egindako Neskatxen esku-dantza izan da hautatutako proiektua.

Sortutakoak tradizionala, dantza tradizionalaren eremuan lanean diharduten sortzaileei Dantzaguneak zuzendutako deialdia berria da. Orain arte dantza garaikidearen alorrean gauzatzen zen deialdia orain tradizionalaren alorrean ere lantzen hasi da. Lehen deialdian hiru proiektu aurkeztu dira eta hirurak oso ongi baloratuak izan dira, nahiz eta bakarra hautatu beharra gertatu den.

Beasainen, 2008tik aurrera antolatzen den San Joan bezperako Neskatxen esku-dantzari buruzko proiektua izan da hautatua. Proiektua aurrera eraman eta sendotzen jarraitzeko laguntza eskainiko du Dantzaguneak deialdi honen bidez. Aurtzaka taldeak bere blogean argitaratu ditu hautatutako Neskatxen esku-dantza honen inguruko xehetasunak:

 

Dantzaguneak adierazi duenez gertaera triste bat jazo da deialdi honetan. Aurkeztutako partaideetako baten heriotza hain zuzen ere. Jose Antonio Amilibia "Katto"k, Andoaingo Axeri-dantzaren inguruko proiektua aurkeztu zuen Axeri-dantza elkartearen ordezkari moduan. Katto, uztailaren 29an hil da, mendian izandako istripu baten ondorioz.

Dokumentuaren akzioak

Erantzun

Erantzuna emateko identifikatu egin behar zara, gure webgunean erabiltzaile bat sortuz.