Dokumentuaren akzioak
2015eko San Blas eguneko soka-dantzaren kronika, tenorez
Duguna - Iruñeko dantzariak
Hola, lasaiki, estresik gabe...
Iazko otsailaren 3ko San Blas eguneko soka-dantzaren kronika zorretan genuen eta urtebeteko beranta pilatu baino lehen, ia poliki-poliki gure txoko hau eguneratzen goazen.
Memoriak huts egiten ez badigu, elur mehatxua genuen arratsalde hartarako Iruñean. Baina San Nikolaseko txokoranzko bidean elur luma batzuk erori arren, espero genuen postal ederrik ez zigun oparitu aroak. Lastima! Elurrik ez baina hotza, gorria! Eskerrak ondoko Katatxu ostatukoek eskuak eta oinak berotzen utzi ziguten.
San Nikolaseko ezkilek arratsaldeko 7:30ak iragarri bezain pronto, Aitor Aranak abiatu zuen soka. Goxoki gorri eta txantxigorri urrin artean, salmenta postuek libre uzten ziguten bidetik, plaza zeharkatu eta soka San Nikolaseko txokora heldu zen. Hantxe Aitor-ek eta Hasier Moreno atzeskuak belauntxingoa dantzatu eta ondotik heldu ziren axeri-dantza, zortzikoa, ingurutxoa eta beste!
Plaza ez da berez handi handia, baina urtetik-urtera txikixeago geratzen zaigu. Ez da jendetzarik ere, baina bai 3-4 ikusle lerro. Aski. Orduak, tokiak, ikusle kopuruak... intimitate kutxu bat ematen diote dantzaldiari, sekretuki dantzan ariko bagina bezala, eta hori gustuko dugu!
Dantzan hotza uxatuta, sobera ez hozteko, Katatxu ostatuan merendua egin eta San Blasi gure eztarriak gordetzeko eskatu genion. Laster, berriz...
Dokumentuaren akzioak
Erantzun
Duguna - Iruñeko dantzariak
Iruñeko udalak 1949. urtean sortu zuen gure taldea, hiriko antzinako dantza usantzak gogoan, euskaldunon hiri buruzagiko zeremonialetan dantzan aritzeko. Sanson Galante eta Joanes Larraintzarkoaren oinordeko sentitzen dugu gure burua.
Duguna - Iruñeko dantzariak
Maiatzaren 2a karrika, 9 behea
31001 - Iruñea
Tfnoa: +34 657 33 29 44
duguna@duguna.eus
Jasotako azken erantzunak
- Aurtzaka dantza taldea on Auzo bat dantzarako: Igartzako egunean aritu gara ezpata-dantzari
- Kezka dantza taldea on Aurtengo San Juan bezperako soka-dantza, Kezkari esker onez
- Aritz Ibañez Lusarreta on Odol berria San Blaseko soka-dantzan
- Oier Araolaza on Odol berria San Blaseko soka-dantzan
- Kezka dantza taldea on Aspaldiko partez, Maulen!
- Aritz Ibañez Lusarreta on Sagrario Aranburu Olasagarre zendu da
- Dantzan on Sagrario Aranburu Olasagarre zendu da
- Aritz Ibañez Lusarreta on Angel Etxaniz "Veneno" zendu da.
- Kezka dantza taldea on Angel Etxaniz "Veneno" zendu da.
- Patxi Montero on Eta trokeo dantzak plazaratu genituen! 2017/09/05
